الحقونـــــى !!

**Mostafa Fahmy** · 30-09-2013 06:30 PM

انا معايا اوبل فيكترا 95 اوتوماتيك

لاحظت ان فى مياه نزلت من الشاكمان بعد مازودت المياه اللى فى القربه (انا عرفت ان كويس ان مياه تطلع مع الشاكمان بيدل على ان الموتور كويس)

بس المشكله بقى ان العربيه بتسخن جدااااااا منى و لو مشيت مشاوير بالعربيه الاقى المياه اللى فى القربه خلصت وبتتبخر تقريبا و بشم ريحة شياط و ساعات دخان و بتقف منى لو انا موقفتش (طبعا ده سيفتى)

فى واحد قالى عن الموضوع ده ان القربه دخلها هوا (طب ازاى ؟) واللى انا شايفه انى معنديش تسريب (تقريبا) فى دورة المياه لأن المياه عندى بتبقى ثابته لما بحطها لكن لما بمشى مشاوير طويله (مش طويله اوى يعنى) بلاقيها سخنت و المياه خلصت !!!!!!!!!!!!!!!!

ده ايه ده بقى ؟؟؟؟؟

**ابو لؤى** · 30-09-2013 06:41 PM

غطا القربه عند حضرتك ممكن يكون محتاج يتغير

**saddam** · 30-09-2013 09:35 PM

صديقي المواطن
مبدئيا الغطا يتغير ثانيا لا يصح شخصية مثقفة ووطنية زيك لا زال يستخدم مياه عادية ثم تسلكلي الراديتير بتاعك ب فلاش منظف ربع ساعة والمكنة دايرة وتكون واقف في البنزينة عشان تطلعها على جهاز غسيل الراديتير بعدها تغيرلي ثرنوستات بتتكلم في رنج الثمانينات وبلاش تسعينات وكمان أتمنى عليك تركبلي مروحة إضافية أمامية وكمان تراجعلي على مروحتك الرئيسية وكفائتها بالنسبة لوجود هواء في دورة المياه فلو جبت غطا كويس لا يقل سعره عن 15 جنيه في الجملة توفيقية مش تجيبلي غطا ب 15 جنيه من محل عادي خارج التوفيقية فده معناه إنو ده أبو 5 جنيه في التوفيقية ولما تركب غطا محترم فخلال مشوار واحد حتلاقي دورة.الماء تخلصت من الهواء وتيجي الصبح قبل ما تدور تعوض المياه التاقصة في القربة وشكرا ومتنساش مياه خضراء أنتفريز غالي فقط سيبك من أبو 18 و 20 جنيه للجركن.أبو 4 لتر ده مش حينفع
ودمتم للنضال

**jackal** · 01-10-2013 07:18 PM

حسب وصف حضرتك عربيتك جابت جوان وش سلندر

وللتاكيد زود ميه للعربيه وبص علي الشكمان لو لايته بيجيب ميه كتير وبعدين بعد شويه لمل العربيه تسخن اعلي من الطبيعي يبا كده جوان

**agme** · 01-10-2013 10:51 PM

خلى بقالك لأن اللى حضرتك بتقولوا ده غالبا جوان وش سلندر

**أحمد جودة** · 03-10-2013 11:47 AM

كدة عندك هوا فى دائرة التبريد ....... أو تسريب ..... مش شرط انك تشوف الماية بعينك مكن من مكان مزنوق غير مرئي وحضرتك بتقول العربية بتسخن وبتبخر الماية اللى فى القربة ......... الحل راجع على منظومة التبريد بالكامل وتأكد ان جوان وش السلندر مضربش من الحرارة