الحقونى استرا قطعت بنزين و انا ماشى

**elopahh** · 30-09-2013 10:10 PM

كنت ماشى على الدائرى و فجأه جى ازود بنزين لقيت مفيش اى استجابه و الحمد لله ان مفيش عربيات جايه من ورايا العربيه دايره و الدواسه مبتجبش اى حاجه بطلت و دورت مشيت عادى وصلت لحد البيت و بوست ايدى وش و ضهر مش عارف ده من ايه و خايف اخرج بيها تعمل نفس الحكايه دلونى اعمل ايه

**dr.hazem** · 30-09-2013 10:16 PM

دواسة البنزين كهربا ولا على واير؟؟
لو كهربا يبقى الكونترول بتاعها هيس ورجع اشتغل انما لو على واير معنديش فكرة غير ان الواير علق نتيجة تراكم اوساخ ومحتاج رش دبليو دي ورجلشه....
تحياتي

Sent from my Xperia Arc S using Forum Runner

**hamaka** · 30-09-2013 10:46 PM

متابع

**elopahh** · 30-09-2013 10:47 PM

هى كهربا على فكره

**dr.hazem** · 01-10-2013 03:26 AM

المشاركة الأصلية كتبت بواسطة egyptiondr

نفس الحركة دى حصلت معايا على يومين تلاته وكانت ترجع تشتغل لما ابطل العربية وادور تانى....المشكله طلعت فى طرمبة البنزين وكانت بتسخن وتفصل....غيرها فورا وخلى بالك من ماركة بوش المغشوشه انا كاتب موضوع عنها انا جبت ماركة اس ال كورى بس ماشية تمام والحمد لله سعرها 160 جنية....تحياتى

ياغالي الطرمبه فعلا ممكن تعمل كده لكن عالاقل العربيه تنتش مش تفضل شغاله لكن متدعسش
وحتى بعد اما تنتش ممكن تطفي انما تفضل شغاله ومش حاسه الدعسه لا مش طرمبه والله اعلم...

المشاركة الأصلية كتبت بواسطة elopahh

هى كهربا على فكره

كده غالبا زي ما حكيت لحضرتك انه بيبقى الكنترول بتاعها هيس عموما لو اتكرر الموضوع بعيد الشر هتكشف عليها كمبيوتر وتشوف قراية الحساسات سليمه ولا لا وتراجع على كل الفيوزات والريليهات انها مشبوكه صح مش مهزوزه وباذن الله مش هتحتاج لكل ده...

تحياتي