الموضوع: أستدعاء ضخم لسيارات اودي وسكودا بسبب مشاكل ناقل الحركة dsg

المشاركة الأصلية كتبت بواسطة mo7a_mo7a

ال DSG بيتصنع يا أما ف kassel ف المانيا
يا اما ف Dalian ف الصين


يعني حضرتك تفتكر ايه؟؟
اذاكان اللي بيروح استراليا صيني!!
يعني تعتقد ان VAG بتودي الصيني استراليا وتجيب الالماني مصر؟؟


التاكيد الوحيد المتاح ان كود الفتيس هو هو نفس الكود بتاع فترة الاستدعاء (DQ200) لو اتغير فيه حاجة كان الكود اتغير
والفتيس صيني يا باشا معلومة مؤكده اليوم من صديق في المانيا معاه عربية اودي واكدلي ان
الفتيس والموتور صيني

يا فرحة ابلة ظاظا فينا


ايييييوة
الفتيس والموتور صيني صيني صيني


لا ويقلك 275 الف جنيه

275 الف عفريت يركبوهم

يادي المصيبة

يعني إيه..يعني عربيتي طلعت صيني !! يعني الفانتازيا اللي ماشية 118000 كم من 2010 لحد دلوقتي وحالتها زيرو من عفشة وموتور وفتيس وصالون طلعت صيني !! يعني العربية اللي ثباتها بيمبرومبله المثل طلعت صيني !!!
طب وسمعتها اللي كل يوم في الطالع.وجملة Made in Germany اللي مكتوبة علي كلللل حته فيها برة وجوة وعلي أجزاء موتورها وعفشتها..كل ده طلع خدع بصرية ؟؟

يا حسرتاه.....
....
أظن كده يا باشا ردي واضح ومعذرةً إذا كان ساخر شوية :)

حقائق :-
----------

- محدش فينا يعرف الفتيس اللي راكب علي العربية المغضوب عليها دي هي واخواتها في نفس الجيل راكب بأي كود ؟ هل DQ200 ولا حاجة تانية..لأن أثناء ما كنت بدور لقيت الكلام في WIKIPEDIA
"Volkswagen Australia confirmed on the evening of the 11th of June 2013 that it would conduct a recall across its Skoda,Golf, Jetta, Polo, Passat and Caddy models manufactured between June 2008 and September 2011. The recall will affect 25,928 vehicles within this range." "The recall will target a particular version of DSG, the seven-speed DQ200 the 7-speed

فأنا شايف إننا منحبطش من سمعة العربية لحد ما نكون متأكدين فعلاً من أبعاد المشكلة وهل إتحلت ولا لا..إلي هذه اللحظة مفيش أي إستدعاء تم لأي من سيارات A7 أو ظهر فيها المشكلة.

- تعقيباً علي موضوع السعر..فأم 275000 ألف دي لو علي الخليجي اللي بتقول بابا وماما..أه دي تسوي طبعاً لأن دي مختلفة إختلاف كلي عن الوكيل.

- هرجع تاني لنقطة بلد المنشأ .. يا ريت حضرتك تجيب مصدر يؤكد إن الفتيس الـ DSG اللي نازل في الـ A7 اللي عندنا في مصر صيني..وإن الموتور الـ 1400 سي سي 140 حصان اللي نازل في الـ A7 اللي عندنا في مصر صيني..ده طبعاً إذا إعتبرنا إن الصيني سُبة لسمح الله.حضرتك راجل مُطلع علي الأمور وعارف الصين عندها كام مستوي إنتاجي كما أشرت في رد سابق لي :)

تحياتي :)