أستدعاء ضخم لسيارات اودي وسكودا بسبب مشاكل ناقل الحركة dsg

**mo7a_mo7a** · 02-10-2013 05:33 PM

و من نفس اللينك اللى انت حاطه ,, اعمل download لملف pdf
هتلاقى مكتوب فيه (zafer celik. “every transmission we produce is practically already
sold. in the coming years, no transmission from chinese production is likely
to be exported.”)

و دا easily predictable ,,

طب خلينا في الكلام اللي حضرتك اشرت اليه
in the coming years, no transmission from chinese production is likely
to be exported.”)
"الترجمة: في السنوات القادمة لا يتوقع ان يتم تصدير اي صندوق تروس منتج في الصين"

ده معناه ايه؟؟ ان جزء من الانتاج الحالي يتم تصديره بالفعل ويركب في سيارات VAG ويجيلك
المشكلة الحقيقية مش ان صناعة الفتيس صيني المشكلة ان في عيب في تصميم الفتيس عيب هندسي

تحياتي

**amroebraheem** · 02-10-2013 07:19 PM

المشاركة الأصلية كتبت بواسطة mo7a_mo7a

ومالها رمسيس كانت زي الفل :)

اخى الفاضل mo7a_mo7a
والله فعلا يا اخى اضحكتنى من قلبى كثيرا لما فكرتنى بالسيارة رمسيس ودى ميعرفهاش الا الناس بتوع الزمن الجميل
ويا عالم فى المستقبل يمكن الناس لما تتفتكتر عربياتنا دى تقعد تضحك مع زمن العربيات الطائرة وغيرها
ربنا يباركلك ويهدينا جميعا لما يحب ويرضى
والسلام عليكم ورحمة الله وبركاته

**mo7a_mo7a** · 02-10-2013 08:05 PM

المشاركة الأصلية كتبت بواسطة amroebraheem

اخى الفاضل mo7a_mo7a
والله فعلا يا اخى اضحكتنى من قلبى كثيرا لما فكرتنى بالسيارة رمسيس ودى ميعرفهاش الا الناس بتوع الزمن الجميل
ويا عالم فى المستقبل يمكن الناس لما تتفتكتر عربياتنا دى تقعد تضحك مع زمن العربيات الطائرة وغيرها
ربنا يباركلك ويهدينا جميعا لما يحب ويرضى
والسلام عليكم ورحمة الله وبركاته :copy of new:

و عليكم السلام ورحمة الله وبركاته
الف شكر علي كلماتك الكريمة

تقبل تحياتي

**mo7a_mo7a** · 02-10-2013 08:10 PM

المشاركة الأصلية كتبت بواسطة amroebraheem

السلام عليكم ورحمة الله وبركاته
اعتقد بع كلام الاخ omar skawki هذا ان الموضوع سوف يزداد اثارة
نظرا للمعلومة الخاصة بالضمان مدى الحياة
والسلام عليكم ورحمة الله وبركاته

قلبك ابيض يا عمرو بك
ضمان مدى الحياه مين بس؟

تشرب شاي؟؟

**horas3000** · 02-10-2013 09:25 PM

المشاركة الأصلية كتبت بواسطة mo7a_mo7a

يا فندم مجموعة معينة من العربيات يعني باتش محدد او عدد معروف وبينزل الاستدعاء بارقام الشاسيه بعينها

انما لما الشركة تستدعي مدى زمني زي الحالة دي ميبقاش خطأ مصنعي بيبقي عيب تصميم زي الحالة دي والاستدعاء تم في معظم دول العالم بشكل اعلانات استدعاء محلية لكل دولة علي حدى

المشكلة مش كل اللي فات او يمكن انا موضحتش كلامي
الاستدعاء كان 5 مرات لنفس العربيات وكل مرة بيزيد فيه موديل جديد يعني مثلا تلاقي موديل 2008 تم استدعائه 4 مرات و 2010 3 مرات و2011 مرتين وده بيعكس المشكلة الاكبر ان vag معندهاش حل جذري
لكن بيعملو الاستدعاء محلي علشان ميبنش ضخامة الكارثة (وكلمة الكارثة دي مذكورة كوصف للموقف في كتير من التقارير الدولية عن الموضوع)
وعلي سبيل المثال السنة دي كان استدعاء نفس المدى الزمني للسيارات في استراليا للمرة الثانية بعد استدعاء 2011
وفي ظل ده كله العربيات في مصر زي الفل تماااااااااااااام ولو سالت التوكيل يقولك لا لا عربياتنا سليمة العيوب دي برة بس في الدول المتخلفة زي فرنسا وانجلترا والمانيا والصين

اما بالنسبة لما بعد 2011 لو حضرتك اخدت لفة في المنتدي حتلاقي اعضاء ثقات بيحكو عن مشاكل لمعارفهم واصدقائهم في عربيات باسات وجيتا 2012

ارجو ان الفكرة تكون وصلت

تحياتي

انا شخصيا شايف ان العربيات المنتجه بين 2008-2011 باتش في حد ذاته
و انا و الله متفق معاك ان في عيب في التصميم بالفعل و انه المفروض اتعدل

و بالمناسبه العيب مش بيظهر جليا الا في البلاد اللي فيها زحمه كتير او درجه حراره عاليه
و عشان كده العيب مظهرش في كل بلاد العالم و مش هيحصل استدعاء للكل

و ايه مصدرك ان نفس العربيات استدعت مره تانيه
مفيش اي حاجه في الاخبار بتقول كده
زي ما برضه مفيش اخبار عن ايه اللي اتعمل و انطباعات العملاء بعدها

طبعا احنا في مصر بره الحوار ده
استدعاء ايه بس تف من بقك

اما الناس اللي اشتكت من موديلات 2012 فانت عرفت منين انها مش انتاج 2011 و ضمن الباتش المعيوب
و ما انا عندي اصحاب معاهم جولف 6 و جيتا و باسات و محدش اشتكي من حاجه
بس ده مش معناه اني بنفي المشكله

و انا مش عايز ابان اني بدافع عن الشركه او بقاوح و خلاص
انا اصلا لا انصح اي حد يشتري عربيات من انتاج المجموعه في الوقت الحالي و ببدي تحفظي علي الفتيس و بوعي الناس بالمشاكل و المعلومات المتوفره و بسيبهم يقرروا
انا مشكلتي زي ما قلت مع تعامل بعض التوكيلات
و مع اللغط الكبير في المشكله و قله المعلومات المتوفره زي نتايج التعديل و الموديلات الجديده و كده
و لحد ما كل ده يتضح و يبان لن اطلق اي احكام عن العربيه و الشركه لكن بانصح يتوخي الحذر

**mo7a_mo7a** · 02-10-2013 10:09 PM

المشاركة الأصلية كتبت بواسطة horas3000

انا شخصيا شايف ان العربيات المنتجه بين 2008-2011 باتش في حد ذاته
و انا و الله متفق معاك ان في عيب في التصميم بالفعل و انه المفروض اتعدل

و بالمناسبه العيب مش بيظهر جليا الا في البلاد اللي فيها زحمه كتير او درجه حراره عاليه
و عشان كده العيب مظهرش في كل بلاد العالم و مش هيحصل استدعاء للكل

و ايه مصدرك ان نفس العربيات استدعت مره تانيه
مفيش اي حاجه في الاخبار بتقول كده
زي ما برضه مفيش اخبار عن ايه اللي اتعمل و انطباعات العملاء بعدها

طبعا احنا في مصر بره الحوار ده
استدعاء ايه بس تف من بقك

اما الناس اللي اشتكت من موديلات 2012 فانت عرفت منين انها مش انتاج 2011 و ضمن الباتش المعيوب
و ما انا عندي اصحاب معاهم جولف 6 و جيتا و باسات و محدش اشتكي من حاجه
بس ده مش معناه اني بنفي المشكله

و انا مش عايز ابان اني بدافع عن الشركه او بقاوح و خلاص
انا اصلا لا انصح اي حد يشتري عربيات من انتاج المجموعه في الوقت الحالي و ببدي تحفظي علي الفتيس و بوعي الناس بالمشاكل و المعلومات المتوفره و بسيبهم يقرروا
انا مشكلتي زي ما قلت مع تعامل بعض التوكيلات
و مع اللغط الكبير في المشكله و قله المعلومات المتوفره زي نتايج التعديل و الموديلات الجديده و كده
و لحد ما كل ده يتضح و يبان لن اطلق اي احكام عن العربيه و الشركه لكن بانصح يتوخي الحذر

بالنسبة لطلب حضرتك دليل او مصدر لتكرار الاستدعاء
اذا كان الخبر والموضوع قائم علي كده ان دي تاني مرة لنفس الرنج والاستدعائات عند حضرتك ده غير ان نفس المدى الزمني تم استدعائه في 2012 في فرنسا والصين وعلي فكرة قالوا ساعتها ان العيب سببه سوفتوير مش اكتر واليوم في 2013 بيتم استدعائه ومدير عام الصيانة في VAG بيقول بعضمة لسانه ان السبب الميكاترونكس وطبعا دي مش نازلة مخصوص لاستراليا ده استدعاء بينفذوه هناك مضطرين وتحت ضغط زي ما حصل السنة اللي فاتت في الصين وفرنسا وانجلترا في 2011

وانا فعلا بردو مليش مصلحة اني اني اعيب في فتيس وعربية بدون سبب لكن الواحد بيحاول يعدل كفة الميزان فقط

وزي ما حضرتك شايف الوضع الاشاعات مالية البلد واغلبها مضلل او اختراعات مندوبين بيع عايزين يلبسوا الزبون العربيات وخلاص علشان مصلحتهم فقط

اللي يقول ان الفتيس ده غيير اللي في الباسات والجتا بتوع فولكس واكتافيا انفصلت عنهم

واللي يقولك الوكيل خايف علي سمعته وطالب فتيس مخصوص

واللي يقولك ضمان مدى الحياه
واللي يقولك الفتيس ده غير اللي كان راكب في 2011
واللي يقولك انه دلوقتي صناعة الماني
وللاسف الاشاعات دي غلط وفي اعضاء كرام بحسن نية بتصدق وتكرر الكلام

خالص تحياتي وتقديري

**mo7a_mo7a** · 03-10-2013 12:11 AM

المشاركة الأصلية كتبت بواسطة Omar.Shawki

ياباشا لو انت متأكد خلاص شكل بتاع المبيعات اللى قلهم مش فاهم حاجة عشان هما الصراحة مش هيكدبوا

على فكرة ان مش مصدق برضه والله بس انا كنت بسأل عشان لو حد راح وسمع نفس الكلام من نفس المكان عشان فى ناس كتير بتصدق وممكن تشترى على اساس الكلام ده..

ومستنى الشاى

انا مكدبتهمش
ولو حضرتك طلعت بعنيك فوق حتلاقي اني بتهم بتوع المبيعات بنشر الاشاعات في السوق علشان يبيعوا وخلاص

وللاسف زي ما حضرتك اوضحت ناس كتير بتصدق ومش بس كده لا بيشتروا علي الاساس ده كمان
اطول فترة ضمان في سوق السيارات المصري حاليا هي لهيونداي وكيا وهوندا وجيلي امجراند واعتقد تويوتا (خمس سنوات او 100 الف كم)
الباقي كله 3 سنوات او 60-100 الف كم حسب الماركة
اقل فترة ضمان سكودا (سنتين او 100 الف كم)

وبالنسبة للشاي

تقبل تحياتي

-

-

الموضوع: أستدعاء ضخم لسيارات اودي وسكودا بسبب مشاكل ناقل الحركة dsg

LinkBack

أدوات الموضوع

عرض

-

-

-

-

-

-

المواضيع المتشابهه

انواع زيوت ناقل الحركة (الفتيس)

ناقل الحركة dsg

اودي تستخدم ناقل حركة بثمان سرعات

مشكلة في ناقل الحركة للألتو

ناقل الحركة الاوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة