استفسار لنقلات الاتوماتيك

**0samah** · 07-10-2013 10:53 PM

ياباشا انت محير نفسك ليه انا معايا اوتومتك بصراحه عمري معملت كده وانا مع الرأي اللي بيقول لازم الفرامل مبين الـn وd او مبين الـn و r بس انا اللي بعملو لو نازل من منزل وانا علي الـd عادي برفع بس رجلي من علي البنزين وهي بتهدي لوحدها مش لازم امور يعني الموضوع مش مستاهل المنزل يدوب بيكون كام ثانيه يعني اما لو واقف في اشاره طويله في ناس بتتستسهل وتدوس فرامل وهي علي d وده بيقصر عمر الفرامل وهي اصلا بتبقي قصيره في الاوتومتك فلو الاشاره طويله بدوس فرامل وانقل علي n واقف
وده مجرد راي وحضرتك شوف ايه الافضل وشكرا

**مانويل مايكل** · 08-10-2013 05:10 PM

فعلا بلاش تلعب فى الفتيس . لأن كمان لما حضرتك تنقل على dوالعربية ماشية ال أر بى بيعلى فجأة على حسب سرعة العربية وأنا الموضوع دة بحسة مش مريح للعربية . يعنى باختصار أنا مش بجيب n غير وأنا واقف

**mamdouhsh1973** · 09-10-2013 11:11 PM

المشاركة الأصلية كتبت بواسطة مانويل مايكل

فعلا بلاش تلعب فى الفتيس . لأن كمان لما حضرتك تنقل على dوالعربية ماشية ال أر بى بيعلى فجأة على حسب سرعة العربية وأنا الموضوع دة بحسة مش مريح للعربية . يعنى باختصار أنا مش بجيب n غير وأنا واقف

انا سألت فى التوكيل عبى الموضوع دة فكانت الاجابة ببساطة انة عادى جدا النقل من d الى n والعربية ماشية من غير فرامل وانة لا يؤثر على شئ

**elmkaneeki** · 10-10-2013 12:41 AM

المشاركة الأصلية كتبت بواسطة mamdouhsh1973

انا سألت فى التوكيل عبى الموضوع دة فكانت الاجابة ببساطة انة عادى جدا النقل من d الى n والعربية ماشية من غير فرامل وانة لا يؤثر على شئ

طب والعكس ؟

**M.ABDOU** · 10-10-2013 10:06 AM

حقولك على المفيد وبأختصار

لا يوجد مشكله لتحويلك من ال d الى ال n وانت ماشى لكن فى حاجه تانيه حطها فى اعتبارك

وانت نازل منزل كبير او طريق كبير زى المقطم مثلا يستحسن متحولش العربيه لل n وذلك ان حضرتك لما بتحولها مبيكونش فيه engine brake يعنى العربيه بتفضل سرعتها تزيد شويه شويه وانت نازل لكن لو كانت على ال d سرعتها بيتعملها كلبشه من مقاومه الماتور والجيربوكس

وده حتلاقيه نصايح بتقولها شركات السيارت للمستخدمين انهم ميعملوش كده على المنخفضات لانه ساعتها لما يجى يبطىء سرعته حيستخدم الفرمله كتير وحتتاكل بشكل متزايد جدا غير طبعا انها حتستخن بطريقه غير طبيعيه

لكن من الناحيه الميكانيكيه للتحويل من ال d الى ال n مفيهاش اى مشاكل للفتيس والعكس برضه صحيح

**tameraast** · 10-10-2013 10:15 AM

عادى جدا جدا جدااااا كمان من n ل d و العكس دا نيترول وده دريف يبنقل لوحده و السلكتور بيجيب النقله الصح لوحده لا يوجد ادنى ضرر

**medo-312** · 07-11-2013 09:11 PM

فى معلومة سمعتها انه فى الزحمة يفضل تمشى على 2 مش على ال d وده بيوفر فى استهلاك البنزين .. هل ده صح ؟
وللعلم جربت الموضوع ده لقيت قراءة المتبقى بالكيلو متر بتزيد يعتى الكلام ممكن يكون صح بنسبة كبيرة

**gha** · 10-11-2013 04:58 PM

فين استاذ احمد tv........كان يفيدنا فى موضوع زى ده !!

**amr011111** · 10-11-2013 04:59 PM

المشاركة الأصلية كتبت بواسطة gha

فين استاذ احمد tv........كان يفيدنا فى موضوع زى ده !!

دور على المواضيع فى قسم نيسان هتلاقى الاستاذ احمد عامل موضوع عنه

**ayam7** · 10-11-2013 05:49 PM

مفيش مشكلة من النقل وأنت ماشى من d الى n او من n الى d والحارة مابينهم فى الفتيس مفتوحة والحساسات فى الفتيس بتدخلك على النقلة المظبوطة بس لتفادى الحوادث والمفاجأت شركات السيارات متنصحش بالكلام دة الا عند التوقف التام او قرب التوقف كمان فى المنحدرات القوية وجود الفتيس والمحرك فى حالة تعشيق بيساعد على تحجيم السرعة دون الحاجة للفرامل