الموضوع: اكمل بنيسان وﻻ اجيب سيراتو؟؟؟

المشاركة الأصلية كتبت بواسطة boshbosh

انا عارف انى مش مشارك معاكو فى المنتدى خاالص بس محتاج رايكو ﻻنه هيفيدنى جداا...
انا دلوقتى معايا نيسان صنى سوبر صالون 2010 جايبالى90 ألف بفكر احط عليها من 5000 ل 10000 واشوف سيراتو هاى لاين 2010 ايه رايكو ياريت تفيدووونى..واكيد الناس اللى معاها العربيه هتقولى رايها بكل امانه طبعاا..
وعلى فكره انا سالت نفس السؤال ده ﻻصحاب النيسان.وجه دوركم معايا بقى..
شكراا

شوف حضرتك
انا معايا سيراتو 2011 خليجى كاملة بفتحة سقف من حوالى ثلاث سنوات
نصيحتى لحضرتك اذا عربيتك مريحاك خليك معاها وبصرلحة انا لا انصح بالسيراتو مع انها معايا للاسباب الاتية
العربية ككماليات كويسة جدا بس عفشتها أسوء ما تكون حاجة كدة بشعه طبعا العيب الاساسى فى طرقنا الجميلة بس هى طرقنا الموجودة وخلاص ولازم نأقلم نفسنا عليها
فالسيراتو كعفشة فى الطرق المصرية بصراحة لا تحتمل دة طبعا بالنسبالى عل الاقل وإن كان دة رأى أغلب ملاكها
قطع غيارها الاصلية زى تيل الفرامل والفوانيس الامامية والخلفية والمرايات غالية
يعنى قطعة الفانوس الخلفى الموجودة فى الرفرف فقط سعرها جديد اصلى 575 جنية واستيراد حوالى 400 جنية والديبو التيوانى 200 جنية تقريبا ولاحظ أن السعر دة لا يشمل قطعه الفانوس الخلفى الموجودة فى الشنطة
المراية جديدة اصلى كهرباء باشارة بدون ضم بتعمل حوالى 900 جنية واستيراد حوالى 700 جنية وتيوانى حوالى 250 جنية
اما المراية الضم بتعمل حوالى 1350 جنية اصلى وكبعا بتكون سوداء او بيضاء وبترشها بلون العربية
التيل الاصلى حوالى450 جنية وفى طبعا الكورى بس طبعا بيبوظ الطنابير
فلتر الزيت اصلى بحوالى 25 جنية
البوجيهات الاصلية 180 جنية
فلتر هواء اصلى 90جنية
فلتر تكييف اصلى 160 جنية
وطبعا الاسعار دى غالبا زادت
إستهلاك البنزين عالى نوعا ما
فى رعشة خفيفة فى العربية لما تيجى ترفع الزجاج الكهرباء أو تنزلة وكنت فاكر انها عندى لوحدى لكن اتضح لى انها موجود عند الكثير من ملاكها
العربية بتزيق من الكاوتشات بتاعة الابواب بعد فترة لمن لسة محصلتش عندى
طبعا الصاج ضعيف جداااا تقدر تقول كدة ورق لدرجة ان الرفرف لم اتخبط عندى السمكرى رجع جزء كبير منه بأيدة فقط بدون اى ألة
والدهان بردة ضعيف
طبعا هتقولولى انى شركت العربية بس الراجل طلب الراى وانا معايا العربية من الزيرو من ثلاث سنوات تقريبا
المميزات
انتشارها وبالتالى سهولة البيع بس دة سبب بردة فى زيادة سرقتها
ووجود قطع الغيار جديد واستيراد وتجارى
كماليات عالية
ارتفاع عن الارض مناسب نوعا ما بس اذا العربية محملة فهتحك فى المطبات
واسعه من جوة والشنطة واسعه بردة
تكييف ممتاز
موتور قوى صوته مش عالى وتسارع كويس جدا
فتيس ستيبترونيك بيديك خيار المانيوال والاتوماتيك
ثبات كويس جدا لحد سرعه 160 تقريبا ولكن يجب الحذر فى السرعة من مطبات الهواء بسبب نوعية العفشة الخلفية
بصراحة اذا رجع بيا الزمن انا مكنتش هشترى السيراتو بعد ما سقتها وعرفتها
ويمكن اذا كانت طرق مصر افضل مكنتش ندمت انى اشتريتها
طبعا ان مش هبيع لان اسعار السيارات ارتفعت بشكل كبير جدا وكمان الفئة من السيارات الى انا ناوى عليها معنديش مقدرة مادية حاليا لشرائها
نصيحة خليك فى عربيتك طالما مريحاك

على فكرة لما كنت بدور على عربية كانت الصنى ضمن اختياراتى بس استبعدتها بسبب
الكنبة الخلفية الضيقة
الفتيس الاربع سرعات القديم
شكل العربية التقليدى من برة
كنت سمعت ان فى مشكلة فى كراسيها بسبب التقفيل المصرى وهى ان الكراسى بتزيق
وكنت مبهور بشكل السيراتو وامكانياتها
بس دلوقتى وفى ظروف البلد الحالية بلاش تبيع وتشترى وخليك فى الى معالك طالما مفيش منه مشاكل
واذا كنت ناوى تغير خلاص فانصحك بالكورولا موديل من 2005 الى 2007 بس تكن حالة كويسة
انا عارف انها غالية بس انا معايا موديل 2006 منها 1300 سى سى مانيوال بس بركبها اكتر من السيراتو علشان عالية عن الارض ومبتحكش فى اى مطب وكراسيها مريحة وسحب ممتاز وتكييف تلاجة وعفشة ناعمة ناعمة ناعمة ناعمة لاقصى درجات النوعومية وواسعه جدا سواء من جوة او من الشنطة
بصراحة الكورولا دى عربية فى الجوووووووووووووووووون
بس كان نفسى فى 1600 سى سى منها اتوماتيك واذا لقيتها إن شاء الله بحالة نضيفة وسعر مناسب هبيع عالطول السيراتو

انا بشكركووو لسرعة الرد ههههه
وبالنسبه للشرح الوافى ده بجد مش عارف اقول لحضرتك اييه بجد محترم..
بالنسبه للنيسان هى لو شايف ان الكنبه الخلفيه ضيقه ده لوسع الشنطه وكمان الحته دى ظبطوها فى السوبر صالون ومن ناحية ااتقفيل المصرى ده كﻻااااام وبس اسالنى انا التقفيل ممتاااز ممتاااز..والعربيه موتورها قوى وهادى ونااعمه وعفشه رياضيه وثباات وصاج ناشف مفيش بعد كده وعااليه حتى لو محمل غير بقى الكماليات التانيه مرايات ضم وفرامل اى بى اس و2 ايرباج بصراحه انا بحب العربيه دى جدا وبحترمهاا اوى.كل اللى خﻻنى افكر فى السيراتو بصراحه هو ااشكل فقط..

انا نسيت قطع غيار النيسان انا كنت فاكرها غاليه بس بالنسبه لﻻرقام اللى قلتها حضرتك على الكيا انا بحمد ربنا...هههه

المشاركة الأصلية كتبت بواسطة boshbosh

انا بشكركووو لسرعة الرد ههههه
وبالنسبه للشرح الوافى ده بجد مش عارف اقول لحضرتك اييه بجد محترم..
بالنسبه للنيسان هى لو شايف ان الكنبه الخلفيه ضيقه ده لوسع الشنطه وكمان الحته دى ظبطوها فى السوبر صالون ومن ناحية ااتقفيل المصرى ده كﻻااااام وبس اسالنى انا التقفيل ممتاااز ممتاااز..والعربيه موتورها قوى وهادى ونااعمه وعفشه رياضيه وثباات وصاج ناشف مفيش بعد كده وعااليه حتى لو محمل غير بقى الكماليات التانيه مرايات ضم وفرامل اى بى اس و2 ايرباج بصراحه انا بحب العربيه دى جدا وبحترمهاا اوى.كل اللى خﻻنى افكر فى السيراتو بصراحه هو ااشكل فقط..

خلاص توكل على الله وخليها معاك وانا شايف ان دة افضل
حضرتك هتعمل اية بالشكل اذا العربية تعبتك
وربنا يهديك للى فية الخير والصواب

هو اه طبعا معرووف النيسان غووول بنزين..بس تقريبا لو عملت ليها ريست للكمبيوتر ممكن تقل شويه..وفى كذا حاجه تعملها تقلل استهﻻك البنزين ادخل اقرا فى منتدى نيسان الناس هناك عاملين شغل عالى جداااا.بس مقلتليش رايك اعمل اييه ههههه.وحضرتك مقابلتكش مشكله فيها غير البنزين بس.