الموضوع: خدمات مجانية للكاوتش

بعد اذن استاذ esamozy صاحب الموضوع .. انا ليا راى مخالف فى نقطتين

المشاركة الأصلية كتبت بواسطة MoDyBeNz2008

هو ليه من الاحسن انك لما تغير الكاوتش اللي ورا ترجع اللي قدام ورا و تجيب الجديد قدام

من المعروف فعلا انك لما تجيب 2 كاوتش جديد تحطهم قدام ... ولكن هذا الكلام غير علمى فالأصح هو وضعهم بالخلف لانه سيقلل من احتمالات انزلاق العربيه فى الاجواء الرطبه بالاضافه لإتزان العربيه عند الملفات الحاده وهذا بغض النظر ان السيارة جر امامى ام خلفى
هذا ليس كلامى ولكن كلام كل الشركات الكبرى المصنعه للكاوتش بناء على تجارب وليس من فراغ

وانفجار احد الاطارات ليس له علاقه بكون الاطار جديد ام لا لأن اى إطار معرض للإنفجار لاسباب اخرى

المشاركة الأصلية كتبت بواسطة mokelanos

أيهما أفضل فى لحام كاوتش التيوبلس الخابور ولا لحام داخلى ولا لحام داخلى ومكواه

افضل واضمن طريقة للحام الكاوتش هى بإستخدام الخابور مع اللحام الداخلى ... هاتقولى ليه
- ان استخدام اللحام الداخلى فقط لن يملأ الفراغ الخارجى الذى سببه الثقب وبهذا ستدخل رطوبة وتسبب صدأ للاسلاك الحديدية وللجسم الداخلى
- استخدام الخابور يقوم بسد الفراغ الخارجى "سد مسار الثقب" ولكن لا يقوم بالمعالجة الداخليه للإطار بالاضافه لاحتمال تسرب هواء وافلات الخابور

اسمحلي اختلف معاك يا حسام ,

المشاركة الأصلية كتبت بواسطة Yarisawy

من المعروف فعلا انك لما تجيب 2 كاوتش جديد تحطهم قدام ... ولكن هذا الكلام غير علمى فالأصح هو وضعهم بالخلف لانه سيقلل من احتمالات انزلاق العربيه فى الاجواء الرطبه بالاضافه لإتزان العربيه عند الملفات الحاده وهذا بغض النظر ان السيارة جر امامى ام خلفى
هذا ليس كلامى ولكن كلام كل الشركات الكبرى المصنعه للكاوتش بناء على تجارب وليس من فراغ

في الأصل المفروض ان للكاوتش عمر أفتراضي و ليكن 50 الف كيلو و لما يصل للعمر ده يجب تغيير كل الكاوتش ,
لكن احنا المصريين مش بنمشي بالطريقة الوقائية و لكن بنمشي بالبركة , يعني لما الكاوتش يبوظ و يبقى بيغني ظلموه نبقى نغيره ,
يعني لازم نجيب أربعة جداد مش اتنين , و بعدين بعدين لما بنفرمل لو التيل سليم و مسك العجلة و الكاوتش مش سليم يبقى العربية هتحدف و اتجاهها هيتغير و بالتالي ممكن يحصل مشكلة اكبر من لو ان العربية ملفتش و معرضتش ,
و بعدين موضوع الاجواء الرطبة لو صح فهو مش موجود عندنا بشكل كبير ,

المشاركة الأصلية كتبت بواسطة Yarisawy

وانفجار احد الاطارات ليس له علاقه بكون الاطار جديد ام لا لأن اى إطار معرض للإنفجار لاسباب أخرى

ده صحيح بس احتمال انفجار كاوتش تعبان اكبر من انفجار كاوتش سليم.

المشاركة الأصلية كتبت بواسطة Yarisawy

افضل واضمن طريقة للحام الكاوتش هى بإستخدام الخابور مع اللحام الداخلى ... هاتقولى ليه

ان استخدام اللحام الداخلى فقط لن يملأ الفراغ الخارجى الذى سببه الثقب وبهذا ستدخل رطوبة وتسبب صدأ للاسلاك الحديدية وللجسم الداخلى استخدام الخابور يقوم بسد الفراغ الخارجى "سد مسار الثقب" ولكن لا يقوم بالمعالجة الداخليه للإطار بالاضافه لاحتمال تسرب هواء وافلات الخابور

الخابور ممكن يقطم السلك الداخلي للكاوتش و بالتالي يضعف بنية الكاوتش و يقصر عمره الأفتراضي.

المشاركة الأصلية كتبت بواسطة blockman

يجماعة انا عندي استفسار انا كل يومين تالاتة بحس ان الكاوتش عايز يتزود وعايز افهم بقي هو الهوا الي فية بينقص لية باستمرار

الهوا مش هيتبخر الا لو العربية كانت مركونة لفترة كبيرة ,
اكشف على البلف أو اكشف على خرم أو لو كانت تيوبلس اتأكد من تقفيل الكاوتش على الجنط كويس .