بيجو 301 و هيونداي اكسنت

**amr-mohamed** · 01-10-2013 09:02 PM

انا لسة مستلم البيجو و حاجة جميلة و محترمة والله من حيث :
ثبات و علفكرة بتجرى جامد و مغرية للجرى
فرامل
شياكة
نظام ضد السرقة دة عسل
و عالية جدا عن المطبات
العربية صالون من الاخر و الشنطة بحر
التكيف جبار
مشكلتها ان التحكم ب ذراع مش فى الطارة نفسها و اماكن ازرار الزجاج مكانها غريب ومفيش اماكن تخزين فى التابلوه
و شكرا

**m.basha** · 01-10-2013 09:05 PM

no way peugeot sure

**Ahmed Amin** · 01-10-2013 10:22 PM

البيجو من أول فئة في المانيوال اللي ب ١٠٨ ألف
فيها أيموبلايزر (مفتاح مشفر ونظام ضد السرقة)
فيها abs+ebd
فيها ٢ أيرباج للسواق وللي راكب جنب السواق,

الأكسنت فيها الكلام دا من أول فئة.؟
ولا لازم تشتري هاي لاين عشان تاخد الحاجات دي علي أساس أنها كماليات.!!!

ثبات البيجو وفراملها وأمان وراحة الأوروبي لا تقارن بالكوري.
وقوة موتورها وهيا أكتر مواتير معمرة وبص علي مواتير ال ٥٠٤ اللي لسه مواتيرها شغالة لحد إنهارده وبتدور من أول تكة.

وأسعار قطع غيارها في نفس رينج الياباني والكوري وفيها حاجات أقل وممكن تراجع المواضيع عنها في المنتدي.

**airac2002** · 02-10-2013 12:06 AM

بيجو يكسب

**hdabawy** · 02-10-2013 01:14 AM

على فكرة انا معايا اكسنت 2010 والعربية مريحانى على الآخر بس مشكلتى انها مانيوال وانا رجلى الشمال حصل فيها مشكلة فقررت اجيب عربية اتوماتك ولما دورت لقيت البيجو 301 انسب حاجة ليا فقررت ان شاء الله هشتريها اول ما ابيع الاكسنت
موضوع قطع الغيار ده بقى اللى غريب مثلا زجاج امامى للاكسنت بـ 2200 جنيه فى التوكيل زجاج البيجو فى التوكيل 990 جنيه وكمان فلتر الهوا للاكسنت لسة مغيره فى التوكيل 100 جنيه فلتر البيجو 50 جنيه مراية الاكسنت مش كهربا وبـ 850 جنيه ليه مش عارف البيجو مراية كهربا وبـ 625 جنيه زجاج المراية ودخت عليه على ما جبتو من التوفيقية كان بـ 90 جنيه فى البيجو بـ 66 جنيه ........ طبعا اسعار قطع الغيار بتاعة البيجو دى من مشاركات الناس هنا فى المنتدى لكن الاكسنت عن تجربة
كمان انا لما روحت اتفرج على البيجو حدث ولا حرج فرق شاسع بينها وبين الاكسنت بصراحة
الاكسنت سعر بيع ممتاز لكن البيجو 301 من رأيى المتواضع ان سعر اعادة البيع هيكون كويس جدا وده يبان من الاقبال على العربية
وفى الآخر ربنا يوفقك لما فيه الخير

**Silent~Dream** · 02-10-2013 02:04 AM

المشاركة الأصلية كتبت بواسطة elmkaneeki

في مقولة رخمة اوي بس للاسف صح
"اركب ليك وللسوق"
للاسف تاني بس المقولة دي صح

اختلف مع حضرتك بشده

**hossam_elwani** · 02-10-2013 02:57 AM

بيجو ثم بيجو

**Ahmedshalaby** · 02-10-2013 03:42 AM

المشاركة الأصلية كتبت بواسطة mado-301

الاخ hdabawy
نصيحة لو ناوي تشتري 301 فعلا احجز العربية الاول وبعدين بيع عربيتك قبل الاستلام...
انا غلطت لما بعت العربية قبل ما احجز .. كان معايا لانسر عملت اعلان قبل ما اكمل 24 ساعه كنت بايعها واديني بقالي 50 يوم بغني ظلموه

انا اوافقك تماما في الرأي
انا بردو بعت عربيتي في خلال ٢٤ ساعة ( لاتوس)
و من ساعة ما حجزت وانا مستني بقالي ٤٠ يوم
و ندمان اني ما اجلتش بيعها لحين الاستلام الرسمي