الموضوع: دواسه البنزين راكبها عفريت والسحب قل

يا رجاله العربيه فيها حاجه غريبه فى يوم قبل مانزل الصبح بدور كان المؤشر بتاع البنزين بيقول البنزين الربع المهم مشيت لغايه العباسيه لاقيت المؤشر عندى نزل خالص ومفيش بنزين والعربيه بتقطع وتنطر منى ومفيش سحب خالص

روحت الشغل بيها الحمد الله وجبتلها بنزين علشان بعد ما وقفت مكانتش راضيه تدور علشان مفيش بنزين المهم انا حطيتلها 92 مش 80 زى كل مره

المشكه دلوقتى ان الدواسه عندى بقت تقيله اوى خاصه لما بدوس على اخرها
تانى حاجه الدواسه لو دايس عليها لغايه النص او قبل النص بشويه العربيه بتسحب بس مش زى الاول بس معقول ولو جيت ادوس على الدواسه للاخر علشان تجرى بيا العربيه مبتسحبش وصوت الموتور بيعلى ولو رفعت رجلى شويه تسحب اكتر بس مش زى الاول
ياترى ايه السبب كمان انا الاول كان الاربى بتاعى على السيلانسيه ساعات بيبقى 11 او 15 لان انا معليه دلوقتى الاربى على 9 ولما باجى اطلع بالعربيه بسمع صوت غريب زى ما يكون فى طبله من ورا

صحيح الموتور مبيطلعشى دخنه ولا اى حاجه كل ما فى الامر ان صوت الشكمان من ورا عالى برده مش عارف ليه بس بيطلع دخان شفاف عادى ومعتقدشى انه مكتوم


تانى حاجه بقى عاوز اعرفها هى ازاى بتعرفوا ان المساعد باظ وعاز يتغير لان انا وديت العربيه للعجالاتى يعملى خرم قالى ان المساعدين اللى ورا بايظين وعاوزين يتغيروا ازاى اتاكد
ولو هغيرهم هغير معاهم حاجه تانى ولا لا
وياترى اجيبهم استيراد ولا جديد و هما فى حدود كام ؟