الموضوع: دواسه البنزين راكبها عفريت والسحب قل

المشاركة الأصلية كتبت بواسطة nesr6060

يا رجاله العربيه فيها حاجه غريبه فى يوم قبل مانزل الصبح بدور كان المؤشر بتاع البنزين بيقول البنزين الربع المهم مشيت لغايه العباسيه لاقيت المؤشر عندى نزل خالص ومفيش بنزين والعربيه بتقطع وتنطر منى ومفيش سحب خالص

كدة تقريبا شطبت بنزين

روحت الشغل بيها الحمد الله وجبتلها بنزين علشان بعد ما وقفت مكانتش راضيه تدور علشان مفيش بنزين المهم انا حطيتلها 92 مش 80 زى كل مره


لحد كدة تمام

المشكه دلوقتى ان الدواسه عندى بقت تقيله اوى خاصه لما بدوس على اخرها
تانى حاجه الدواسه لو دايس عليها لغايه النص او قبل النص بشويه العربيه بتسحب بس مش زى الاول بس معقول ولو جيت ادوس على الدواسه للاخر علشان تجرى بيا العربيه مبتسحبش وصوت الموتور بيعلى ولو رفعت رجلى شويه تسحب اكتر بس مش زى الاول

كدة ياباشا العربية سحبت الرواسب اللى فى التنك ودة سبب التقطيع وقلة السحب انتا كدة محتاج تعمل نضافة لو كاربيراتير أو إنجكشن


ياترى ايه السبب كمان انا الاول كان الاربى بتاعى على السيلانسيه ساعات بيبقى 11

11 دة يعتبر مقبول الطبيعي أعتقد مابين 8 و 9

او 15 لان

15 كدة كتير أوي لو أنا فاهم قصدق صح الــ 15 دي تساوي 1500 لفة / دقيقة

انا معليه دلوقتى الاربى على 9 ولما باجى اطلع بالعربيه بسمع صوت غريب زى ما يكون فى طبله من ورا


أعتقد لو فتحت الكبود يمكن تلاقي الموتور بيرعش على السلانية ومش منتظم لو كدة يبقي السلانية عاوز يعلي شوية ودة من ( الاسبراتير - مسمار البنزين - مسمار الهوا ) دة طبعا بعد التأكد من البوجيهات الـ 4 شغالين ومفيش واحد منهم قاطع

صحيح الموتور مبيطلعشى دخنه ولا اى حاجه كل ما فى الامر ان صوت الشكمان من ورا عالى برده مش عارف ليه بس بيطلع دخان شفاف عادى ومعتقدشى انه مكتوم

ياباشا السلانسية عندك فى الاول كان على كام ( لما كانت العربية مظبوطة )


تانى حاجه بقى عاوز اعرفها هى ازاى بتعرفوا ان المساعد باظ وعاز يتغي

بالنسبة للمساعد عاوز تختبرة نبدأ بمقدمة السيارة هتيجي تدوس على كبود العربية من فوق المساعد اليمين مثلا لو العربية بتنزل بسرعة وبتطلع بسرعة ومفيش مقاومة من المساعد يبقي كدة المساعد خفيف وهكذا اختبر المساعد الشمال قدام وبعدين الــ 2 اللى ورا وللعلم مش معني ان المساعد خفيف يبقي لازم يتغير وكمان تبص على المساعدين بالنظر هل مسرب زيت لو عندك المساعدين زيت مش غاز وكمان شوف الابع اجناب بتوع العربية ياتري لعربية مظبوطة ولا مايلة على احد الجواانب اعتقد الابيزا فيه تشابه بينها وبين الجولف والفليشيا المساعدين قريبة من بعضها بس اللى يأكد المعلومة عفشجي شاطر

لان انا وديت العربيه للعجالاتى يعملى خرم قالى ان المساعدين اللى ورا بايظين وعاوزين يتغيروا ازاى اتاكد
ولو هغيرهم هغير معاهم حاجه تانى ولا لا

بتاع عفشة كويس هيبصلك على المساعدين والسوست والبطاحات ويقولك على المطلوب

وياترى اجيبهم استيراد ولا جديد و هما فى حدود كام ؟

اعتقد لو محتاج تغير مساعدين هات جديد أفضل من الاستيراد وعن تجربة ألا لو حد ثقة يجيبك استيراد

أرجو أن أكون أضفت لك معلومة جديدة