مشكلة فى الحرارة مش لقيلها حل حد يفيدنى أرجوكوم

**GamGom** · 10-09-2008 10:35 AM

انا معايا فورد أسكورت 1600 مو99 الحرارة كانت طبيعية المؤشر عند حرف ال R كما موضح بالصورة طول الوقت منذ شرائها جديدة حتى العام قبل الماضى عندما أرتفعت حرارة السيارة ألى اللون الاحمر وتخطى المؤشر اللون الاحمر ألى أخر المؤشر وتصاعد بخار من الكبوت وكان ذلك كله حدث فى خلال 5 ألى 10 دقائق منذ اخر مرة نظرت ألى المؤشر وكان طبيعى يعنى عند ال R,
وتوقف الموتور من تلقاء نفسة وأنتظرت حتى تهدأ ثم أدرت المحرك وقمت بتزويدها بالماء ولكن الماء كان يسقط من أسفل الموتور فى الحال ,
فقمت بسحبها للتوكيل وقامو بتغير طرمبة الماء والثرموستات بعد أن اخبرونى أن جوان الطرمبة باظ , ومن سعتها والحرارة مبقتش طبيعية على طول بتوصل لى حرف ال L يعنى بتكون 100 ودة وأنا ماشى عادى بدون قرص يعنى بغير عند 2500 ولو كنت بقرص عليها توصل للأول الأحمر مع العلم أننى قللت الثرموستات لكى تبدأ المروحه عند درجة ال60 وقمت بتغير موتور المروحة وكذلك المروحة وقمت بألغاء التكيف وفكة حتى لا يحمل على الموتور أخر حاجة عملتها قمت بتغير طرمبة المياه وكل دة ولسا بتسخن ,
أنا عارف أنى طولت عليكم بس أنا بجد نفسى المشكلة تتحل أرجو المساعدة ولكم خالص الشكر

**mrghost** · 10-09-2008 03:27 PM

معقوله كل ده غيرته انت كده ماخلتش حاجه محتاجه تتغير بصراحه مش عارف اقولك ايه طب الردياتير كويس ولا مخروم او ممكن يكون عاوز تسليك

**GamGom** · 10-09-2008 03:56 PM

الراديتير سليم بس الميكانيكى نصحنى بتسليكة بس أنا خايف ليحصلو حاجه فهل حد جرب موضوع التسليك وهل هو فعلاً ممكن يكون السبب فى دة كله

**moooha** · 11-09-2008 03:00 AM

ـــ لازم تراجع على كل حاجة فى دورة التبريد
1 ــ ماسورة المياة
2 ــ طبب المياه اللى موجودة فى بلوكة الموتور
3 ــ خراطيم وكوليهات دورة التبريد
4 ــ تختبر وجود أى تسريب فى دورة التبريد عن طريق وضع جهاز كبس دورة التبريد ومعرفة أى تسريب بس مهم جداً لا يزيد ضغط الكبس عن" 1 بار " أو على حسب ماهو مكتوب على غطاء الرداتير
ـــــ إحتمال أنه يكون جوان وش السلندر حصل فيه خلل وده ما يخليش السيارة تبرد بسرعة وده ممكن تعرفه لو كانت المياه بترجع الى القربة أو بمعنى أدق القربة بتنفخ
بسيطة إن شاء الله .. آسف أنى طولت عليك ..

**GamGom** · 15-09-2008 02:16 PM

المشكلة اتحلت أخيراً لما سلكت الراديتير الحرارة أنخفضت لقبل النص ألف شكر ياباشا على ردك وجزاك الله كل خير

**mrghost** · 16-09-2008 08:35 AM

الحمد لله ان المشكله اتحلت وربنا يباركلك فيها ويكفيك شر مشاكلها

**ashgat** · 14-11-2008 08:46 PM

المشاركة الأصلية كتبت بواسطة GamGom

انا معايا فورد أسكورت 1600 مو99 الحرارة كانت طبيعية المؤشر عند حرف ال R كما موضح بالصورة طول الوقت منذ شرائها جديدة حتى العام قبل الماضى عندما أرتفعت حرارة السيارة ألى اللون الاحمر وتخطى المؤشر اللون الاحمر ألى أخر المؤشر وتصاعد بخار من الكبوت وكان ذلك كله حدث فى خلال 5 ألى 10 دقائق منذ اخر مرة نظرت ألى المؤشر وكان طبيعى يعنى عند ال R,
وتوقف الموتور من تلقاء نفسة وأنتظرت حتى تهدأ ثم أدرت المحرك وقمت بتزويدها بالماء ولكن الماء كان يسقط من أسفل الموتور فى الحال ,
فقمت بسحبها للتوكيل وقامو بتغير طرمبة الماء والثرموستات بعد أن اخبرونى أن جوان الطرمبة باظ , ومن سعتها والحرارة مبقتش طبيعية على طول بتوصل لى حرف ال L يعنى بتكون 100 ودة وأنا ماشى عادى بدون قرص يعنى بغير عند 2500 ولو كنت بقرص عليها توصل للأول الأحمر مع العلم أننى قللت الثرموستات لكى تبدأ المروحه عند درجة ال60 وقمت بتغير موتور المروحة وكذلك المروحة وقمت بألغاء التكيف وفكة حتى لا يحمل على الموتور أخر حاجة عملتها قمت بتغير طرمبة المياه وكل دة ولسا بتسخن ,
أنا عارف أنى طولت عليكم بس أنا بجد نفسى المشكلة تتحل أرجو المساعدة ولكم خالص الشكر

تاكد من ربط كل وصلات مياه التبريد واحكامها وعدم تزول مياه من اى مكان وبعدها تاخذ هواء الدوره (دورة التبريد)