اقتباس المشاركة الأصلية كتبت بواسطة ابوابراهيم323 مشاهدة المشاركة
على فكرة استاذ صبحى ذى ما قلت ليك الموضوع فعلا جميل ان الواحد يعمل كل حاجه بايده بس انا اول حاجة عاوز عده
انا اعتقد ان الموضوع كله يكمن فى العده وانواع المفكات المختلفه والمفاتيح ووووو
انا اصلا معنديش مفاتيح افك بيها البوجيهات ومحتاج افكها علشان انضفها
ياريت بقى نعمل موضوع خاص بالعده اللى تخص السيارة وفين نشتريها
اخى الفاضل مالك السيارة لابد ان يكون معه كافة المفاتيح والعدة اللازمة لانقاذه من اى موقف لا قدر الله على الطريق ليلا او نهارا....*

الموضوع كلة طقم مفاتيح....

مفتاح بيبة 13....12....10....8 دا بالنسبة لنة غالب مسامير الفليشا هذة المقاسات....

لقمة 30 علشان صامولة الكوبلن لو هوت معاك وكثيرا ما تفعلها فى الفليشيا بالذات والزراع تعرف انا شاريهم ب 65 جنية

بنسة كلابة برضو 65 جنية وفيه ب80

مفكل عادة واخر جي أم ....

طبعا مفتاح البوجيهات دا اساسي لازم يبقى معاك ولازم يبقى معاك بوجيهات قديمة علشان لو العربية تلت معاك تقف تفك وتركب واحد من الاحتياطى اللى معاك ودا عادة بيبقى البوجيهات القديمة اوعى ترميها احرقها وصبفى السن وخليها معاك طوارئ....

طبعا مش حتكلم على الكوريك ومفتاح العجل لن دا اكيد فى كل عربية....

شوف اخى الكريم كل العدة اللازمة لك لعمل اى اصلاحات فى السيارة لن تتعدى ال 400 جنية باى حال من الأحوال ........