إستفسار عن تجليد العربية بإستيكر شفاف

**h_askalany** · 02-10-2013 10:47 PM

السلام عليكم
إن شاء الله هجيب عربية زيرو وكنت عايزة أجلدها بإستكر شفاف فكنت حابة أسأل
كام سؤال لأعضاء المنتدى الكرام

- فعلآ الإستكير الشفاف بيحمى من الخدوش
- هو فى أنواع و ماركات من الإستيكر ده ؟ و إيه أحسن نوع و العربية ممكن تتكلف كام بالتقريب
- يا ترى ممكن يأثر على دهان العربيية لما يجى يتشال و لو حطيت على أجزاء من العربية لما أجى أشيله هيبقى فى فرق فى لون العربية بين الأجزاء اللى كانت متغطية بالإستيكر و باقى الأجزاء
- و يا ريت لو حد يعرف مكان كويس يدلنى عليه يكون شغله و خاماته كويسة بس برضه ميسرقنيش يعنى :)) لأن أنا معرفش حاجة خااااالص :)
ممكن اللى يقدر يفيدنى بالمكان يبعتلى على الخاص
و شكرآ مقدما لكل أعضاء هذا المنتدى المحترم

**Eng_hatemfathy** · 03-10-2013 12:10 AM

متابع
انا سمعت عن الموضوع ده امبارح
وانا لسه شارى الاسبوع اللى فات ولون اسود ففعلا عايز اغطيها
اللى يعرف تفاصيل ياريت ميبخلش علينا

**eng.octooo** · 03-10-2013 06:28 AM

استمتعوا ب العربية وبلاش الاستيكر دة بعنى لما تحافظ عليها وتجلدها وتحطها فى جراب كل دة لية علشان الى هايشتريها كمان كام سنة ؟؟؟ وانت شاريها كوبرى علشان ترخص وتبيعهالة ولا علشان تستخدمها ( محدش يزعل منى )

**Eng_hatemfathy** · 03-10-2013 08:53 AM

المشاركة الأصلية كتبت بواسطة eng.octooo

استمتعوا ب العربية وبلاش الاستيكر دة بعنى لما تحافظ عليها وتجلدها وتحطها فى جراب كل دة لية علشان الى هايشتريها كمان كام سنة ؟؟؟ وانت شاريها كوبرى علشان ترخص وتبيعهالة ولا علشان تستخدمها ( محدش يزعل منى )

هوا هيكون شكله وجش ولا ايه -اصل انا سمعت عنه بس مشوفتوش
ولو هيكون نفس لون العربية طب ليه لأ وليه محميهاش من صنفرة الرملة على الدائرى ومن خرابيش الولاد الصغيريرن فى الشوارع
ياريت تفاصيل الله يكرمك

**mostafa magdy** · 03-10-2013 09:27 PM

هو الحقيقه أنا شفت ناس عملته مكان في المنيب او بالتحديد منيل شيحه
و لسه جايب برده عربيه زيرو
و فكرت فيه
لاقيت ناس عملاه بطريقه مشوهه شكل العربيه و ناس عملته خلت شكل العربيه تحفه ف أترددت لكن هو بيحمي العربيه
بيأثر بقي ع العربيه بعد كدخ ولا لأ ... لا أعلم للأسف !
متابع

**h_askalany** · 03-10-2013 10:39 PM

المشاركة الأصلية كتبت بواسطة eng.octooo

استمتعوا ب العربية وبلاش الاستيكر دة بعنى لما تحافظ عليها وتجلدها وتحطها فى جراب كل دة لية علشان الى هايشتريها كمان كام سنة ؟؟؟ وانت شاريها كوبرى علشان ترخص وتبيعهالة ولا علشان تستخدمها ( محدش يزعل منى ال)

هو وسيلة للحفاظ على العربية و كمان هو شفاف يعنى المفروض مفيش تغيير فى شكل العربية
واللى أعرفه أن فى خامات من الشفاف ده
بس بصراحة مش عارفة بيأثر على الدهان و لا لأ
مستنيين حد يفيدنا بمعلومات مفصلة

**mostafa magdy** · 03-10-2013 10:45 PM

لسه قاري يا جماعه عن مجموعه اسبريهات بتترش علي العربيه بتعمل طبقه من شبه السيراميك كده رقيقه جدا و بتحمي العربيه و سهله في مصنعيتها أوي
Murdered Out Kit - Armor All Custom Shield Coating
Opti Coat 2.0 / Opti-Coat Pro
لو اي حد عنده فكره يا ريت ميبخلش علينا
أنا خايف اشيل اللزق الابيض اللي ع العربيه ... إلا لما أشوف طريقه

بالنسبه للأستمتاع بالعربيه ده ... يبقي للأسف في أي مكان غير مصر
الدوله العظيمه اللي بيخدشولك فيها عربيتك و يحكو فيك و ينزلوا يتخانقوا معاك