الموضوع: لو العربية زيرو هل يجب أعملها بولش و واكس ؟

العربية الجديدة بتكون جاية بالشمع بتاعها ... فمتفكرش تعمل واكس ( اللى هو بالصاروخ) قبل سنة على الأقل .. ده لو بتركن العربية فالشارع و متعرضة للشمس .... انما لو فى جراج و بتغطيها يبقى متفكرش تعمله قبل 4 - 5 سنين ... انا عندى عملته بعد 6 سنين من شراء العربية علشان بركنها فى جراج خاص و بغطيها و بعد ما عملته العربية محافظة على لونها و لمعانها..
اللى ممكن تعمله هو : الواكس بفوطة مش بالصاروخ : و أفضل نوع هو : Armor all wax
و ده ممكن تعمله كل شهر أو شهرين بعد ما تكون غاسل العربية بمسدس الضغط علشان تحافظ على دهانك... و أفضل فوطة تستخدمها فوطة سوناكس الحمراء..

علشان أوضحلك اكثر :
واكس الصاروخ : مش بيكون مجرد واكس عادى : بيكون واكس و بوليش
واكس الفوطة اللى بعمله بنفسى : بيديك طبقة لمعان للعربية و ميخليش التراب يلزق على العربية فلما تيجى تمسحها بفوطة بيشيل التراب بسهولة و مش بيخربش الدهان

عليا الطلائع انت بتقول كلام زي الفل :)

تسلم على المعلومات دي .. انا كنت رحت عملت واكس للعربية وبعدين لما شفتهم بيعملوه بالفوطة قلت الموضوع سهل مش محتاج افتكاسة .. والمرة الجاية ان شاء الله هنزل انا اشتري الواكس بنفسي وابقى اعمله بنفسي

سؤالين بقه على السريع:
علبة الواكس بتعمل كام مرة؟؟ يعنى تنفع اعمل بيها واكس للعربية كام مرة؟
كام سعرها والاقيها فين فى التوفيقية؟؟

وشكرا

المشاركة الأصلية كتبت بواسطة الجنرال

عليا الطلائع انت بتقول كلام زي الفل :)

تسلم على المعلومات دي .. انا كنت رحت عملت واكس للعربية وبعدين لما شفتهم بيعملوه بالفوطة قلت الموضوع سهل مش محتاج افتكاسة .. والمرة الجاية ان شاء الله هنزل انا اشتري الواكس بنفسي وابقى اعمله بنفسي

سؤالين بقه على السريع:
علبة الواكس بتعمل كام مرة؟؟ يعنى تنفع اعمل بيها واكس للعربية كام مرة؟
كام سعرها والاقيها فين فى التوفيقية؟؟

وشكرا

يا باشا احنا هنا علشان نفيد بعض .
انا اشتريت زجاجة ال armor all
من اسبينيز و كانت عاملة 45 جنيه و هى تكفى كتييييييييييييييييير .. انت بتستخدم كمية قليلة جدا لكل جزء من العربية . هحطلك فيديو للطريقة فالأخر .
الواكس ده بيكون شبه سائل و مش عجينة زى الباقى فبيكون استخدامه سهل و لمعانه جميل جدا.
الطريقة انك بعد ما تغسل العربية و تنشفها بتيجى على الجزء اللى هتلمعه و تحط كمية بسيطة على الفوطة السوناكس و مش على العربية و تبدأ فى التلميع بحركة دائرية مع ضغطة بسيطة من ايديك .. هتلاقى الجزء اللى عملته بيديك شكل كأنه مجير أو متلحوس .. سيبه ينشف و كمل باقى العربية . و بعدين بترجع تانى تمسح عليه بالفوطة السوناكس من حتة نضيفة فيها. و اتفرج على العربية بعدها.

الفوطة السوناكس كانت عاملة 40 جنيه بس فوطة محترمة و هتفضل معاك العمر كله و بتغسلها عادى .
ترتيب التلميع : انا عن نفسى ببدأ من السقف بعدين الشنطة و الكبوت و بعدين الرفارف و الأبواب . يعنى من فوق لتحت علشان متبهدلش الحتت اللى لمعتها لو ميلت على العربية بجسمك علشان تجيب السقف.
ده شكل الزجاجة :

ده الفيديو :

http://www.youtube.com/watch?v=ndJqptBTxAY

بجد انا مش عارف اقولك ايه .. مفيش كلام يتقال بعد اللى قلته :)

تسلم ايدك

المشاركة الأصلية كتبت بواسطة eslamsubaru

العربية الجديدة بتكون جاية بالشمع بتاعها ... فمتفكرش تعمل واكس ( اللى هو بالصاروخ) قبل سنة على الأقل .. ده لو بتركن العربية فالشارع و متعرضة للشمس .... انما لو فى جراج و بتغطيها يبقى متفكرش تعمله قبل 4 - 5 سنين ... انا عندى عملته بعد 6 سنين من شراء العربية علشان بركنها فى جراج خاص و بغطيها و بعد ما عملته العربية محافظة على لونها و لمعانها..
اللى ممكن تعمله هو : الواكس بفوطة مش بالصاروخ : و أفضل نوع هو : Armor all wax
و ده ممكن تعمله كل شهر أو شهرين بعد ما تكون غاسل العربية بمسدس الضغط علشان تحافظ على دهانك... و أفضل فوطة تستخدمها فوطة سوناكس الحمراء..

علشان أوضحلك اكثر :
واكس الصاروخ : مش بيكون مجرد واكس عادى : بيكون واكس و بوليش
واكس الفوطة اللى بعمله بنفسى : بيديك طبقة لمعان للعربية و ميخليش التراب يلزق على العربية فلما تيجى تمسحها بفوطة بيشيل التراب بسهولة و مش بيخربش الدهان

شكرآ جدآ لرد حضرتك و على المعلومات ده
هو بس فى إستفسار هو عشان أنا بنت و ده أول عربية لي إن شاء الله و أول سواقة برضه
- أعمل العربية بالواكس أول ما أجيبها على طول يعنى ولا أستنى شوية و بعدين أعمله
- هيبقى صعب على طبعآ أعمل الواكس بنفسى فيا ترى أشتريه و بعدين أخده البنزينة يعملوه لى ولا أخلى البواب يعمله ( مش عارفة هيعرف يعمله كويس ولا لأ )
- فى حتة ممكن أشترى منها الواكس و الفوطة غير كارفور و سبينس و تكون قريبة من الدقى
معلش على كتر الأسئلة و متشكرة جدآ لتعاونكم

المشاركة الأصلية كتبت بواسطة الجنرال

بجد انا مش عارف اقولك ايه .. مفيش كلام يتقال بعد اللى قلته :)

تسلم ايدك

ربنا يخليك كلنا اخوه .

المشاركة الأصلية كتبت بواسطة h_askalany

شكرآ جدآ لرد حضرتك و على المعلومات ده
هو بس فى إستفسار هو عشان أنا بنت و ده أول عربية لي إن شاء الله و أول سواقة برضه
- أعمل العربية بالواكس أول ما أجيبها على طول يعنى ولا أستنى شوية و بعدين أعمله
- هيبقى صعب على طبعآ أعمل الواكس بنفسى فيا ترى أشتريه و بعدين أخده البنزينة يعملوه لى ولا أخلى البواب يعمله ( مش عارفة هيعرف يعمله كويس ولا لأ )
- فى حتة ممكن أشترى منها الواكس و الفوطة غير كارفور و سبينس و تكون قريبة من الدقى
معلش على كتر الأسئلة و متشكرة جدآ لتعاونكم

و لا يهمك احنا بنفيد بعض ..
العربية الجديدة يفضل تبدئى الموضوع ده بعد غسلتين أو ثلاثة فالبنزينة علشان تتطمنى ان الدهان حالته كويسه خصوصا لو العربية صينى .. لأن فى عربيات اعرفها الدهان مع غسيل المسدس طلع من مكانه.
.. و مدام مش هتعمليها بنفسك يبقى بتخدى معاكى الواكس و انت بتغسلى العربية فالبنزينة و تخلى اللى غسلهالك يعملهولك و اديله 5 أو 10 جنيه مش اكثر لأنك جايبة الواكس بتاعك .. بس يفضل تتابعيه علشان ميخلصلكيش علبة الواكس فى مرة واحدة
أو اللى أفضله تخلى البواب يعملهالك بعد ما تعلميه الطريقة : الطريقة سهلة جدا و مفيهاش فن.
صراحة معرفش اماكن كتير بالدقى . ممكن حد يفيدك اكتر منى .

طبعا ده كلام جميل .. لكن بصراحة .. لو مش هتقدري تعمليه بنفسك .. انا افضل انك تعمليه فى اي مكان فيه كار كير .. متعمليهوش فى البنزينه (متغسليش العربية فى البنزينه اصلا ويستثنى من ذلك التعاون اللي فى الدقي)

ورشة الكار كير بيبقى فيها ناس متخصصة وفاهمين .. وحتى فى غسيل العربية بيبقوا عارفين هما بيعملوا ايه .. لكن البنزينه بحس انها بتقلب وتعمل اي حاجة وخلاص

هو ممكن يبقى اغلى شوية .. انا عملت الواكس للعربية بالغسيل ب 100 جنيه .. لكن بصراحة عملوه بشكل حلو قوي .. وفي نفس الوقت كنت متابعهم واللى بقولهم عليه بيعملوه (علشان دافع مبلغ كبير)

انا جيبت الواكس ده
و اخدت العربيه وش بعد ما تغسلت و نشفت
اخد منى حوالى نصف ساعه بس النتيجه تحفه
و التكلفه اقل من لو عملته فى كار كير
و بقى معايا اسفنجه فايبر و فوطه و تلات ارباع الزجاجه
و مفيش مجهود خالص لانه سائل
بس المهم تعمله فى جراج او اى مكان مقفول مفيهوش تراب