تجربتى مع كاوتش my02 sports

**card44** · 03-10-2013 04:30 PM

ازيكو يارجالة بقالى كتير مكتبتش حاجة معلش بس حبيبت ادخل اقولكو انطباعى بعد ما غيرت الكاوتش امبارح عربيتى برسوانا 2012 عملت بالكاوتش حوالى 50 الف كيلو بقالى اسبوع كدة حسيت ان الكاوتش خلاص بيشحر فردة ورا التانية وعمالين يتخرمو بقى وشكلهم جابو جاز خالص مكدبتش خبر روحت داخل على بريدج ستون اللى على الطريق الدائرى جنب بيتى وسالت على الفردة الجديدة اللى منزلاها بريدج ستون my-02 sports الفردة دى ياجماعة هى الاصدار الجديد للفردة MY-01 لو حد عارفها الفردة ناعمة اوى اكتر من بتوع العربية الاصلى الجودير دول والفرامل حاسس ان ادئها بقى افضل بكتير الفردة دى معمولة بتقنية جديدة اسمها 3D LINE ودى بتخليك تتحكم فى العربية اكتر سواء فى المطر او الرملة ودة بفضل نقشتها الجديدة والخط اللى فى نص الفردة اللى بيوزع المياة على الفردة بطريقة ممتازة وبصراحة حسيت فعلا ان فراملها فى المياة كويسة النهاردة الصبح وانا رايح الشغل كانت فية مية فى حتة فى الارض كدة كتير دوست فرامل حسيت ادائها حلو اوى بس مدوستش جامد يعنى معملتش بلوك للاربع عجلات بس انا حاسس بفرق بصراحة واضح اوى اوى الفرد ياجماعة مقاسها 195/60/15 وسعر الفرد عامل 600 جنية وطبعا اخدت خصم نايل موترز الفردة عملت 575 جنية ورصصت وغيرت البلوف طبعا وكان عليهم خصم 50% بصراحة عجلة محترمة اوى ياريت لو حد تانى جربها يقولنا رأية ويارب اكون افدتكو بأى معلومة ولو حد محتاج اى سؤال او استفسار منى يتفضل .

**a_samy** · 03-10-2013 04:56 PM

مبروك الكاوتش الجديد وربنا يجعله آمان عليك وعلى عربيتك.
أنا كمان محتاج أغير الكاوتش عندى وكنت بفكر فى الميشلان لأنى أعرف ان البريدج ستون ناشف شويه.

**mahmoud_afifi** · 03-10-2013 05:54 PM

المشاركة الأصلية كتبت بواسطة card44

ازيكو يارجالة بقالى كتير مكتبتش حاجة معلش بس حبيبت ادخل اقولكو انطباعى بعد ما غيرت الكاوتش امبارح عربيتى برسوانا 2012 عملت بالكاوتش حوالى 50 الف كيلو بقالى اسبوع كدة حسيت ان الكاوتش خلاص بيشحر فردة ورا التانية وعمالين يتخرمو بقى وشكلهم جابو جاز خالص مكدبتش خبر روحت داخل على بريدج ستون اللى على الطريق الدائرى جنب بيتى وسالت على الفردة الجديدة اللى منزلاها بريدج ستون my-02 sports الفردة دى ياجماعة هى الاصدار الجديد للفردة MY-01 لو حد عارفها الفردة ناعمة اوى اكتر من بتوع العربية الاصلى الجودير دول والفرامل حاسس ان ادئها بقى افضل بكتير الفردة دى معمولة بتقنية جديدة اسمها 3D LINE ودى بتخليك تتحكم فى العربية اكتر سواء فى المطر او الرملة ودة بفضل نقشتها الجديدة والخط اللى فى نص الفردة اللى بيوزع المياة على الفردة بطريقة ممتازة وبصراحة حسيت فعلا ان فراملها فى المياة كويسة النهاردة الصبح وانا رايح الشغل كانت فية مية فى حتة فى الارض كدة كتير دوست فرامل حسيت ادائها حلو اوى بس مدوستش جامد يعنى معملتش بلوك للاربع عجلات بس انا حاسس بفرق بصراحة واضح اوى اوى الفرد ياجماعة مقاسها 195/60/15 وسعر الفرد عامل 600 جنية وطبعا اخدت خصم نايل موترز الفردة عملت 575 جنية ورصصت وغيرت البلوف طبعا وكان عليهم خصم 50% بصراحة عجلة محترمة اوى ياريت لو حد تانى جربها يقولنا رأية ويارب اكون افدتكو بأى معلومة ولو حد محتاج اى سؤال او استفسار منى يتفضل .

الف مبروك يا باشا وربنا يباركلك فيهم ويكفيك شر المسامير والحفر.
انا لسه جايب نفس الفرده من اسبوعين تقريبا ونفس الي لاحظته بالظبط.
بس كنت عاوز اسألك هل حاسس ان العربيه ثباتها بقى اقل من الاول ؟ أنا لاحظت كده خاصة انها traction B

المشاركة الأصلية كتبت بواسطة a_samy

مبروك الكاوتش الجديد وربنا يجعله آمان عليك وعلى عربيتك.
أنا كمان محتاج أغير الكاوتش عندى وكنت بفكر فى الميشلان لأنى أعرف ان البريدج ستون ناشف شويه.

مش كله ناشف. انواع قليله هي الي ناشفه. الفرده دي طريه وكمان الturanza gr90 ناعمه. والاتنين مالهمش صوت على الطريق

**mahmoud_afifi** · 04-10-2013 05:37 PM

المشاركة الأصلية كتبت بواسطة a_samy

طب ال turanza gr90 احسن ولا my02 ؟
وكل دول احسن ولا الميشلان؟

الturanza gr90 احسن طبعا. وعلى فكره الtraction بتاعها A.
انا بعد ما اشتريت وروحت البيت واكتشفت ان الي معايا تراكشن B مش A. قولت طب ما كنت زودت 200 جنيه وجبت الturanza احسن. بس الحمدلله الmy02 حلوه قوي برضه في الفرامل والراحه والهدوء. بس حبيت اقول عشان كل واحد يبقى عارف ميزتها وعيوبها.

بالنسبه للميشلان انا جربتها في عربيه سيتروين كام مره كده بس مش هقدر احكم عليها قوي لأن العربيه فراملها كويسه اصلا.

**د.عماد صلاح** · 04-10-2013 06:38 PM

ميروووك الكاوتش الجديد

**mahmoud_afifi** · 05-10-2013 02:52 PM

المشاركة الأصلية كتبت بواسطة card44

بص ياباشا لاء الثبات هو هو بس يمكن انتا مظبطش الهوا صح هو بيقولك فى الباب بتاع العربية قدام 31
وورا 28 تقريبا انا من يوم ماجبت العربية مشيت اسبوع بس كدة حسيت العربية مش ثابتة اوى معايا ظبط الكاوتش كلو على 30 ظبطت معايا اوى جرب كدة وقولى خلى كل الكاوتش على 30

لأ انا عندي بعمله على 32 حتى في الكاوتش القديم.
مش عارف حاسس بفرق ثبات بينه وبين الكاوتش الي قبله وكنت عاوز اتأكد هو فعلا ثباته قليل شوية ولا لأ.
بس الظاهر ان ثباته كويس بس مش زي الي قبله

متشكر يا باشا وربنا يباركلك فيه