الموضوع: 60000 يجيبوا إيه

يا عم ريح دماغك والله ما فى عربيه فى مصر تفى كل الاحتياجات وفيها كل حاجه
انا وصلت بالفلوس لحد 80 الف ومكنتش لاقى حاجه تدخل دماغى برضوا عايز الخلاصه وعن خبره والله عن خبره وتجربه اعربيات كتير ............
هات شاهين 1400 الكامله( فيها تكييف لحسن تفتكرها تعبانه ) مش عارف بحوالى حاجه وستين او اقل من الستين بحلجه بسيطه اداء تلاقى تحمل تلاقى قوه تلاقى اقل مصاريف تشغيل تشيل لحد 6 اشخاص حماله اسيه
انا عارف ان الضرب هينزل عليا دلوقتى للركب والشتم بس عادى انا كانت معايا شاهين 1300 القديمه الفاضيه وسبتها وجبت لانسر والله انا بحلف بايام الشاهين تانى لانى عمرى فى يوم ما ركبتها وكنت خايف على حاجه مش اللانسر اللى بتمشى بيهل خايف من حفره او بلاعه ...................
على العموم لو مش نصحتك يبقى مش ضريتك على الاقل بس نصيحه واحد زى اخوك انا كنت هجيب نوبيرا بس كان ليا ميكانيكى معرفه لما خدته علشان نرفعها قالى لو ببلاش اوعا تجيب العربيه دى ( من الاخر انتا قلت عيوبها قبل ما اقولهالك ده كفايه استهلاكها للبنزين )
لو بتفكر فى مستعمل دور على سيفيك او كورولا او ( لانسر كريستاله مستعمله عمرها ماتعدى 60 الف وعربيه تحففففففففففففففففففففففف فففففه فعلا ) واخيرا اسف على التطويل

شكراً على نصيحتك و انا فعلاً بدور على لانسر كريستالة الجامبو بس مش لاقي لحد دلوقتي
السيفيك كلمة رائعة عليها قليل بس علشان تلاقي حاجة نظيفة فعلاً صعب جداً و تكاد تكون مستحيلة
و لسة واحد متصل بيا دلوقتي علشان لاقالي نوبيرا 2007 احتمال اشوفها انهاردة و ابقى اقولكوا

لا والله ولا تريقة ولا حاجة
اصل انا لما كنت بدور دخلت توكيل الجيلي
العربية شدتني اوي بس
في الاخر قولت صيني وجيبت بيكانتو هههههههههههه

أنا بهزر معاك عارف انك مش بتتريق بس بجد موضوع شراء عربية موضوع متعب قوي
أنا بفكر اركب بالستين لحلوح دول تاكسيات و اريح دماغي ( تفتكروا يكفوني قد ايه )
انا اول امبارح صارف 45 جنيه تاكسيات

لو كل يوم 45
يبأى حوالي تلت سنين وشوية
تمام كدة هههههههههههههه

يا دوب أكون حوشت ستين غيرهم

هي الافيو تحفة
بس لو مستعملة ممكن تعمل في حدود كام