الجالاكسي نوت 3 (Galaxy Note 3) سعره 5600 بالضمان

اقتباس:

---

المشاركة الأصلية كتبت بواسطة M7amD_7amDy

النوت 2 نازل شهر 10 2012 والنوت 3 شهر 10 2013

كل سنة بالظبط بينزل الجيل الجديد ونفس الكلام لفئة ال s

وانا شايف ان سامسونج بتدى خيارات كتير لجميع الفئات من اول موبايل ب 600 جنيه واندرويد لحد فئة النوت

ومش عارف ليه الموضوع ده بيزعل ناس كتير !!

---

مش فكرة بيزعل ناس !! بس النهارده سنة مابين كل موديل والتاني يعتبر قليل جدا !!!

فرضنا انا واحد اشتريت النوت 2 بعد مانزل بشهرين تلاتة !! ؟ يدوبك مش هيكمل معايا كام شهر والاقيه قدم ونزل النوت 3 !! ؟ وسعره نزل حبة محترمين بسبب نزول موديل احدث

فالواحد بيدفع مبلغ كبير اه عشان تاخد قصاده اوبشنز وموبايل محترم بس فيه جزء من الفلوس عشان الشياكة والبرستيج وعشان تبقى ماسك موبايل حديث

يعني لو تبص لل I phone تحس ان كل اصدار فيه بياخد حقه

هو اه بينزل في النص تعديلات زي ال s / c

بس بيفض برضوا الموديل الاساسي هو هو !!

يعني ال Note 2 يعتبر مات لما ال Note 3 نزل !! ؟ انا اللى هيخليني ادفع 4500 طب مازودهم ل 5500 واجيب الاحدث بالمرة !!

انا لما جيت اشتري ال S3 ماكنتش ناوي اجيبه اصلا !! انا كنت ناوي ادفع 3000 بعدها قلت طب ماللى يخليني ادفع 3 الاف !! ازود شوية واجيب الاحدث

وجبت ال S3 وكان عامل سعتها 4550

والمشكلة انك بتحس ان الفروقات مابين الاصدارات مش كتير بعكس الاول

يعني لما تبص للفرق مابين ال Note1 وال Note 2 هتحس انه فعلا فيه فرق

ولما تبص للفرق مابين ال S2 وال S3 هتحس انه برضوا فيه فرق ملحوظ

بعكس لما مسكت ال S4 !! ؟ شوية اضافات عبيطة تحس انها مالهاش لازمة ؟ قالك تحرك الهوا يحرك الصورة ؟؟ بذمتك دي مين هيستخدمتها ؟؟

والفرق في السرعة مش Critical لان ال S3 اصلا سرعته كويسة مايعتبرش بطئ

اقتباس:

---

المشاركة الأصلية كتبت بواسطة ahmod

مش فكرة بيزعل ناس !! بس النهارده سنة مابين كل موديل والتاني يعتبر قليل جدا !!!

فرضنا انا واحد اشتريت النوت 2 بعد مانزل بشهرين تلاتة !! ؟ يدوبك مش هيكمل معايا كام شهر والاقيه قدم ونزل النوت 3 !! ؟ وسعره نزل حبة محترمين بسبب نزول موديل احدث

فالواحد بيدفع مبلغ كبير اه عشان تاخد قصاده اوبشنز وموبايل محترم بس فيه جزء من الفلوس عشان الشياكة والبرستيج وعشان تبقى ماسك موبايل حديث

يعني لو تبص لل i phone تحس ان كل اصدار فيه بياخد حقه

هو اه بينزل في النص تعديلات زي ال s / c

بس بيفض برضوا الموديل الاساسي هو هو !!

يعني ال note 2 يعتبر مات لما ال note 3 نزل !! ؟ انا اللى هيخليني ادفع 4500 طب مازودهم ل 5500 واجيب الاحدث بالمرة !!

انا لما جيت اشتري ال s3 ماكنتش ناوي اجيبه اصلا !! انا كنت ناوي ادفع 3000 بعدها قلت طب ماللى يخليني ادفع 3 الاف !! ازود شوية واجيب الاحدث

وجبت ال s3 وكان عامل سعتها 4550

والمشكلة انك بتحس ان الفروقات مابين الاصدارات مش كتير بعكس الاول

يعني لما تبص للفرق مابين ال note1 وال note 2 هتحس انه فعلا فيه فرق

ولما تبص للفرق مابين ال s2 وال s3 هتحس انه برضوا فيه فرق ملحوظ

بعكس لما مسكت ال s4 !! ؟ شوية اضافات عبيطة تحس انها مالهاش لازمة ؟ قالك تحرك الهوا يحرك الصورة ؟؟ بذمتك دي مين هيستخدمتها ؟؟

والفرق في السرعة مش critical لان ال s3 اصلا سرعته كويسة مايعتبرش بطئ

---

كلامك مظبوط ياباشا

الانبهار كان كبير بين النوت1والنوت 2

وعشان مفيش انبهار بعد كده ومن وجهه نظرى انهم جابوا اخرهم ومعتش فى جديد :)

وموضوع كل سنة اصدار .. للأسف بقت هيا دى السياسة السايدة بين اغلب الشركات مش سامسونج بس

بصراحة من غير زعل النوت 3 يدى الايفون 5 بالجزمة وانا استحالة ارجع للـ ios تانى

اقتباس:

---

المشاركة الأصلية كتبت بواسطة som3aa

بيبقى فى الضمان عادى جدا بس الضمان مش بيبقى 12 شهر غالبا بيبقى 11 او 10 شهور حسب التاريخ اللى مختوم على الضمان اللى فى العلبة و طبعا مش فارقة كتير , خد الى 10% خصم احسنلك , لو معاك فاتورة الضمان بيتحسب من تاريخ الفاتورة (بس تبقى فاتورة سليمة), بالنسبة للنوت 3 بما انه لسه نازل هتلافى الضمان مش ناقص غير كام يوم بس مش اكتر.
الفرق كمان فى الفاتورة انك منغيرها مش من حقك ترجع لجهاز حماية المستهلك يعنى لو حصل مشاكل بينك و بين الوكيل مينفعش ترجع لحماية المستهلك.

التليفون بيبقى فى الضمان عادى يعنى لو حصله حاجة تصلحة او تغيره فى سامسونج ( الوكيل ) منغير اى فلوس.

هو التليفون غالى اساسا و سعره فى الخليج 5500 , انا شايف ان 5555 سعر مناسب مع انهم ضاربين 100 جنيه فى جيبهم زيادة عن مكسبهم الطبيعى بس دا الحال فى مصر.

رايى لو عاجبك توكل على الله و اشتريه ب 5555 , كل دا مش مهم لو هتوفر 450 جنيه على الفاضى.

---

كلام سليم 100 % و انا شغال فى توكيل موبايلات بدون ذكر اسمه و فعلا لو السعر 6000 يبقى لازم بفاتوره ضريبيه سليمه و الف مبروك لصاحب الموضوع على النوت 3 و هو اكثر من رائع و اختيار موفق

اقتباس:

---

المشاركة الأصلية كتبت بواسطة just_magdy1

الف مبروك على الجهاز وانا معايا ايفون ٥ وفعلا أخدت قرار أنى أجيب النوت ٣ خصوصا أنى كان معايا النوت ٢ قبل الايفون
بس المشكلة أنى مش لاقى نسخة ال 4g إللى هى n9005 وليست n9000
ياريت حضرتك تقول لنا انت اشتريت اى نسخة

---

الله يبارك فيك يا باشا
أنا جبت الإصدار n9000 لأن ده اللي بينزل مصر الإصدار التاني مش عارف بينزل مصر ولا لأ بس أنا مش شايف إن في فرق جامد بين الاتنين أساسا

اقتباس:

---

المشاركة الأصلية كتبت بواسطة abdulkhaleq

طيب هنستأذنك تستخدمه شويه وتدينا ريبورت عنه
وموضوع الجير (الساعه) بتاعته ايه نظامها ؟؟

---

بصراحة لحد دلوقتي مش قادر أنسجم معاه ومع الأندرويد باعتبار إني آيفونجي قديم :D الحاجة الوحيدة اللي عاجباني فيه هي الشاشة الكبيرة بوضوحها العالي غير كده بصراحة بحن للآيفون بس يكبروا الشاشة وطبعا دي وجهات نظر في النهاية عشان محدش يزعل :)

اقتباس:

---

المشاركة الأصلية كتبت بواسطة Ahmod

+1111111111111

انا مستغرب جدا من موضوع التهنيج والريستارت اللى بيحصل ده !! ؟

انا معايا S3 اللى هو اضعف من ال Note 2 اللى اضعف من ال Note 3 اللى مع حضرتك !! ؟ و مع ذلك مش بيحصل فيه لا تهنيج ولا ريستارت ولا اي حاجة

واما موضوع مقارنته بال I phone !! فانا اختي معاها I phone 4s ولما بمسكه !! معلش فيه فرق كبير بينه وبين ال S3 :T_thum1[1]:

وال S3 معديه بمرااحل وفارق عنه كتيير في الفخامة والشياكة والشكل والبطارية وكل حاجة

ياراجل ده كفايا العذاب اللى بنتعذبه عشان ننزل اغنية ولا نغمة ولا اي حاجة من ال Pc لل I phone !! ؟

وياسلام لو شفت فيديو ولا صورة عجبتك على موبايل واحد صاحبك وعايز تاخده منه !! ؟ هنا بتحس انك معزول عن العالم :crying2:

انا بس مش عارف ليه سامسونج بتنزل اصدارات كتير كدة ورا بعض !! ؟ انا حاسس ان كل موبايل مش بياخد حقه

ال Note 2 ملحقش ينزل عشان ينزله ال Note 3 !! ؟ حاسس انها هتعمل زي نوكيا كل يومين موبايل جديد وفجاءة محدش هيسمع عنها حاجة

---

موضوع نقل الملفات والنغمات والكلام ده مفيش أسهل منه عن طريق برنامج بديل للآيتيونز المقرف فعلا اسمه iTools برنامج خفيف وصغير ومجاني ورائع بمعنى الكلمة حتى برنامج Kies بتاع سامسونج مش بنفس سهولته وروعته
وموضوع نقل الملفات من جهاز للتاني فالإصدار الجديد من الios في أوبشن جديد اسمه AirDrop بيسمح بتبادل الملفات بين جهازين آيفون
أما موضوع إن سامسونج بتنزل إصدارات كتير ورا بعض فأنا شايف إن دي أكبر ميزة في سامسونج لأنها بتلبي احتياجات كل الفئات اللي عايز شاشة كبيرة بتعمله اللي عايز شاشة صغيرة بتعمله اللي عايز وسط بتعمله وبين كل إصدار وإصدار سنة أنا شايفها مناسبة جدا لأن غالبا مفيش موبايل بيقعد في إيد حد أكتر من سنة أنا عن نفسي واحد بزهق من الموبايل من أول شهر :D

اقتباس:

---

المشاركة الأصلية كتبت بواسطة yasserelsayad

بصراحة من غير زعل النوت 3 يدى الايفون 5 بالجزمة وانا استحالة ارجع للـ ios تانى

---

وجهة نظرك وأحترمها وإن كان غيرك مخالف ليها طبعا ولولا اختلاف الآراء لبارت السلع

اقتباس:

---

المشاركة الأصلية كتبت بواسطة Ramy.Gamal

كلام سليم 100 % و انا شغال فى توكيل موبايلات بدون ذكر اسمه و فعلا لو السعر 6000 يبقى لازم بفاتوره ضريبيه سليمه و الف مبروك لصاحب الموضوع على النوت 3 و هو اكثر من رائع و اختيار موفق

---

الله يبارك فيك
بس أنا شايف إن طالما معايا ضمان فمن حقي أتمتع بيه حتى لو شاريه بفاتورة غير ضريبية لأني مش برجعه للمحل يصلحه أنا بديه للتوكيل نفسه وطالما الضمان ساري مش من حقه يقولي المحل اللي انت شاري منه فاتورته مش ضريبية !

الفرق بين نسخه ال 4g وال 3g كبيره مش صغيره بخصوص المعالج
لا يمكن مقارنه معالج سامسونج بمعالج زى سنابدراجون 800 الموجود فى نسخه ال 4g
الميزه الوحيده اللى فى معالج سامسونج عن كوالكوم يمكن فى عمر البطاريه اطول شوية
لكن البروسيسور الكوالكوم احسن كتير جدا طبعا
على فكرة
معظم مشاكل اجهزه سامسونج بتبقى من النسخ اللى بتحط فيها معالجتها (سخونه وتعليق وكراشات)
تحس انهم عايزين يدخلوا المجال دة بالعافيه مع ان فى شركات احسن منها بكتير ومينفعش تتقارن معاها مهما عملت
من وجهه نظرى سامسونج بتعمل شاشات حلوة وسوفتوير ممتاز لفئة النوت فقط

اقتباس:

---

المشاركة الأصلية كتبت بواسطة mido_soliman

الفرق بين نسخه ال 4g وال 3g كبيره مش صغيره بخصوص المعالج
لا يمكن مقارنه معالج سامسونج بمعالج زى سنابدراجون 800 الموجود فى نسخه ال 4g
الميزه الوحيده اللى فى معالج سامسونج عن كوالكوم يمكن فى عمر البطاريه اطول شوية
لكن البروسيسور الكوالكوم احسن كتير جدا طبعا
على فكرة
معظم مشاكل اجهزه سامسونج بتبقى من النسخ اللى بتحط فيها معالجتها (سخونه وتعليق وكراشات)
تحس انهم عايزين يدخلوا المجال دة بالعافيه مع ان فى شركات احسن منها بكتير ومينفعش تتقارن معاها مهما عملت
من وجهه نظرى سامسونج بتعمل شاشات حلوة وسوفتوير ممتاز لفئة النوت فقط

---

اللينك ده في مقارنة بين الإصدارين
Product Comparison - Cell Phone - Samsung Galaxy Note 3 N9000 vs Samsung Galaxy Note 3 N9005
ملخصها إن النسخة n9005 أفضل من الn9000 في سرعة نقل البيانات (4 مرات أسرع) لأنه بيدعم ال4G اللي مش موجود أساسا في مصر ! وفي البروسيسور (20% أسرع) وفي تسجيل الفيديو (4 مرات جودة أعلى)
لكن لو بصيت هتلاقي إن موضوع سرعة نقل البيانات فضلا عن إنه غير متاح في مصر فمش هيفرق معاك كمان مع السرعات البطيئة عندنا فمش هتفرق معاك إن النسخة n9005 بسرعة 150 ميجا في حين التانية بسرعة 42 ميجا !
ثانيا موضوع البروسيسور أنا شايف إن بتاع الn9000 ممتاز جدا وال20% الزيادة في الإصدار الn9005 مش هتشعر بيهم على الأرجح في مقابل إن ده هيخلي بطارية الn9005 تستنفذ أسرع من التانية لأن الاتنين نفس السعة 3200 mAh
ثالثا موضوع تسجيل الفيديو الn9000 بيسجل فيديو Full HD بجودة 1920x1080 يعني مش محتاج أصور بجودة أكتر من كده خاصة إن التصوير بجودة أعلى من كده هيستهلك كارت الميموري ومساحة الفيديو الواحد هتزيد 4 أضعاف تقريبا عن التاني وبرده مش هتشعر بفرق بين الجودتين
فالخلاصة إن النسخة اللي نزلت مصر مش بطالة والنسخة التانية متستاهلش الفرق اللي في حدود 250 ريال يعني 475 جنيه تقريبا والله أعلى وأعلم

وعلى كل حال اللي عايز يشتري أي واحد من الاتنين ومش مهم معاه موضوع الضمان ممكن يجيب النسخة ال4G ب5225 جنيه تقريبا وال3G ب4750 تقريبا من السعودية
https://online.axiomtelecom.com/ksa/...?name=note%203

اقتباس:

---

المشاركة الأصلية كتبت بواسطة أبو بودي وعمر

وعلى كل حال اللي عايز يشتري أي واحد من الاتنين ومش مهم معاه موضوع الضمان ممكن يجيب النسخة ال4g ب5225 جنيه تقريبا وال3g ب4750 تقريبا من السعودية
https://online.axiomtelecom.com/ksa/...?name=note%203

---

النسخه ال 4 جى هنا ب 5500 سعرها قريب اوى من سعر السعوديه فمش مستاهلة يتجاب من هناك

اقتباس:

---

المشاركة الأصلية كتبت بواسطة mido_soliman

النسخه ال 4 جى هنا ب 5500 سعرها قريب اوى من سعر السعوديه فمش مستاهلة يتجاب من هناك

---

ازاي ب5500 اذا كان انا شاري ال3g ب5555 من أقل من أسبوعين وكان أرخص سعر وقتها ؟!