الموضوع: ضرورى ياجماعه عشان نازله احجز المتسوبيشي ان شاء الله

أنا اشتريت يومه 2014

ب 130،500
والعربية 1600
وهي اكيد أحسن كتير جدا من 1300

فتوكلي علي الله وهاني 1600

علي رأي واحد صاحبي البومه طالما سليمة تبقي شيك مقبول اادفع في جيبك وقت ما تحتاج فلوس لا قدر الله تصرفه.دي قاعدة السوق في مصر.التصيحة هنا كالأتي حضرتك روحي المعرض و شوفي العربيات التلاته البومه و الشارك و البيجوا و إقعدي جوا كل عربيه ومع حضرتك حد فاهم كوبس جدا و يناقش مندوب المعرض في تفاصيل التفاصيل لكل عربيه و اللي تستريحيلوا إشتريه .و مهم جدا التأمين الشامل علي العربيه

البومه عربيه فقيره فى المقصوره بقالها 9 سنين فى السوق يعنى بعد 3 سنوات وهتعتبر موديل جديد 2014 الا أن كل الى هيشوفها وصاحبها شخصيا هيقو العربيه قديمه اوى
والعربيه مش اقتصاديه فى البنزين اوى واسعار قطع غيارها فى التوكيل غااااااااليه جدا جدا وخصوصا انها مش فئه عاليه من السيارات ابسط صيانه ليها كتغير سيور وتيل اماى وبويجهات وفلاتر هدخلك فى 3000 جنيه

الناس بتهتم بسعر اعاده البيع اكتر من سعر الصبانه معرفش ليه

المشاركة الأصلية كتبت بواسطة mohamedxsayed

البومه عربيه فقيره فى المقصوره بقالها 9 سنين فى السوق يعنى بعد 3 سنوات وهتعتبر موديل جديد 2014 الا أن كل الى هيشوفها وصاحبها شخصيا هيقو العربيه قديمه اوى
والعربيه مش اقتصاديه فى البنزين اوى واسعار قطع غيارها فى التوكيل غااااااااليه جدا جدا وخصوصا انها مش فئه عاليه من السيارات ابسط صيانه ليها كتغير سيور وتيل اماى وبويجهات وفلاتر هدخلك فى 3000 جنيه

الناس بتهتم بسعر اعاده البيع اكتر من سعر الصبانه معرفش ليه

ياعم متفكرنيش انا مغير سير كاتينه وبلي وبوجيهات دافع الف جنية والله بجد بجد حرام لية الكع والغلو دا في قطع الغيار يعني عشان اركب لانسر ادفع كل دا افرض شهر مزنوق واحتاجت العربية مساعد اروح ادفع في المساعد الواحد من التوكيل 1500 جنية والله العظيم دا حررررررررررررررررررررام حرام حرام اة العربية حلوة بس انا كرهتها بسبب غلو قطع غيارها حقيقي يعني الي ممعوش يجيب حاجة مش اصلي كوري ولا ماليزي ويلبسها بقا ومفيش كام شهر وتبوظ

ازاى يا جماعه قطع غيارها اعلى من البيجو
مع ان كل اللى يكلمنى يقولى الفرنساوى اعلى قطع غيار وابعدى عنها !!
طب منا لو كده اروح اجيب السانديروا ب 97 مهى فرنساوى تقفيل مغربي واوفر الفرق بقى
!!@! انا قلت اخلينى في اليابابنى اضمن حاجه
وكمان بيقولولى هنا في المنتدى ان المتسوبيشي مبقتش يابانى وبيضحكوا على الناس


حيرتونى بجد :(( !!!!!!!!!!!!

المشاركة الأصلية كتبت بواسطة amro0000

ياعم متفكرنيش انا مغير سير كاتينه وبلي وبوجيهات دافع الف جنية والله بجد بجد حرام لية الكع والغلو دا في قطع الغيار يعني عشان اركب لانسر ادفع كل دا افرض شهر مزنوق واحتاجت العربية مساعد اروح ادفع في المساعد الواحد من التوكيل 1500 جنية والله العظيم دا حررررررررررررررررررررام حرام حرام اة العربية حلوة بس انا كرهتها بسبب غلو قطع غيارها حقيقي يعني الي ممعوش يجيب حاجة مش اصلي كوري ولا ماليزي ويلبسها بقا ومفيش كام شهر وتبوظ

تعال جنبى لسا انا كمان مدبس فى الحوار ده وبدفع من لحم الحى وعاوز اقول للناس عشان يعرفوا

وانا مش عاوزة ابيع ولا اتاجر فيها
عاوزة اشترى عربيه كويسه ومتتعبنيش في قطع غيارها

(اذا عزمت فتوكل) توكلى على الله واشترى 1600 ،

حضرتك اتوكلي علي الله في لانسر 1600 مش 1300. ما فيش حد بيصلح في التوكيل. كل الناس بتشوف مركز خدمة محترم و تجيب قطع الغيار من بره مش من التوكيل و قطع غيار العربية ديه ببلاش في أي مكان و فعلا ما فيهاش مشاكل و لا أعطال و بيعها سهل. أنا شايفها عملية جدا في بلدنا طالما حضرتك مش يتدوري علي الحداثة و الشكل الجديد.

المشاركة الأصلية كتبت بواسطة svneleven

حضرتك اتوكلي علي الله في لانسر 1600 مش 1300. ما فيش حد بيصلح في التوكيل. كل الناس بتشوف مركز خدمة محترم و تجيب قطع الغيار من بره مش من التوكيل و قطع غيار العربية ديه ببلاش في أي مكان و فعلا ما فيهاش مشاكل و لا أعطال و بيعها سهل. أنا شايفها عملية جدا في بلدنا طالما حضرتك مش يتدوري علي الحداثة و الشكل الجديد.

حضرتك هى هتشترى زيرو يعنى افضلها تصلح فى التوكيل عالاقل لغايه 20000 عشان متخسرش الضمان
وعشان لو فيها عيوب تصنيع لاقدر الله تقدر تتكلم
وعلى فكره قطع غيارها مش ببلاش بره التوكيل منا لسه كنت بلف الاسبوع ده وسألت انا اعرف ناس معاهم
هونداى وتيوتا بيقولوى قطعك غيار عربيتك فى حاجات اوفر . الكلام تانى خالص لو هتجيب قطع غيار مش أصليه ساعتها متلمش غير نفسك