تجربة اضافة زيت ezi ... و استفسار محتاج رد!

**x_gomgom** · 04-10-2013 06:36 PM

كنت النهارده بحاول اشتري parking sensor بلون السيارة(و فشلت في اني الاقيه لون العربيه) و انا في شارع دمشق لقيت محل عليه وكيل زيت ليكوي مولي و علامة اضافة الزيت EZI و الصارحه الفضول اخدني اجربه....
و دخلت المحل بصراحه قابلني شخص محترم و سألني عن عدد الكيلومتر اللي مشياه العربيه إذا كانت اقل ولا اكثر من 100 الف قلت اقل اداني العلبه الحمراء و سعرها 130....
و اثناء تواجدي دار حوار بين شخصين حول مدي سوء زيت موبيل و انه مش تمام وانها زيوت recycled قلت ماشي و شوية بقوا يشتموا في شل الترا قلت بس!!! انا عامل صيانة الالف و كنت حاطط شيل الترا الرصاصي ال 10.000 و العربية عاملة 6300كيلو (اكسنت ار بي 2013) قلت استحاله يكون زفت للدرجه دي (مع العلم اني لما عملت صيانة 1000 و الشهاده لله العربيه كتمت في السحب شويه و استهلاك النزين علي شوية و حسيت ان صوت الموتور بقي خشن وفي رعشه بسيطه في السلانسيه و تكونت عندي عقديه والله اعلم مدي صحتها ان الزيت اللي كان جاي فيها و هي زيرو انضف من شيل و موبيل لان دي تاني عربيه)....
راح قالي جرب اليكوي مولي و سألت على سعره دور على المناسب للعربية و قالي هو ب 290 و تخليقي و يعمل 12000 كيلو...و الصراحه السيوله مش كانت مساعده فأجلت الموضوع شوية......
نيجي بقي للمهم أنا حطيت العلبه كلها داخل الموتور و مشيت بيها النهارده 100 كيلو مشاوير و أنطباعي الاتي و بدون أي مبالغه :
العربيه كان فيها رعشه بسيطه في الطاره في السلانسيه(انا موسوس شويه) اختفت تماما و مع التكييف برضه و صوت العربيه هدي بنسبة 35% و كان في نعره شوية في الصوت مع الكبس اختفت!!!
الاهم من الكلام دا انا استهلاك العربيه على حسب الشاشه اللي في العربيه لو الطرق مفتوحه ولم تتخطي سرعة 100 ك/س هو 7.5 لتر لكل 100 كلم و طبعاً (واسف في اللفظ بتحسس على دواسه البنزين بدون حرق خالص)...
الغريب انا سايق 120-130 من طلعه الدائري جوزيف تيتو حتي المعادي الاوتوستراد الشاشه كاتبه 6.1 لتر لكل 100كيلو دا غير ان العربيه بقت بتسحب هن الاول بنسبة 30% تقريباً و حاسس انها عايزه تجري!!!
انا حبيت انقل تجربتي دا اولاً و ثانياً و هو سؤال ملح ليه مثلاً زيت شل و موبيل من ذوي السمعه السيئه و عن تجربه و كلام العديد من الاشخاص و التوكيلات متمسكه بيه كده؟ و هل بالفعل اللي سمعته ان الزيوت الموجوده في مصر (و تحديداً المكرره في مصر) درجه تانيه؟!
يا ريت لو حد معلومه شافيه يرد و يا رب اكون افدت

**saddam** · 04-10-2013 07:05 PM

صدبقي المواطن
إضافات EzI من اﻹضافات المحترمة وبحطها في كل عربياتي وللبور والفتيس والكورونة وأوتوماتيك ومانوال وأحيانا بحط علبتين وبرتاح أكثر أما زيوت موبيل وشل فهي في مصر سيئة جدا ﻷن هذه شركات كبيرة لو أنتجت زيت عالي الجودة السوق المصري لن يستحملها وخد بالك كل ألف جركن شيل أو موبيل ممكن تلاقي واحد بس اللي راح وتعب وجاب فالفولاين وده طبعا إنت حتحطه ﻷنه أحسن من ليكو مولي والفالولاين 15 ألف كيلو وب260 آخر مرة تركته

ودمتم للنضال

**x_gomgom** · 04-10-2013 07:25 PM

شكراً لمروركم الكريم و انا عملت بحث على موقع امازون و مواقع اخري ..الزيوت بره اغلى من مصر تقريباً 20% ودا غير ان فيه انواع كتيره جداً....
الموضوع بقي محير الصراحه و انا بفكر جدياً اغير الشيل و اجرب نوع تاتي ...