السلام عليكم ورحمة الله وبركاتة

أنا عارف أن الموضوع المفروض يكون مكانة المنتدي العام وعلشان كدة بعتذر عن تكرار الموضوع لاني عملته فى العام وعملتة فى القسم لاني حابب اعرف رأي زملائنا فى قسم سكودا ...... أعتذر لادمن القسم

ندخل فى الموضوع

طبعا الموضوع باين من العنوان

ياتري أية أرائكم فيمن يقوم بتشغيل سيارته الملاكي بالاجرة زي التاكسي

أنا لقيت الموضوع منتشر جدا فحبيت أعمل إستطلاع رأي

هل أنت مع أم ضد هذه الظاهرة ....... مع توضيح السبب

وياتري سائق ملاكي اية اللى ممكنه يحصل معاة لو المرور أو لجنة مثلا اكتشفو قيامة بذلك

حبيت أطرح الموضوع بصراحة لسبب بسيط هوة أني فكرت فى يوم من الايام اني اعمل كدة بعربيتي عملاً بمبدأ أضيع وقت الفراغ فى حاجة مفيدة ومنها تجيب مصاريفها

بصراحة لقيت الموضوع صعب أوي وتقيل عليا ومش عاوز أقول كمان مهين


الموضوع مطروح للمناقشة ومنتظر المشاركات