الموضوع: عاوز أجيب هوندا 2009 أو 2010 حد يساعدنى و يرشحلى واحدة كويسة

صباح الخير عليكو يا أجمد قسم هوندا فى الدنيا ..
طبعا سوقت عربيات كتير و غيرت كتير بس قررت خلاص أبقا هونداوى و أنضم للعائلة المحترمة دى ..
طبعا طالب منكو هونداية 2009 أو 2010 بس تكون حالة رائعة مش عاوز واحده متهانة ..
و تكون lxi او vti راشة حاجات بسيطة علشان سعرها يبقا مرتاح شوية ..
عاوز عربية يكون اللى سايقها واخد بالو منها اوى ..
لو حد يعرف يفيدنى يبقا جزاه الله كل خير ..
وربنا يقدم اللى فيه نصيب .. شكرا يا رجالتنا ..

انا حاسس انك حتتعب اوى لكن ممكن اساعدك روح مصر الجديدة للمروان كار حتلاقى عربيات بحالات شاذة فعلاً بس السعر مش حيكون قليل

انا من رأيي بلاش المعارض عشان السيفيك بياعة و مبتقفش في معرض
قبل كدة وانا بشتري عربيتي رحت اتفرجت على سيفيك2009 واقفة في معرض في المهندسين و كنت هاخدها بسعر حلو اوي بس كشفت عليها لقيتها راشة نص امامي كامل و مغيرة زجاج امامي قمت رجعت في البيعة وقتي
انا من رأيي شوف العربيات اللي على كونتاكت و انزل اتفرج بس امانة لازم تكشف قبل ما تدفع فلوس

انا بردو مش بحب المعرض لكن دة صريح لما بيكون فى حاجه بيقولك ورزقه على الله انا شوفت كتير قبل ما اشترى عربيتى واحسن العربيات شفتها عند معرضين المروان كار ومعرض هوندا كلوب بمصر الجديدة
لكن هوندا كلوب للأمانه مش صريح زى المروان كار
دى الحقيقه للأسف

ممكن عناوين المروان كار و هوندا كلوب ؟

المروان كار بجوار قسم النزهةة مصر الجديدة
honda club عمارات الشركة السعودية بجوار سيتي ستارز وكان ليهم رقم معايا 01064040047

على فكرة انا كنت بدور على هوندا سيفيك 2009 او 2010 تكون بحالة كويسة رحت اتفرجت عند المروان كار لاقيت عربية 2009 لون موكا عاملة 70 الف كم كاننت 120 الف جنية قالللي انها رشة اكصدامين ورفرف اديته عربون ورحت اكشف على العربية في التوكيل واليكم ما وجدته :
1 - العداد كان 70 الف كيلو فوجئت ان اخر صيانة داخلاها 120 الف كم من 8 شهور يعني المفروض تكون عاملة كام دلوقتي ؟؟؟؟؟؟؟؟
2- الرش ( لاقيت العربية رشة بالكامل من برة عدا السقف وواخدة خبطة من قدام ومغيرة الفوانيس الامامية مش اصلي ولا الاكصدام
3 - لاقيتها عايزة حاجات في العفشة وعايزة علبة دريكسيون ( علبة الدريكسيون لوحدها ب 7 الاف جنيه ) تخيلوا الباقي بكااااااااااااااااام ؟؟؟؟؟؟؟
4- المهم مرضتش ادفع التقرير لانه مكنش صريح معايا من الاول لاقيتو عمل معايا مشكلة وقاللي عجبالك خدها مش عجباك سبها المهم دفعت الفلوس زي الباشا ومشيت
وبعد كدة رحت معرض تاني اسمة اوتو ميدو في شارع النزهه عجبتني عربية بس مرضيش يرفع في التوكيل اصلا ( جاب من الاخر )
بعد كدة لاقيت اعلان على كونتاكت معرض اسمة honda club في عمارات الشركة السعودية جنب سيتي ستارز لاقيتة عامل اعلان عن اكتر من 5 عربيات روحت العربيات كويسة جدا وحالتها كويسة اي نعم كان في حاجات مرشوشة بس قالللي عليها وبعدين قاللي انه قبل مايشتري بيكشف في التوكيل وانا لو هشتري هيسلمني هناك في التوكيل ولو العربية طلع فيها حاجة غير اللي هو قال عليها هيدفع هو حق الكشف المهم روحت كشف عليها طلع زي ما هو قال بالضبط بس لاقيتها عايزة جلب مقصات وبطاحات وقاللي هعملهالك فبل ماتستلم او يخصم حقهم المهم عاملهم واداني العربية وفوجئت انه اداني ورقة ضمان مختومة 6 اشهر او 25 الف كيلو متر على السيارة بالكامل مشيت بالعربية وكانت تحفة بجد بعد فترة لاقيتة بيكلمني بيقولللي لو عايز تغيير العربية وتاخد حاجة vti المهم روحت بصيت لاقيت عربية هاي لاين حلوة اوي بس المرة دي مرفعتش خالص لانه عرفتو وخد عربيتي باكتر ماخدتها منه ب 4000 جنيه

انا كنت بدور برضو علي ٢٠٠٨ المهم واحد كان عارض واحده ٢٠٠٨ فابريقه برا و جو و ماشيه ٧٠ الف طالب ١١٢ روحت شوفتها لقيت حالتها متبدهله اوي و لا كانها ماشيه ٣٠٠ الف المهم قولت دي اكيد ملعوب فيها فقولتله خلاص انا هشتريها بس نكشف في التوكيل قالي توكيل لا
بعد كده روحت عن هوندا كلوب كان في عربيتين واحده ٢٠٠٩ ماشيه ٧٠ الف بس هو قالي دي راشه جنبين و فرشها كان متبهدل شويه و عربيه تانيه ٢٠٠٨ فابريقه برا و جوا بس راشه اكصدامين و عتب ماشيه ١٠٠ الف بس حالتها زيرو سوقتها و جربتها فعلا نظيفه دفعت عربون و هكشف في التوكيل و علي كلامه انه الصيانات كلها في التوكيل و لو الكشف تمام هخلص فيها و هاخد ضمان ٦ شهور او ٢٥ الف بس شكلهم ناس محترمه

المشاركة الأصلية كتبت بواسطة vedo dido

على فكرة انا كنت بدور على هوندا سيفيك 2009 او 2010 تكون بحالة كويسة رحت اتفرجت عند المروان كار لاقيت عربية 2009 لون موكا عاملة 70 الف كم كاننت 120 الف جنية قالللي انها رشة اكصدامين ورفرف اديته عربون ورحت اكشف على العربية في التوكيل واليكم ما وجدته :
1 - العداد كان 70 الف كيلو فوجئت ان اخر صيانة داخلاها 120 الف كم من 8 شهور يعني المفروض تكون عاملة كام دلوقتي ؟؟؟؟؟؟؟؟
2- الرش ( لاقيت العربية رشة بالكامل من برة عدا السقف وواخدة خبطة من قدام ومغيرة الفوانيس الامامية مش اصلي ولا الاكصدام
3 - لاقيتها عايزة حاجات في العفشة وعايزة علبة دريكسيون ( علبة الدريكسيون لوحدها ب 7 الاف جنيه ) تخيلوا الباقي بكااااااااااااااااام ؟؟؟؟؟؟؟
4- المهم مرضتش ادفع التقرير لانه مكنش صريح معايا من الاول لاقيتو عمل معايا مشكلة وقاللي عجبالك خدها مش عجباك سبها المهم دفعت الفلوس زي الباشا ومشيت
وبعد كدة رحت معرض تاني اسمة اوتو ميدو في شارع النزهه عجبتني عربية بس مرضيش يرفع في التوكيل اصلا ( جاب من الاخر )
بعد كدة لاقيت اعلان على كونتاكت معرض اسمة honda club في عمارات الشركة السعودية جنب سيتي ستارز لاقيتة عامل اعلان عن اكتر من 5 عربيات روحت العربيات كويسة جدا وحالتها كويسة اي نعم كان في حاجات مرشوشة بس قالللي عليها وبعدين قاللي انه قبل مايشتري بيكشف في التوكيل وانا لو هشتري هيسلمني هناك في التوكيل ولو العربية طلع فيها حاجة غير اللي هو قال عليها هيدفع هو حق الكشف المهم روحت كشف عليها طلع زي ما هو قال بالضبط بس لاقيتها عايزة جلب مقصات وبطاحات وقاللي هعملهالك فبل ماتستلم او يخصم حقهم المهم عاملهم واداني العربية وفوجئت انه اداني ورقة ضمان مختومة 6 اشهر او 25 الف كيلو متر على السيارة بالكامل مشيت بالعربية وكانت تحفة بجد بعد فترة لاقيتة بيكلمني بيقولللي لو عايز تغيير العربية وتاخد حاجة vti المهم روحت بصيت لاقيت عربية هاي لاين حلوة اوي بس المرة دي مرفعتش خالص لانه عرفتو وخد عربيتي باكتر ماخدتها منه ب 4000 جنيه

بالعكس والله المروان انا روحت اجيب منه عربية لاقيت عدادها ملعوب فيه ( 2009 موكا ) وقالولي انها مش رشة لاقيتها متنيلة رشة ( لكن هوندا كلوب ) حاجة تانية خالص فعلا دة كفاية انه بيدي ضمان 6 شهور او 25 الف كيلو متر وبعدين انا روحت التوكيل قاللي معظم عربيات المروان بيبقي الكيلو متراج بتاعها ملعوب فيه

اختصر الوقت وانزل السوق الجمعة القادمة
كل المعارض والافراد العاديين معظمهم بقى ينزل السوق تانى زى زمان
لانه الاسرع فى البيع والتسجيل الوقتى بالشهر العقارى اللى
داخل سوق السيارات
وبالنسبة للكشف بتاخد العربية اى محطة بنزين جنب السوق او مركز خدمة وتطمن