عاوز أجيب هوندا 2009 أو 2010 حد يساعدنى و يرشحلى واحدة كويسة

**mhoreya** · 11-10-2013 11:47 PM

طيب منا أجيب عربية بسعر معقول مثلا نقول 120 الف .. و اكشف عليها فى التوكيل و أطمن انها كويسة .. يبقا احسنلى ملين مرة بدل ما أجيب واحده lxi ب 140 أجيب واحده vti بنفس السعر و أبقا انا كسبان مكسب السنين

**foxhonda2008** · 12-10-2013 05:53 AM

معايا 2008

**mhoreya** · 12-10-2013 09:41 PM

ﻻﻻﻻ يا بووب انا بدور على 2009 او 2010 بلاش 2008

**mhoreya** · 14-10-2013 08:27 PM

uppppp

**ashraf adel** · 14-10-2013 09:44 PM

السيفك عربية ممتازة بس فى مصر ما اعتقدش انها مناسبة لمصر لانها واطيه كثير انا كانت معايا سيفك 2008 وكنت باعانى منها من العيب ده بس أداء وعزم وثبات على الطريق فوق الممتاز

**الشقنقيرى** · 17-10-2013 08:19 AM

ربنا يكرمك وتلاقى طلبك بس حتتعب حبتين زى ما انا تعبت لحد ماتلاقى حاجه سليمه

**mhoreya** · 19-10-2013 08:15 PM

المشاركة الأصلية كتبت بواسطة ashraf adel

السيفك عربية ممتازة بس فى مصر ما اعتقدش انها مناسبة لمصر لانها واطيه كثير انا كانت معايا سيفك 2008 وكنت باعانى منها من العيب ده بس أداء وعزم وثبات على الطريق فوق الممتاز

معتقدش ان ال 2009 و ال 2010 واطية للدرجة .. ارتفاعها انا شايفو مناسب جدا ده غير انها ثابتة جدا و ده مطلووووب اوى

المشاركة الأصلية كتبت بواسطة الشقنقيرى

ربنا يكرمك وتلاقى طلبك بس حتتعب حبتين زى ما انا تعبت لحد ماتلاقى حاجه سليمه

لقيت والله عربيات كويسة بس بحس ان اصحابها بيغنو فى السعر .. ده غير انى محتار اجيب ال اكس اى فبريكة ولا اجيب فى تى اى راشة نضافة !!!!!

**VEDO DIDO** · 05-03-2014 01:58 PM

على فكرة انا كنت بدور على هوندا سيفيك 2009 او 2010 تكون بحالة كويسة رحت اتفرجت عند المروان كار لاقيت عربية 2009 لون موكا عاملة 70 الف كم كاننت 120 الف جنية قالللي انها رشة اكصدامين ورفرف اديته عربون ورحت اكشف على العربية في التوكيل واليكم ما وجدته :
1 - العداد كان 70 الف كيلو فوجئت ان اخر صيانة داخلاها 120 الف كم من 8 شهور يعني المفروض تكون عاملة كام دلوقتي ؟؟؟؟؟؟؟؟
2- الرش ( لاقيت العربية رشة بالكامل من برة عدا السقف وواخدة خبطة من قدام ومغيرة الفوانيس الامامية مش اصلي ولا الاكصدام
3 - لاقيتها عايزة حاجات في العفشة وعايزة علبة دريكسيون ( علبة الدريكسيون لوحدها ب 7 الاف جنيه ) تخيلوا الباقي بكااااااااااااااااام ؟؟؟؟؟؟؟
4- المهم مرضتش ادفع التقرير لانه مكنش صريح معايا من الاول لاقيتو عمل معايا مشكلة وقاللي عجبالك خدها مش عجباك سبها المهم دفعت الفلوس زي الباشا ومشيت
وبعد كدة رحت معرض تاني اسمة اوتو ميدو في شارع النزهه عجبتني عربية بس مرضيش يرفع في التوكيل اصلا ( جاب من الاخر )
بعد كدة لاقيت اعلان على كونتاكت معرض اسمة honda club في عمارات الشركة السعودية جنب سيتي ستارز لاقيتة عامل اعلان عن اكتر من 5 عربيات روحت العربيات كويسة جدا وحالتها كويسة اي نعم كان في حاجات مرشوشة بس قالللي عليها وبعدين قاللي انه قبل مايشتري بيكشف في التوكيل وانا لو هشتري هيسلمني هناك في التوكيل ولو العربية طلع فيها حاجة غير اللي هو قال عليها هيدفع هو حق الكشف المهم روحت كشف عليها طلع زي ما هو قال بالضبط بس لاقيتها عايزة جلب مقصات وبطاحات وقاللي هعملهالك فبل ماتستلم او يخصم حقهم المهم عاملهم واداني العربية وفوجئت انه اداني ورقة ضمان مختومة 6 اشهر او 25 الف كيلو متر على السيارة بالكامل مشيت بالعربية وكانت تحفة بجد بعد فترة لاقيتة بيكلمني بيقولللي لو عايز تغيير العربية وتاخد حاجة vti المهم روحت بصيت لاقيت عربية هاي لاين حلوة اوي بس المرة دي مرفعتش خالص لانه عرفتو وخد عربيتي باكتر ماخدتها منه ب 4000 جنيه

**VEDO DIDO** · 05-03-2014 02:03 PM

المروان كار بجوار قسم النزهةة مصر الجديدة
honda club عمارات الشركة السعودية بجوار سيتي ستارز وكان ليهم رقم معايا 01064040047

**VEDO DIDO** · 05-03-2014 02:26 PM

بالعكس والله المروان انا روحت اجيب منه عربية لاقيت عدادها ملعوب فيه ( 2009 موكا ) وقالولي انها مش رشة لاقيتها متنيلة رشة ( لكن هوندا كلوب ) حاجة تانية خالص فعلا دة كفاية انه بيدي ضمان 6 شهور او 25 الف كيلو متر وبعدين انا روحت التوكيل قاللي معظم عربيات المروان بيبقي الكيلو متراج بتاعها ملعوب فيه