زيوت ليكوي مولي اختفت ليه ؟؟؟

**Karim_Monir** · 08-10-2013 12:42 PM

الصح فعلا 5-30 وده مش هاتلاقية غير في وولف
علي فكرة مش مكلة انك تغير نوع الزيت
وولف مع شركة بتبني براند مش جايبة شوية زيت ترميهم وتجري
ولو عرفت حاطييين كام مليون في التوكيل هاتعرف انهم مش هايسيبوة :-)

طيب ابعتلي عالخاص عشان عايزك في حاجة هاظبطهالك كدة محاولة
او كلمني لو تعرف تليفوني

**muhmado_furp** · 18-11-2013 12:26 AM

المشاركة الأصلية كتبت بواسطة michohat

برضه معرفش ليه الوكيل (الزقازيق ) اللي كان ف الشارع عندي غير اليافطه وحط نوع تاني
الزيت كنت بستخدمه ايام ال 131 كان كويس معايا وكنت بشجع اصحابي ع استخدامه
دلوقت لما حسيت انه خف من السوق بدئت اخاف اني اروح لاي زيت مستورد لان مفيش ضمان انه هيكون مستمر ومتواجد خصوصا واني لاحظت ان بقى فيه تعدد للزيوت المستورده وبقى في السوق اكتر من 5 انواع وماركات من الزيوت المستورده

في وكيل تاني في الزقازيق عنده زيوت ليكوي مولي وكل الاضافات وكمان عنده منتجات ماكس باور
من شهرين كده جيبت من عنده السيراتيك
لو حضرتك محتاج العنوان قولي ابعتهولك علي الخاص
او حضرتك تدخل علي صفحة ليكوي مولي علي الفيس وتطلب منهم وكيل الزقازيق الجديد

**lanos2004** · 18-11-2013 11:12 AM

المشاركة الأصلية كتبت بواسطة marco49210

يا جماعة لكوى مولى سحبت العلامة التجارية من مصر ولكن انتاجها اصبح بعلامة تجارية تانية و بنفس المواصفات والجودة كمان و الجديدة اسمها Meguin ومن نفس شركة لكوى مولى و مجرب و بجد زيت جيد جدا و فى تكنولوجيا HC و كمان موصفات جودتة SN وSM و موجود عند كتير من الموزعين المعتمدين فى شارع دمشق و الجركن 4 لتر 10000 كم ب 250 جنية تخليقى بالكامل وخلىّ ماتور العربية بجد Silent
والسحب مفاجئة واسمه
: Megol Motorenoel Ultra Performance Longlife SAE 5W-40

و خلىّ بالكم الجراكن شبه بعضها

http://www.meguin.de

http://www.meguin.de/meguin/produktdb.nsf

الكلام دة سليم

**michohat** · 18-11-2013 11:29 AM

يعني الشركه انتهت؟ ولا فيه علاقات بين الشركات بحيث مثلا شركه صديقة او شركة مساهمه في شركة والكلام ده

**khaledshaheen** · 23-11-2013 02:42 PM

جربوا زيت بيزول الأخضر من عند أسامه عبدالنبى أنا جربته قبلكم من شهر يوليو الماضى بعد شيل التخليقى وبرضه حسيت بفرق كبير مع إنه من تخليقى إلى تخليقى بس بصراحه صوت الموتور أهدأ بكتير من الجرار اللى كنت راكبه مع ان عربيتى نيسان صنى 2008 يعنى موتورها لسه جديد وعشان صوت الموتور قررت أغير من شيل لحاجة تانية وكا الإستقرار على بيزول للتجربة وإلى الآن والزيت معايا بقاله 7000 كيلو زى الفل ونفس إحساس صوت الموتور إنه هادى خصوصا عند التدوير الصباحى والسحب أحسن شل بكتير حتى وأنا مشغل التكييف فى عز الصيف أما على الطريق الكوالى فى السفر العربية ماشاء الله بتجيب وبتسحب بسهولة بس صوت الموتور بيعلى شوية بس مابتقولش لأ وجرب من عندهم برضه منظف الإنجيكشن فعلا فرق برضه أنا عن نفسى مرتاح وراضى عن هذا التغيير ماعرفش إذا فيه أحسن ولا لأ أنا لسه أمامى 5000 كيلو لأنه زيت 12000 بس مش ناوى أقعد المده كلها