لمبة زينون كورولا 2010 اتحرقت

**Abdelmoneem** · 07-10-2013 01:29 AM

السلام عليكم،،

لمبة الزينون اللي في الفانوس اليمين عندي اتحرقت، هي نازلة في العربية أصلا مش مركبها، وعايز أعرف أغيرها في التوكيل؟ وهتعمل كام؟ ولا فيه مكان ممكن أشتري منه اللمبة (أصلي) وأغيرها برة التوكيل؟ وعايز أعرف أطلع كود اللمبة أزاي عشان أجيب زيها؟

**MuhamedNabil** · 07-10-2013 02:34 AM

بص فى الكتالوج الاول بتاع العربية
اللمبة عند d2r او d4r نوعها ياما فيليبس او هاريسون او كويتو . الهاريسون ممكن تلاقيعا عند بتوع التويوتا و الفيليبس فى توكيل فيليبس اسال عليها اعتقد حتلاقيها.
الاسعار مش حقدر افتلاك فى الهاريسون بس الفيليبس ممكن فى حدود 300-350 لو d2r و لو d4r ممكن 400-450
كده.
التوكيل اعتقد اغلى من كده بكتير
اتاكد ان اللمبة فعلا هى الاتحرقت مش الجهاز البيشغلها و مش فيوز
لما تركب لمباة جديدة حتلاقى اختلاف فى اللمون شوية بينها و بين المستعمله فى العربية ده طبيعى الجديدة حتكون مصفرة شوية عن التانية.
لو لقيت اللمبات سعرها مبالغ فيه فى التوكيل , اشترى اتنين فيليبس و خلى الشغاله عندك احتياطى.
و خلى بالك عشان السوق فى مضروب كتير . طبق الاصل من الاصلى

**Abdelmoneem** · 29-10-2013 12:35 PM

أنا معييش كتالوج العربية، بس جربت الموقع ده واداني رقم القطعة بس، ومش فاهم حاجة من الرقم

ToyoDIY.com

**MuhamedNabil** · 30-10-2013 06:00 PM

من المكتوب فى اللينك اللمبة 35W 43V دى كده تبقى D4S , اتصل يتوكيل فيليبس و اسال عندهم لمبات D4S 42402
http://ecx.images-amazon.com/images/...500_AA300_.jpg

, برده لو بصيت على الكشاف بتاع العربية اوقات كتير بيكون مكتوب عليه من الخلف مقاس اللمبات

**amz2011** · 31-10-2013 11:44 PM

متابع

**m.farouk** · 01-11-2013 12:07 AM

محل المدينة فى شارع دمشق موجوده عندوا انشاء الله

**Abdelmoneem** · 01-11-2013 07:34 PM

ألف شكر يا جماعة، رحت محل المدينة بتاع الحج مصطفى في شارع دمشق، وجبت اللمبة الأصلية زي اللي راكبة
philips d4r 42406، وحسبهالي بـ 800 جنيه، وقال لي إنه عنده أوسرام بـ 650 جنيه، بس رسيت على الفيليبس. اللمبة زي اللي في الصورة بالظبط وزي اللي طالعة من العربية.

@MuhamedNabil

اتكلمت معاه في السعر، قال لي إنه هو توكيل فيليبس ومرضيش ينزل، وإن اللمبة اللي بـ 450 جنيه دي الصيني، هل السعر كده مظبوط ولا ايه؟

**MuhamedNabil** · 01-11-2013 09:37 PM

مبروك عليك

محل المدينة من الموزعين المعتمدين فيليبس و اوسرام . و هو من تعاملى معاه مش بتاع حركات لف و دوران و راجل محترم
اللمبة سعرها اونلاين ارخص بس من الواضح ان الحجات دى هنا عشان مفيش عليها طلب كتير و تعتبر تكنلوجيا جديدة نوعا ما ممكن يكون ده سبب السعر العالى
و الاوسرام برده لمبة كويسة جدا مش حتقل عن الفيليبس فى الكفاءة باى حال من الاحوال.

هيا كده ارخص من التوكيل ولا اغلى!

**Abdelmoneem** · 02-11-2013 01:14 AM

المشاركة الأصلية كتبت بواسطة muhamednabil

مبروك عليك

محل المدينة من الموزعين المعتمدين فيليبس و اوسرام . و هو من تعاملى معاه مش بتاع حركات لف و دوران و راجل محترم
اللمبة سعرها اونلاين ارخص بس من الواضح ان الحجات دى هنا عشان مفيش عليها طلب كتير و تعتبر تكنلوجيا جديدة نوعا ما ممكن يكون ده سبب السعر العالى
و الاوسرام برده لمبة كويسة جدا مش حتقل عن الفيليبس فى الكفاءة باى حال من الاحوال.

هيا كده ارخص من التوكيل ولا اغلى!

ألف شكر، لا أكيد أرخص من التوكيل!