لا أحب أؤثر على آراء الآخرين و لكن سأذكر تجربتى اليوم
النهارده بعد المغرب رحت معرض من المعارض كان فيه امجراند و انا رايحو حافظ كل عيوبها لان بقالى اسبوع بقرأ عنها فى كل مكان على الانترنت
المهم اكتر عيب كان يشغلنى هو موضوع الفيتيس
جربت الفيتيس اكتر من مره و العربيه واقفه و مش دايره على كل النقلات اول تانى لغايه الخامس اكتر من مره و لمده تصل الى 5 دقائق تقريبا و كل شويه اسيب ديبرياج و اسيب او افضل دايس و اقلب الغيارات
الفيتيس بيعض كتير جدا جدا جدا و ساعات بينقل عادى من غير عضه و العضه اكتر بتكون على التالت
نزلت من الايمجراند جربت بعدها كذا ماركه تانيه حتى الفيرنا مالاقيتش العضه دى
كمان لاقيت كرسى السائق عالى و حاولت اوطيه بالبكره الجانبيه اللى هى رديئه جدا من وجهه نظرى و برضه لسه عالى و يمكن يكون البكره فيها مشكله
اللى ضايقنى جدا الكرسى فعلا ناشف و مش مريح .. حاجه زفت تدفع مبلغ زى ده و تركب سياره الكرسى بتاعها مش مريح و مش عارف بعد فتره باه هيطرى و الا ايه
المهم بعد الحاجتين دول و دراسه السياره بعين المشترى
صرفت نظر عنها بنسبه 95 %
فكرت فى الأفيو ركبتها و عجبنى الصالون بتاعها اريح من امجراند انما روحت قرأت عنها مشكلات كرهتنى فيها برغم انها فئه أعلا من امجراند
و فى طريقى ان شاء الله لدراسه الإنفى و الساجا الأوتوماتيك و البى واى دى اوتوماتيك و ربنا يوفقنى و على فكره مصلى استخاره خاصه لكل سياره عشان كدا مطمئن تماما و متاكد بأننى ما دمت استخرت صاحب المقادير فلن يخيب رجائى فى الحصول على أفضل سياره فى الفئه السعريه
و شكرا
المفضلات