محتاج مساعده BYD G3 ام emgrand ec7

**ahmed 3llam** · 07-10-2013 05:51 PM

السلام عليكم ورحمة الله وبركاته
.

اخوكم مقبل على شراء سياره لاول مره ومحتاج مساعده من حضراتكم ..
.

بعد ما قرأت كتير فالمنتدي هنا تقريبا اسبوعين بقرأ عن السيارات .. احترت جدا وتهت ومبقيتش عارف اخد قرار اجيب ايه ؟!!!
.

و علشان ماطولش علي حضراتكم فانا فالاخر اقتنعت اقتناع تام بــ BYD G3 حتي مع شكوي الناس المتكرره من وكيل الامل .. خصوصا ان انا عاوز حاجه فى سعرها كده ..
.

الكلام ده لحد الصبح كده , نصحني احد اعضاء المنتدي الكرام بسيارة emgrand c7 اللى هي بنفس السعر تقريبا وتوكيل غبور ..
.

وبعد ما بحثت عنها وشوفتها وشوفت مميزاتها وعيوبها احترت جدا بين الاتنين . ولقيت موضوعات لاعضاء غيري احتاروا نفس الحيره , لكن كان بين F3 وال emgrand ..
.

انا بفضل ال BYD G3 لانها تقفيل صيني وصالونها اوسع واحلي , وبفضل ال EMGRAND لان توكيلها افضل واسرع فالانتشار
.

فالاخر ماوصلتش لحل . وبجد احترت جدا . واتمني من حضراتكم تفيدوني . ولكم جزيل الشكر
.
.
.

**ايهاب فهمي** · 07-10-2013 07:32 PM

مع انني لسة من يومين استلمت byd f3 اوتوماتيك و لكن ان كنت ناوي تشتري مانيوال فا انا افضل ايمجراند لانها بجد تحفة في الشكل و الوسع .

**momadine** · 07-10-2013 08:20 PM

ايمجراند عشان الأمان و هى معايا من 5 شهور و 10 ألاف كيلو لو عايز تعرف أى حاجة عنها ابعتلى على Viemhz@yahoo.com

عشان مش بدخل هنا كتير

**ahmed 3llam** · 07-10-2013 08:30 PM

الاخ / ايهاب فهمي ... شكرا لرد حضرتك .. لكن انا قصدت byd g3 ,, وليس f3 :)

**M I D O** · 07-10-2013 08:57 PM

لو هتقارن بين دول بس يبقي الامجراند لان الجي 3 فشلت في مصر جدااااااااا وعمري ما شفتها في الشارع لاكن لو الاف 3 تبقي افضل حاليا بسبب وجود مشاكل بالامجراند

**bassem.naguib** · 08-10-2013 12:23 AM

تأكد تماماً .. وحط تحت تماماً دي مليون خط .. أنك صاحب القرار الوحيد مع كامل أحترامي لأي شخص سواء في المنتدى أو بره المنتدى ينصحك بسيارة معينة .

قرار شراء السيارة بيكون وفقاً لاحتياجاتك اللي بتحددها .. بمعنى أفكر مع نفسي بصوت عالي أنا عاوز أيه من العربية ... عاوز كذا وكذا وكذا .. طب اللي أنا عاوزه ده أي عربية بتقابله .. مع الوضع في الاعتبار طبعاً القدرة الشرائية .. وافتكر دائماً أن مفيش عربية كاملة من مجاميعه .. فالكمال لله وحده .

وقبل عملية الشراء .. بتكون الاستخارة .. وربنا أكيد حيهديك للأفضل .

الأمور يا جماعة بتختلف نسبياً من فرد للتاني .. بمعنى اللي يعجبني ممكن ميعجبش ولا يناسب عضو تاني وكذلك ممكن يكون أعلى من متطلبات عضو آخر .. صاحب القرار هو اللي حيشتري ويركب بعد ما يوزن الأمور بعقلة بما يناسبه ويسأل ويقرأ عن مميزات وعيوب كل عربية .. وأيه العيوب اللي ممكن أتعايش معاها أو أتقبلها .. لأن العربية لو فيها عيوب الدنيا وأنا متقبلها حتكون الأمور على ما يرام .. بعكس لو راكب عربية زي الفل بس مش طايقها ولو الكاوتش نام مني في الطريق حقعد أسب وألعن اليوم اللي اشتريتها فيه .

وبالتوفيق إن شاء الله في اتخاذ القرار .. ومبروك مقدماً .

**cobrahi** · 09-10-2013 05:56 PM

المشاركة الأصلية كتبت بواسطة ahmed 3llam

والله يا جماعه انا محتاج عربيه للاستعمال الخفيف جدا يعني ممكن ماتمشيش فاليوم الواحد اكتر من 15 كيلو ومش كل ايام الاسبوع ... وسفر طويل مره كل شهر مثلا
بس تكون فيها كماليات كويسه وبسعر مناسب .. وماتكونش فيرنا ولانوس الحاجات دي
.
وبجد الـ byd g3 والـ emegrand c7 داخلين دماغي ...
وبسبب ان الاولى مش منتشره ومفيش امل تنتشر فبدأت اميل للتانيه

و الله اقولك الى انا شايفه بجد و بكل امانه و الله ان السيارة الوحيدة الى مافيها عيوب لحد دلوقتى و شغاله شغل طحن و ممتازة ف الوسع و قطع الغيار و محترمه و شكلها حلو كمان و اوبشن هى byd f3 سواء 2013 او 2014 دة لماتبعتى للمنتدى و لملاك السيارات فيه .. ع فكرة انا لا امتلك هذة السيارة
اميجراند فيها مشاكل و عيوب كتير لما لاحظته من ملاك هذة السيارة ف كل المنتديات و اهمها وير الفتيس و الكتييف الى بيفصل كل 20 ثانيه دول بس ف حد ذاتهم مشكله لانهم من اساسيات اى عربيه الواحد بيهتم فيهم جدا جدا .. انصحك تبعد عن غبور
و انت و اختيارك .. و استخيرك ربنا قبل اى شئ

**ahmed 3llam** · 09-10-2013 10:20 PM

ان شاء الله تعالى
وادينا بنستشير وان شاء الله نسخير :)

الموضوع: محتاج مساعده BYD G3 ام emgrand ec7

LinkBack

أدوات الموضوع

عرض

محتاج مساعده BYD G3 ام emgrand ec7 - انشر الموضوع فى :

-

-

المواضيع المتشابهه

مساعده فى 127 من فضلكم محتاج مساعده

محتاج مساعده

محتاج مساعده هجيب ام فورتى مو 91 محتاج مساعده

محتاج مساعده

محتاج مساعده

الكلمات الدلالية لهذا الموضوع

المفضلات

المفضلات

ضوابط المشاركة