أنتركم صوتى

**salodas** · 07-10-2013 11:18 PM

السلام عليكم
محتاج انتركم صوتى (خدمة شاقة) ويكون السماعة تشمل زرارين واحد يفتح بوابة العمارة وواحد يتصل على البواب ( يا ريت لما أكلم البواب محدش من باقى السكان يسمعنى لو رفع سماعته.

شكرا مقدما

**salodas** · 08-10-2013 09:11 AM

هل من مجيب

**Mohamed_Hamid** · 08-10-2013 09:25 AM

انا هقولك على حاجة احسن من كدة. انت وسكان العمارة كل شقة تدفع مبلغ وتجيبوا نظام انتركم مزود بكاميرا. اللى جاى لحضرتك بيقف ادام الانتركم تحت وبيدوس الزرار فبتظهر الصورة عندك على التليفون لأنه مزود بشاشة للرؤية. اعرف ناس عاملين النظام ده وكل شقة اتكلفت حوالى 1500 جنيه بس هو فعلا ممتاز.

**Eng_hatemfathy** · 08-10-2013 09:47 AM

انا لسه مركب نظام 10 زراير اورمت ايطالى وده محترم جدا وجبت معاه 11 سماعة علشان واحدة للبواب وجبت دفاش للباب الحديد شيزا وكالون ايطالى شيزا برفاص ولسان كهربا يعنى لو قافل اللسان سكتين وحد داس على الزرار يفتح الترباس كمان والسلك At&T ,والسويدى وبالتركيب كلف حوالى 4020 يعنى الشقة 400 جنيه
انا جبته بالقطعة وبالمتر واتحاسبت على التركيب برضه بالقطعه وجبت حداد للكالون والدفاش بعيد عن الشلركة الموردة
لو هتلغى الدفاش هتوفر بتاع 745(تمنه 575 جنيه وتركيبه 170 جنيه)جنيه والكالون العادى اللى بيركب فى الضلفة الثابتة هيوفرلك بتاع 200 جنيه او 250 جنيه(تمنه 150 بدل 350 الشيزا وتركيبة سهل جدا فمش هيعمل 50 جنيه)
لو عايز اى تفاصيل فنية او مالية انا تحت امرك
بس الخلاصة يا اما فارفيزا يا اما اورمت وابعد عن الصينى والتركى والكلام الفاضى ده علشان تشترى دماغك وموضوع الكاميرا ده مكلف جدا لان سعر الوحدة الداخلية بينط من 75 جنيه الى 700 جنيه وسعر الوحدة الخارجية بينط من 700 جنيه الى حوالى 2000 على ما اذكر وبصراحة انا شايف انه مش عملى -مجرد وجهة نظر