Dvd + gps لتويوتا كورولا 2013 مع كاميرا خلفيه

**mostafa magdy** · 08-10-2013 12:13 AM

الحمد لله بفضل ربنا و كرمه عليا
ركبت جهاز دي في دي بلاير و جي بي إس للعربيه عند كلاريون المهندسين أحمد عرابي
الجهاز ما شاء الله تحفه
ثانيا هو معمول أصلا لتويوتا و كل عربيه ليها جهازها
ثالثا أمكانياته حلوه جدا ( بلوتوث + وصله يو إس بي + وصله أي بود + طبعا بالكامل تاتش تقريبا + الفيديوهات بجوده عاليه جدا ) دي الحاجات اللي فاكرها و اللي شفتها بنفسي و فرق كمان معايا كتير في الصوت نفسه ... مش عارف ليه الحقيقه ؟ و لا ده إحساس عشان أحلل الفلوس اللي دفعتها فيه
و كمان ركبت كاميرا خلفيه هو الحقيقه ملقاش بتاعت تويوتا و كان ممكن يركبلي أي كاميرا و انا مش هاخد بالي و لا هسأل
لكن هو خيرني قالي مفيش لتويوتا و بتاعت الالنترا هتنفع عندك نركبها ولا لأ و انا توكلت علي الله و ركبتها
الحمد لله حتي الرؤيه الليليه فيها مقبوله جدا

و بكره إن شاء الله هرفع لكم الصور بالكامل ... أتمني تستفيدوا من الموضوع و أي إستفسار أنا تحت أمركم
دمتم بخير

**mohammedgido** · 08-10-2013 12:24 AM

الف مبروك
بس مقلتلناش الاسعار وياريت صور ليهم

**mostafa magdy** · 08-10-2013 12:51 AM

معلش يا فندم من التعب بس \
هو قالي الدي في دي 2100 و ال كاميرا ب 150
لكني في الاخر و من نفسه قالي هنعمل خصم و دفعت كله 2100 من غير إكراميه الناس طبعا
و بصراجه انا كنت رايح علي أساس إنه في زميل في المنتدي قالي إنه راح نفس المكان و دفع 2450 بس يمكن جهاز تاني لأنه كل عربيه ليها جهازها
الصور بكره بإذن الله

**mostafa magdy** · 08-10-2013 12:58 AM

و جربت ال gps اللي فيه كويس و سهل التعامل معاه
و زي أي جهاز ملاحي هو بيحدد لك الوقت و المسافه و زمن الوصول للمكان اللي إنت حددته هيكون الساعه كام
في أوبشن بيقولي تابع الزحمه لكني مستعملتوش ... لو فعلا بيتابع كمان الزحمه يبقي برنس
تقيممي للجهاز حتي الان 100 100 بفضل الله و جاري التعرف علي باقي مميزاته و رفع الصوررر
دعواتكم ...
دمتم بخير

**saddam** · 08-10-2013 01:23 AM

صديقي المواطن
بالتوفيق والصرف على السيارة هو.الوحيد الذي يجلب سعادة فورية وفخر لمستخدمها ومتعة أنا لما نفسيتي تتعب أنزل محلات الكماليات أو التوفيقية وأروح أموت 500 أو 600 جنيه على حسب وممكن توصل ألافات وده حسب سوء الحالة النفسية
ودمتم للنضال

**mostafa magdy** · 08-10-2013 01:56 AM

المشاركة الأصلية كتبت بواسطة saddam

صديقي المواطن
بالتوفيق والصرف على السيارة هو.الوحيد الذي يجلب سعادة فورية وفخر لمستخدمها ومتعة أنا لما نفسيتي تتعب أنزل محلات الكماليات أو التوفيقية وأروح أموت 500 أو 600 جنيه على حسب وممكن توصل ألافات وده حسب سوء الحالة النفسية
ودمتم للنضال

هذا ما شعرت به اليوم يا صديقي العزيز ...
دمت للنضال :d

**Haitham Basha** · 08-10-2013 09:58 AM

بسم الله ما شاء الله ... يا باشا ألف مليون مبروك على الطقم الجديد بصراحة مفيش حاجة بتحسسني إني مبسوط أد الإهتمام بالعربية مهما كان نوعو حتى لو هفضي جيبي ههههههههههه بحس إنها أهم مني ههههههههههه ...

**akmm** · 08-10-2013 10:48 AM

مبروك الجهاز الجديد وفى انتظار الصور .

**mostafa magdy** · 08-10-2013 11:10 AM

ربنا يكرمكم جميعا و تتبسطوا بعربياتكم و حياتكم كلها
الصور إن شا ءالله أول ما أرجع من الشغل هعمل review كامل عن الجهاز من وجهه نظري أنا المتواضعه

و دمتم بخير

**mostafa magdy** · 08-10-2013 08:25 PM

هو ممكن يا جماعه بعد إذنكم حد يقولي أرفع الصور إزاي
و يا ريت لو بالتفصيل الممل لأني لسه جديد و دمتم بخير

الموضوع: Dvd + gps لتويوتا كورولا 2013 مع كاميرا خلفيه

LinkBack

أدوات الموضوع

عرض

-

-

-

المواضيع المتشابهه

كاميرا خلفيه واماميه لكورولا 2012

تركيب اكسسوارات لتويوتا كورولا 2013

تركيب كاميرا خلفيه لكيا سيراتو

بالفيدو والصور اختبارات التصادم لتويوتا كورولا 2013 خمس نجوم ★★★★★

بايونير بشاشه dvd +كاميرا خلفيه

الكلمات الدلالية لهذا الموضوع

المفضلات

المفضلات

ضوابط المشاركة