دعوة لتعليم المبتدئين

**uhlphp** · 11-09-2008 12:43 AM

السادة الأعضاء الكرام تحية طيبة وكل عام وانتم بخير
أنا استفدت كثيراً من الموضوعات في هذا المنتدى وخاصة قسم الورشة ولكن أنا بفكر في حاجة في رأى أنها كان لازم تكون موجودة في المنتدى وهى أن أنا ممكن اشتكى من حاجة في السيارة وحد يرد عليا بالأسباب وممكن يكون كذا سبب ولكن في بعض الحاجات ليس لها أسباب متعددة ولكن ليس لدى دراية بطريقة بإصلاحها لأنه لا يوجد موضوع مختص بشرح كيفية تغيير هذا الأشياء .
على سبيل المثال لو أن سلك الدبرياج أتقطع أزاي اقدر اركب واحد تانى .
ولذالك اقترح أن كل من لدية خبرة في تنفيذ بعض الإصلاحات ( فك وتركيب الجزاء المطلوب تغييره ) أن يضع لها جزء داخل الموضوع بحيث أن العضو اللي بيشتكى من حاجة عاوز يعملها يبقى عارف ممكن تتعمل ازاى ويرحم نفسه من الميكانيكية واراهم المختلفة التي تكون أحيانا كثيرة غير صحيحة .
ولكم جزيل الشكر على مساهمتكم في مساعدة جميع الأعضاء

**uhlphp** · 14-09-2008 10:54 PM

هو انا طلبت حاجة غريبة ولا ايه

ده منتدى الورشة والاعضاء بتسال على مشكلة فى السيارة وحد بيرد على المشكلة بتحديد سبب واعتقد انه كون انه يعلم السبب هيقدر يقولنا كمان ممكن نحاول نصلحها ازاى وانا اعرف ان هناك كثيرون من السادة الاعضاء لديهم خبرة فى فك وتركيب كثير من الاشياء فى السيارة .

**dream_man1110** · 14-09-2008 11:56 PM

الدرس الاول :
و ده انا هعمله شخصيا
هنزل سوق الجمعه اجيب طقم عده كامل جميع المفاتيح و هجيب القديم المصدى مش هجيب الجديد لان الجديد اكيد هيتكسر و القديم يبقى معدنه افضل
هجيب ان شاء الله من اول مفتاح 5 لحد 22 و من اول 5 لحد 18 من كل مفتاح اتنين علشان نبتدى مع بعض الدروس يبقى كل واحد معاه ادواته
علشان مش اروح لحد و اقوله انا مفتاح 12 اتقصف و النبى ادينى مفتاحك :d
و يا ريت الناس تقولنا نجيب ايه تانى . اه هجيب زومبه 21 للبوجيهات
و زراديه و قصافه و مقلمه احط فيها العده و نبتدى سواء الدورس

**mkhalifa73** · 15-09-2008 12:42 PM

ممكن تجيب بيبه 13
وقشارة سلك
وشريط لحام

**dream_man1110** · 15-09-2008 08:29 PM

لا مش هحتاج قشارة سلك بحب اقشره بالبنسه

**jamalbbmb** · 16-10-2008 12:19 AM

انا عندي مشكله في سياره كيا موديل 95 اسبورتاج عندما توصل درجه حراره التشغيل تبدا السياره باالارتعاش والموتور يروح ويجي مش عرف كيف

**michohat** · 16-10-2008 01:04 AM

كنت عرضت اقتراح فى قسم الاقتراحات وفي انه يبقى فيه قسم زى الارشيف فيه الدروس والتعليمات المهمه اللى بتفيد اى سائق سيارة
وده لنك للاقتراح
http://www.nilemotors.net/Nile/showthread.php?t=42172