الحمد لله استلمت ايمجراند 2014

**waleedrahmy** · 12-10-2013 10:48 PM

المشاركة الأصلية كتبت بواسطة m i d o

انا رحت اتفرجت علي النيو تيجو من 4 ايام و العربية جميلة جدا احسن من القديمة بمراحل وفعلا الكنبة الخلفية مش واسعة زي ال 516 وانا كنت قاعد فيها يادوب مستريح وخامات العربية جميلة جدا بس للاسف سعرها الي هيخليني مجبهاش 118 الف

نفس الكلام حصل معايا :)
هي الاول لما كانت ب 85 الف جم كان سعرها رائع وتنافسي
لكن 117 جم كثيرررررررررررررررررر

**M I D O** · 12-10-2013 10:48 PM

المشاركة الأصلية كتبت بواسطة meedoo69

لمعلوماتك يا باشا الايمجراند اخف من m11 ب 100 كجم
انا عملت بيها 600 كم لحد دلوقت كل يوم العربيه بتنعم عن اللى قبله بالنسبه للموتور و الفتيس
استجابه العربيه لكبس البنزين افضل من m11
الباور ناعم و مش خفيف يشبه الباور الكهربا
سير الكاتينه جنزير يعنى عمر اطول
السنسور بارك يعمل بكفاءه و مداه ممتاز
العيب الوحيد لحد دلوقتى دواسه البنزين عاليه شويه غير كده الحمد لله زى الفل
وحسب معلوماتى بوابه الانجكشن فى m11و ايمجراند كهربا
الهاند بريك تقيله ودى الحاجه الوحيده اللى تحسسك انها صينى و ممكن يكون عيب تقفيل بس تعمل بكفاءه
و اعتقد تتظبط فى صيانه 1000
لونسيت نور الشيوره منور بيقفل مع الريموت ممكن تستعملها كاوبشن follow me

الله يطمنك اصلي ناوي علي الامجراند وكل شوية اشوف ناس عندها مشاكل تخليني اخاف .. ربنا يحفظك من المشاكل

.. وانت شاريها من فرع غبور ولا من معرض

**M I D O** · 13-10-2013 09:01 PM

المشاركة الأصلية كتبت بواسطة meedoo69

توكل على الله العربيه مبدئيا زى الفل
شاريها من غبور المهندسين

الله يطمنك يا باشا بس دة برضو ميمنعش ان العربية فيها عيوب قابلت ناس كتير ربنا يحفظنا منها وهشتريها وانا ايدي علي قلبي وربنا يستر

**M I D O** · 22-10-2013 01:31 PM

المشاركة الأصلية كتبت بواسطة meedoo69

قدر الله و ما شاء فعل
اول مشكله مع العربيه بس من وجهه نظرى بسيطه و عرفتنى ان العربيه اصيله
ركنتها اربع ايام العيد و سافرت الغردقه
رجعت بادور الاحد الصبح رايح الشغل لفيت صوت تكتكه ومافيش مارش (حصل معايا نفس الموقف فى الالنترا السنه اللى فاتت
)بالخبره قولت بطاريه جبت وصله و دورت لقطت عل طول روحت ولفيت حوالى 70 كم ورجعت ونزلت تانى كله تمام
نزلت اصلى العشا ادور مافيييييش يبقى ودعت كده ودى اول نقطه فى اصاله العربيه ما عملتهاش معايا بره البيت
كلمت الاعطال على اساس ييجوا عند البيت (عملتها يوم الالنترا ماكنتش اعرف انها بطاريه جم دوروها ومشيوا بس مغيرتهاش) لسه ماعندهمش خدمه الطريق قالولى هاتها نكشف عليها
امبارح دورت بوصله وطلعت على هناك و دخلت ورغم ان من عندى لحد هناك حوالى 80 كم يعنى البطاريه المفروض لمااطفى وادور تانى تدور
مادارتش وانا فرحت عشان العيب يبقى قدامهم ودى تانى نقطه فى اصاله العربيه لو دارت ماكنوش هيعرفوا العيب فين وخاصه ان المؤشر اللى فى البطاريه مدى اخضر يعنى تمام
المهم غيروا البطاريه بواحده جديده و عملت صيانه 1000 بالمره لانى عملت 950 كم و لسه الحجز فى 16\11
وقلتلهم على لمبه stop بتنور فى نص مشوار الدواسه و ظبطوها و الهاند بريك تقيل و ريحوه شويه بس لسه تقيل
الاكتشاف الحلو ان العربيه فيها نور للنهار بجانب الفوجات بس هما فاصلينه ليه ماعرفش و قالولى نشغلهولك بس كنت مستعجل و قلت فى صيانه 5000
التقرير بعد 1000 العربيه نعمت جدا بس هى عايزه مشوار تفتيح موتور عل 160-170 عشان السحب يبقى اسرع من كده بس الصراحه الm11 اتقل منها عل الارض عشان الجنوط 16 و الكاوتش 55 و 100 كجم زياده فى الوزن و كمان الفرامل اشد
بس الايمجراند الموتور انعم بكتيير و الباور انعم ومالوش صوت زى m11 واوسع بفرق واضح
مافيش عربيه كامله من كله
طبعا اللى حصل ده مش عيب فى العربيه عشان منقولش صينى ده عيب فى المكونات المصرى وممكن نشتر ى بطاريه جديده و تقعد شهر وتسلم
بس رائى حتى الان صفقه رابحه الحمد لله

حصل خير يا باشا و مبروك الصيانة وكنت شغلت لمبة الداي لايت مش هتاخد 5 دقائق تحديث السوفت وير وبس عموما ملحوقة في صيانة ال 5000 ان شاء الله وربنا يحفظلك العربية

**meedoo69** · 23-10-2013 01:26 PM

المشاركة الأصلية كتبت بواسطة mk3

اتمنى تكون افتكرت توطى دواسه البنزين !

للاسف ما تنفعش تتوطى بس ظبطه الكرسى بتخليك مستريح اكتر

**رمضان شوقى** · 23-10-2013 10:58 PM

يعنة ايه ظبطة الكرسى تريح دواسة البنزين اشرحلى لأن دواسة البنزين مش مريحانى

**meedoo69** · 24-10-2013 05:00 PM

المشاركة الأصلية كتبت بواسطة رمضان شوقى

يعنة ايه ظبطة الكرسى تريح دواسة البنزين اشرحلى لأن دواسة البنزين مش مريحانى

يعنى الكرسى بيتظبط فى اربع اتجاهات بالكامل للامام او الخلف و الضهر بالكامل ثم ارتفاع المقعد فقط ثم ارتفاع الظهر فقط حضرتك بتظبط افضل وضع لحد ماتحس انك مستريح فى القياده

-

-

-

الموضوع: الحمد لله استلمت ايمجراند 2014

LinkBack

أدوات الموضوع

عرض

-

-

-

-

-

-

المواضيع المتشابهه

الحمد لله اخيرا استلمت byd 2014 a/t

الحمد لله استلمت كرولا 2014 النهاردة

ايمجراند 7 2014

الحمد لله ...... استلمت امبارح accent 2014

.... مقارنه بينجيلي ايمجراند 7 (emgrand7) واسبيرانزا انفى 2014 Speranza Envy

الكلمات الدلالية لهذا الموضوع

المفضلات

المفضلات

ضوابط المشاركة