ميجان 1 موديل 2000 تقريبا لا يوجد احد يتكلم عنها

**haytham_sebay** · 08-10-2013 06:08 PM

سلام عليكم
انا عضو جديد و دورت كتير على مواضيع عن الميجان 1 و مش لاقى خالص و انا لسه شارى العربيه من اسبوع و معرفش اى حاجه عنها و ارجوا ان حد يسعدنى فى اسعار قطع الغيار و منين اجيبها و اماكن الورش الكويسه فى التصليح و لو فى حد محدد يبقى كويس .. بالنسبه للعيوب اللى شوفتها فى العربيه هى ان الفتيس لما بدوس بنزين و اريح و ارجع ادوس تانى بلاقى الفتيس بيتحرك شويه بس مفيش اى نقلله بتنطر ولا فى سوط حشرجه فى النقل و الفتيس ناعم و كويس و فى ناس قالوا لى دى قاعدة فتيس و كمان الكوبلن الشمال بيطقطق و لما بركن العربيه شويه بلاقى شوية زيت صغيريين منقطين على الارض و السنتر يعمل جيدا مع الابواب اليمنى و لا يعمل مع الابواب اليسرى و الشنطه لا يتم فتحها الا عن طريق المفتاح ... برجاء ترشيح ميكانيكى ابن حلال و محترم و كهربائى يكون مثله علشان السنتر و كهربة المرايات و الصالون و شكرا...

**eng.salama93** · 08-10-2013 08:42 PM

و اي استفسار أخر انا تحت امرك

**medohai510** · 08-10-2013 09:38 PM

الميجان 2000 مع واحد صديقي
عربية محترمة جداً وهي التطور الطبيعي للكليو 1400 سي سي لكنها 1600 سي سي من ناحية الميكانيكا فالمويور واحد في التكنولوجيا والشكل
أما بالنسبة للعفشة والأكسسوارات فلها حاجتها الخاصة بها
مع العلم أنها ليلة العدد في مصر ومنها شكل موديل 1999 وشكل أحدث 2000 مختلف في الشبكة الأمامية وحلية الشنطة الخلفية
وبصراحة عربية ممتازة وحجمها كبير وشنطتها واسعة جداً وناعمة وثابتة تماماً علي الطريق

**haytham_sebay** · 08-10-2013 09:38 PM

شكرا استاذ سلامه

**haytham_sebay** · 08-10-2013 09:41 PM

شكرا استاذ ميدو

**MOSTAFA_37** · 11-10-2013 04:38 AM

انا معايا ميجان 2001 اتوماتيك عاملة 120 الف كيلو العربية ممتازة نعومة وسحب وثبات انا جبت بيها 170 ومشاء الله ثابتة عملتلها شوية صيانات
1-سير كاتينة 145ج
2-سير مجموعة 110 ج
3-بيض مقصات 65ج للوحدة
4-بارات داخلى وخارجى 130 للجنب الواحد
5- عدد 3 كاوتش شكمان 45ج
6- فلتر هواء 40ج
7-تيل فرامل 115ج اسبانى بس طلع زبالة (بيصفر)
8-بلية+شداد دينامو 310ج
9-قلب طرمبة بنزين 150ج
دة كل اللى عملتة خلال سنة دة طبعا غير تغيير الزيت هي بتاخد 4.75 لتر بالفلتر ولغيت دورة السخن فى التكييف
ملحوظة: ياريت تبعد عن قطع الغيار التركى خصوصا الرولمان بلى اللى بيركب علية سير المجموعة
ولو انت من شبرا هقولك على واحد شغال فى التوكيل وعندة الجهاز بتعها

**MOSTAFA_37** · 11-10-2013 04:59 AM

بالنسبة لمشكلة السنتر محتاجة كهربائى رينو ومتخليش اى حد يشتغلك فيها .
مشكلة الزيت تاخد العربية لبنزينة وتغسلها بالجاز من تحت كويس وتعمل بيها مشوار وبعد كدة روح على المكانيكى هيقولك السبب ويبوصلك بالمرة على قواعد الموتور والفتيس .
ياريت تعمل سيرفيس زيت كامل وسيور عشان تريح دماغك وخصوصا زيت الفتيس
وأى سؤال تحت امرك و انا معايا كتلوجاتها لو عايز منها حاجة
نسيت اقولك سعر الكوبلن الواحد 550ج

**abdelrahman 18** · 21-10-2013 02:10 AM

أنا عندى نفس المشكلة فى الفتيس هل عرفت سببها أية و لو صلحتة صلحتة فين
شكرا مقدما

**Dr.Taher** · 02-12-2013 04:09 PM

والله انا سعيد جدا ان أخيرا حد اتكلم على ميجان 1
انا اشتريتها من شهرين كده.مش بلاحظ مشكلة فى تنقيط الزيت لكن قريبا ظهرتلى رسالة عن نقص الزيت فعلا شيكت عليه لقيته ناقص اكتر من النص فغيرته لكن تقريبا مفيش تنقيط.
ايضا فيه ونّة مع دوسة الماتور مضايقانى مش عارف ممكن يكون السبب ايه؟
هى ثبات ما شاء الله رائع بس مشكلتها انى لو سافرت بيا قريبا من البلد لا اجد لها حد فاهمها نهائى.عملتها معايا مرتين كنت هحمّلها وأجيبه لكن ربنا لطف

**hmonir** · 15-01-2015 10:22 PM

من فضلكم العربية عند الميكانيكى المفروض بنغيرلها الفتيس داخلة ف شهر و كل ما نجرب نلاقي نفس المشكلة واحيانا متدورش خالص ، هو طبيعى ان الميكانيكى ياخد الفترة دى كلها ؟ و الفتيس بيكون من غير عصايته فعلا ؟ وممكن حد يقولى ميكانيكى متجرب اتعامل معاه ، والاحسن انزل بورسعيد اجيب الفتيس من هناك ولا الميكانيكى يجيب فتيس و يركبه بمعرفته ؟ هى اوتوماتيك