لجنة فحص كلية هندسة - جامعة عين شمس

**islam.afifi** · 08-10-2013 06:23 PM

استكمالا لموضوع زيارة مقر حماية المستهلك , احب اسرد القصة كاملة :
في البداية حماية المستهلك عقد لجنه فيها المستشار أحمد بركات مسؤل عن قسم السيارات بالإجتماع مع الشاكي "أنا " و ممثل من عز العرب متمثل في أ. آمر الكوافي - قسم بروتون في مقر حماية المستهلك , 96 ش أحمد عرابي قبل عمر افندي من شارع السودان " للي مش عارف العنوان " , طبعا حكيت القصة و اللي عمله التوكيل و تم تحديد ميعاد لإرسال العربية للتوكيل عشان تتصلح خلال 48 ساعة و بعد كدا تتعرض على لجنة الفحص الفني في قسم السيارات كلية هندسة جامعة عين شمس الموافق الخميس 26 سبتمبر .
و بالفعل اتجهت لكلية هندسة من بدري 9 صباحا و طبعا التوكيل وصل على 11:30 صباحا , و اخطرونا ان تم تحديث السوفت وير " حافظين مش فاهمين " و ان المشكلة اتحلت , طبعا انا عارف انها لسه .
المهم تم الإجتماع مع د. إبراهيم عمران رئيس لجنة الفحص و دكتور في الكلية , طبعا الكلام اللي هقوله عن ذوقه و احترامه و انه فاهم قليل على اللي شوفته منه , فعلا راجل محترم بكل المقاييس و معاه دكتور أحمد و مهندسين معاهم ماجيستير , و ناس فعلا فاهمه هندسة صح..
واحد من المهندسين اللي في كلية هندسة سأل المهندس اللي جه من التوكيل "رامي" على حسب ذاكرتي , فعلا اسأله كتير و تم تعديل سوفت وير عربيتي ليتناسب مع جو فرنسا و عربية محمد عبد العزيز على جو الشرق الاوسط الاكثر حرارة..
المشكلة عنده لازالت قائمة و عندي لسه , تم تعديل عربيتي ليتناسب مع الجو الحار , وقتها مهندس هو اللي كان بيسوق مش انا و بالتالي كان صعب اسمع صوت الكركرة , و بعد لما رجعنا الكلية تاني بدأ الصوت يظهر و هي واقفه بشكل مستمر , مرة كل 4 ثواني و بوضوح , واقف على بعد 10 متر و سامعه و البركة في المهندسين الممتازين اللي عرفوا يطلعوا الصوت

النهاردة 8 اكتوبر كان عندي اجتماع لجنه في حماية المستهلك عشان اطلع على تقرير كلية هندسة و كان " ان العربية بيصدر منها صوت صفع في المحرك , و إستمرار استعمال العربية على هذه الحالة سوف يؤدي إلى اهلاك الماتور "
و طبعا ظهرت حالة رابعة في العربية و بشمهندس شهاب كلمني النهاردة و عنده نفس المشكلة في عربيته .
الأستاذ آمر الكوافي حب يشكك في التقرير و ان المشكلة اتحلت بشكل نهائي و المستشار عرف يثبته صح
أتمنى ان المشكلة تتحل و ان كل واحد ياخد حقه بما يرضي الله..
اللي عنده أي استفسار انا في الخدمة و اتمنى ان المشكلة الكل يستفيد منها و يتأكد ان مش كل توكيل كلامه مصدق بيه حتى لو في فترة الضمان ..

و الله المستعان

**eng.m7md.ali** · 08-10-2013 06:30 PM

ربنا معاك وتاخد حقك

ياريت لو في جديد تبلغنا بيه اول بأول

بس هو ليه المهندس امر الكوافي هو اللي كان ممثل عز العرب؟ ده رئيس خدمة ما بعد البيع في بروتون مش سيتروين !!

**islam.afifi** · 08-10-2013 06:38 PM

المشاركة الأصلية كتبت بواسطة eng f3lix

ربنا معاك وتاخد حقك

ياريت لو في جديد تبلغنا بيه اول بأول

بس هو ليه المهندس امر الكوافي هو اللي كان ممثل عز العرب؟ ده رئيس خدمة ما بعد البيع في بروتون مش سيتروين !!

انا كنت عاوز احرجه بس قولت احتراما للمستشار اللي قاعد و عاوز يجيب حقي
اصلا آمر الكوافي كان بيقول كلام غريب ان طريقة ظبط ال Gear مش سليمة من R-D طبعا لما سمعت كدا اتجننت , يعني قصده عاوز اكسر التروس ولا انا مش بفهم في السواقة !!
المهم ظبطته بكلمتين و جاب ورا
مش فاهم ليه كلامهم ميكونش احترافي اكتر و ناس روحنا بين ايديهم ؟!!!
المهم لسه عندي لجنه تانية و ربنا يكرم
دعواتكم يا رجالة

**mohammed dodda** · 08-10-2013 06:33 PM

أديلهم مترحمهمش :) مش عارف ايه الاستهانة والاستخفاف بالعقول ده !

**islam.afifi** · 08-10-2013 06:40 PM

المشاركة الأصلية كتبت بواسطة mohammed dodda

أديلهم مترحمهمش :) مش عارف ايه الاستهانة والاستخفاف بالعقول ده !

هديلهم و كله بالحق , و مش هاخد حاجة مش من حقي
حقي عربية جديدة , او ترجعلي فلوسي
و الأدهى و الأمر انه بيشكك في تقرير لجنه كلية هندسة , و في ال Manual بتاع العربية مكتوب بنزين 87 , مش 92 او 95 , ده مش مرسيدس يا جدعان
عشان كدا آمر الكوافي مجابش سيرة البنزين في اللجنة , كان هيبقى موقفه وحش اوي
خصوصا ان د. إبراهيم عمران ربنا يباركله و يمتعه بالصحة قال انه شايل كلمتين حلوين لآمر الكوافي بعد لما قرأ ال Manual

**azahranm** · 11-10-2013 10:36 PM

المشاركة الأصلية كتبت بواسطة islam.afifi

هديلهم و كله بالحق , و مش هاخد حاجة مش من حقي
حقي عربية جديدة , او ترجعلي فلوسي
و الأدهى و الأمر انه بيشكك في تقرير لجنه كلية هندسة , و في ال Manual بتاع العربية مكتوب بنزين 87 , مش 92 او 95 , ده مش مرسيدس يا جدعان
عشان كدا آمر الكوافي مجابش سيرة البنزين في اللجنة , كان هيبقى موقفه وحش اوي
خصوصا ان د. إبراهيم عمران ربنا يباركله و يمتعه بالصحة قال انه شايل كلمتين حلوين لآمر الكوافي بعد لما قرأ ال Manual

ربنا ينصرك و تاخد حقك ان شاء الله
طب انا كنت بفكر في ds5
كده ابعد عنها بقي و لا ايه؟

**islam.afifi** · 11-10-2013 10:44 PM

المشاركة الأصلية كتبت بواسطة azahranm

ربنا ينصرك و تاخد حقك ان شاء الله
طب انا كنت بفكر في ds5
كده ابعد عنها بقي و لا ايه؟

امين يا رب
بص يا باشا , التوكيل في قمة الفشل و طريقته في حل المشكلة قمة في الإستهتار
و ما اتحركوش غير لما عملنا شكوى جماعية و لسه فيه ناس هتشتكي عشان المشكلة في العربية
سعر ال ds5 يخليك تجيب عربية محترمة بعيد عن الفرنسي
الياباني برقبة الفرنسي
ده رأيي الشخصي و حضرتك ليك القرار

**azahranm** · 13-10-2013 02:34 AM

المشاركة الأصلية كتبت بواسطة islam.afifi

امين يا رب
بص يا باشا , التوكيل في قمة الفشل و طريقته في حل المشكلة قمة في الإستهتار
و ما اتحركوش غير لما عملنا شكوى جماعية و لسه فيه ناس هتشتكي عشان المشكلة في العربية
سعر ال ds5 يخليك تجيب عربية محترمة بعيد عن الفرنسي
الياباني برقبة الفرنسي
ده رأيي الشخصي و حضرتك ليك القرار

معاك حق وشكرا ليك و ربنا معاك