الموضوع: تجربتى مع خبطة رفرف السيارة

من كام يوم كدة مينى باص دخل فى الرفرف الشمال بتاعى و انا واقف مكانى والله ما جيت جنبة بس الحمد لله انها جت على قد كدة و الرفرف اتعجن بس زى ما انا مصورهوركم و لما لقيتها جت على قد كدة و السواق غلبان قلت الحمد لله و سيبته بس طلعت انا الغلبان.

روحت الاول لواحد سمكرى (الاسطى كتلة) حبيب واحد صحبى فك الرفرف و قلى كدة و لا كدة البوية وقعت و حترش فانا حردة على البارد قالتلة ماشى و فعلا رد الرفرف و ظبطة و ركبة و اخد منى 60 جنية و قالى روح لبتاع الدوكو بقى و دى صورة الرفرف بعد الرد.

بعده رحت لبتاع الدوكو ( اسطى الضلعى) قالى سيبلى العربية بقى و انا حظبتهالك و امعجن الرفرف و ارشة قالتلم ماشى بس كان عندى الاكصدام مش الاصلى و كان لونة رصاصلى مجرب كدة قالتلة رشة لون العربية و يطعموا بالاسود زى الفبريقة قالى تمام عاوزى بوية اية قالتة المصرى يا معلم راح اخد منى 100 جنية لزوم البضاعة.
تانى يوم روحت لقايتة مخلص العربية و عامل الرفرف تمام و الاكصدمات 100 100 بصراحة نطقت العربية و لمع العربية كلها و اخد منى 150 بعد فصال طويل .
والحمد لله بقت تمام بس فى حاجة مهمة قوووووووووووى انا بعد السمكرى سيبت العربية من غير معجون لمدة اسبوع كدة و دا غلط علشان الرفرف كان بدا يصدى و لو طول عن كدة كانت مشيت فية البرومة فرجاء الى لا قدر الله يعمل عربيتى سمكرة و وقع البوية على الاقل يمعجن على طول ز
طولت عليكم معلش بس حبيت احكيلكم على الى حصل.

الخبطة بالظبط واضحة والحمد لله