اضافة مادة لتحسين البنزين ! هل المادة دي مجدية فعلا ؟

**Abdo Taha** · 08-10-2013 10:48 PM

كان الميكانيكي قال لوالدي ان البنزين مش مظبط اليومين دول و ان في مادة بتتحط عند نص التانكو انا باملى بنزين لانه قاله ان سبب كركرة الموتور حتى بعد ظبط كمبيوتر الفتيس ان هى من البنزين فا ايه رأيكوا في الكلام ده و لو صحيح ازاي نحط المادة دي خلال التفويلة علما اني بحط 92 ، العربية فيكترا ايزي ترونك

**lidosasa** · 09-10-2013 12:30 AM

المشاركة الأصلية كتبت بواسطة ahmedkasem

نفس الاستفسار
بس عن مادة stp اللي بتتباع في بنزينات امارات مصر
عشان في نوع منها بيكون شامل كل دورة البنزين وسعره 90 جنيه
من حيث تنظيف دورة الوقود وتحسين الاداء
سؤالي هل المادة دي مجدية فعلا
وبيتحط اد ايه من الازازة على التفويلة
ولو في اي ملاحظات او اخطار من المواد دي ؟

فيه فرق بين المادتين اللى يقصدها صاحب الموضوع هى أوكتان بوستر ودا بيحسن ويرفع أوكتان البنزين وبيتحط مع كل تفويلة وبيعمل 10 أو 15 جنيه مش فاكر سعره ومجرتهوش قبل كده عشان أٌقول رأى فيه
واللى حضرتك بتقول عليه منظف دورة بنزين بالكامل وبيتحط كل فترة 10 ألاف كيلو مثلاً لتنظيف الدورة
وللأسف فيه بعض المحطات بتغش وتبيع البوستر أوكتان على إنه منظف دورة بنزين

**M I D O** · 09-10-2013 12:33 AM

في الاوكتان بوستر ودة بيعلي الاوكتان في البنزين يعني لو حطيت علبة علي تفويلة 92 اكنك فولت 95 وهتحس بفرق الاداء

**Abdo Taha** · 09-10-2013 02:32 PM

المشاركة الأصلية كتبت بواسطة m i d o

في الاوكتان بوستر ودة بيعلي الاوكتان في البنزين يعني لو حطيت علبة علي تفويلة 92 اكنك فولت 95 وهتحس بفرق الاداء

ايوه هو الاوكتان بوستر ياترى هل هو ملوش اي مشاكل او خطورة لو حطيته على المدى البعيد و لو هو كويس اجيبه منين و بيتحط ازاي في التفويلة في نصها ؟ و ﻻ بعد التفويلة خالص ؟

**احمد فهمى** · 11-10-2013 10:06 AM

نصيحه استخدم المنظف اللى ب35 جنيه ومش منظف الدوره الكامله لا العادى من stp ومره واحده لو عندك مشكله بسبب بنزين مش تمام والاوكتين بوستر مبيعليش الاوكتين ولا حاجه هو فقط ماده اشتعالها اقوى من البنزين فبتسبب حريق اعلى وبتبهدل مكونان دورة البنزين مع الوقت زي لو ركبت نيتروس العربيه قوتها بتزيد 50% تقريبآ مع انو نفس البنزين بس ده غاز اشتعالو عالى داخل غرفة الاحتراق فبيسبب قوه رهيبه للمحرك لكن لو استخدمتو اكتر من 20 ثانيه ممكن البساتم تسيح وتتكسر المفيد نضف البوابات عندك باسبراى وغير فلاتر البنزين والهوا ودايمآ امشى مفول وحاول تتعامل مع اكثر من محطه بنزين ويفضل الى مفيهمش بنزين 80 او ديزل

**Abdo Taha** · 11-10-2013 10:50 AM

المشاركة الأصلية كتبت بواسطة احمد فهمى

نصيحه استخدم المنظف اللى ب35 جنيه ومش منظف الدوره الكامله لا العادى من stp ومره واحده لو عندك مشكله بسبب بنزين مش تمام والاوكتين بوستر مبيعليش الاوكتين ولا حاجه هو فقط ماده اشتعالها اقوى من البنزين فبتسبب حريق اعلى وبتبهدل مكونان دورة البنزين مع الوقت زي لو ركبت نيتروس العربيه قوتها بتزيد 50% تقريبآ مع انو نفس البنزين بس ده غاز اشتعالو عالى داخل غرفة الاحتراق فبيسبب قوه رهيبه للمحرك لكن لو استخدمتو اكتر من 20 ثانيه ممكن البساتم تسيح وتتكسر المفيد نضف البوابات عندك باسبراى وغير فلاتر البنزين والهوا ودايمآ امشى مفول وحاول تتعامل مع اكثر من محطه بنزين ويفضل الى مفيهمش بنزين 80 او ديزل

شكرا ليك جدا يا استاذ احمد انا بحط سعات من موبيل و سعات من كالتكس عندنا في المقطم 92 مش اقل من كده بس برضه هشيك على فلتر البنزين لانو متغيرش بقالو كتير و بعد كده هجرب و شكراً لمرور حضرتك