أمب (جي إم) كينوود ٧٢٠ يعمل كاااام؟ وسؤال لذوي الخبرة

**ahmed_m_ashraf** · 08-10-2013 11:14 PM

عندي جوز سماعات كينوود ٣٠٠ وات / ٧٥ وات أر إم إس شغاليين على كاسيت بايونير X6550BT
الكاسيت بيخرج ٥٠ وات x أربع سماعات.

أنا عارف إن وات السماعات يعتبر مش عالي جنب الحاجات الجديدة (٥٠٠ و ٦٠٠ وات) بس السماعات دي فعلا نضيفة وتريبلاتها وبيزها محترمين، وفي الآخر العبرة بال RMS يعني أنا شفت سماعات بايونير ال ٥٠٠ وات ال RMS بتاعهم ٩٠ يعني مش فرق شاسع عن إللي عندي.

دلوقت أنا عايز آخد أعلى أداء من السماعات دي، بمعنى إني أقدر أعلى من غير ما يحصل تشويش للصوت وفي نفس الوقت ما أضرش السماعات على المدى الطويل. فبفكر أركب أمب أو "جي إم" بالمصري :)

هنا بقى التساؤل والحيرة، أكتر أمب بيستخدم على سماعات هو الكينوود ٣٥٠ بس ده خرجة ٦٠ RMS للسماعة، يعني مش فارق كتير عن خرج الكاسيت وفي نفس الوقت لسه أقل من قدرة السماعات، وأنا من مؤيدي مدرسة إني أركب أمب أعلى من قدرة السماعات شوية وأوطي الجين.

ففكرت في الكينوود ٧٢٠ إللي هو أول حاجة بعد ال٣٥٠ (لو فيه حاجة بين الإتنين دول ياريت حد يصححلي) بس في الحالة دي هحتاج أعمل بريدج للأربع قنوات بحيث يكون عندي في الآخر قناتين بس، وفي الحالة دي ممكن أفكر في تغيير السماعات بحاجة أحسن قدام شوية.

سؤالي لذوي الخبرة .. هل التفكير ده منطقي؟ وكام سعر الكينوود ٧٢٠ بالتوصيلات أو من غير؟ هل ليكم أي إقتراحات آخرى أفضل؟

آسف على الإطالة وشكرااااااا

**seat2066** · 08-10-2013 11:24 PM

الامبير الكينوود الموديل Kenwood KAC-8405 ت720 4 شانل

دية امكانياته
RMS Power @ 4 ohms 60 watts x 4 channels
RMS Power @ 2 ohms 90 watts x 4 channels

انت عندك سماعتين كينوود الواحدة 75 RMS وهما اكيد 4 اوم
يبقي هيحتاجوه loud من الامبير 2 اوم للسماعة الواحد في القناة

يعني بمعني
هتدخل علي قناتين من الاربعة بس وهتاخد من كل قناة 90 watts RMS

ولو عملت بريدج هتطير السماعات
لان البريدج هيديلك في القناتين كل قناة 180 watts

**ahmed_m_ashraf** · 09-10-2013 09:07 PM

المشاركة الأصلية كتبت بواسطة seat2066

الامبير الكينوود الموديل kenwood kac-8405 ت720 4 شانل

دية امكانياته
rms power @ 4 ohms 60 watts x 4 channels
rms power @ 2 ohms 90 watts x 4 channels

انت عندك سماعتين كينوود الواحدة 75 rms وهما اكيد 4 اوم
يبقي هيحتاجوه loud من الامبير 2 اوم للسماعة الواحد في القناة

يعني بمعني
هتدخل علي قناتين من الاربعة بس وهتاخد من كل قناة 90 watts rms

ولو عملت بريدج هتطير السماعات
لان البريدج هيديلك في القناتين كل قناة 180 watts

شاكر جدا على الرد .. عندك فكره سعره كام؟ هل ممكن شوية توضيح؟ هي السماعات عندي ٤ أوم بس هو مفيش مشكلة من توصيل سماعات ٤ أوم على ٢ أوم؟ وإزاي الأمب بيدي ٢ أوم، هل فيه بكرة لضبط الأوم ولا فيه مخارج لل٤ أوم ومخارج لل ٢ أوم؟ وهل في الحالة دي هكون مستخدم قناتين بس من الأربعة فيبقى عندي فرصة أركب سماعات تانية على القناتين التانين أو أعمل بريدج بينهم وأركب صب؟

ملحوظة: أمب إختصار أمبليفاير (مضخم) وليس أمبير.

**ahmed_m_ashraf** · 09-10-2013 09:41 PM

من الصورة دي فهمت إزاي يتم التوصيل للحصول على مقاومة ٢ أوم، بس هو أنا كده هاخد وات أعلى فعلا ولا ده لو السماعات أصلا ٢ أوم. لأم أنا كده هوصل سماعتين على قناة واحدة بدل قناتين .. ولا أنا فاهم غلط؟!!

وهل أنا فاهم صح إن الأمب في الحالة لما يدي ٦٠ وات لأربع سماعات هيبقى أعلى حاجة بسيطة من خرج الكاسيت؟ ولا عمر الكاسيت مابيوصل لخرج ٥٠ وات لأربع سماعات ده؟ يعني معقول الكاسيت بحجمة ده وكل الإمكانيات إللي فيه يدي قدرة قريبة من أمب أكبر في الحجم ومخصص فقط لتضخيم الصوت؟ يعني مثلا القدرة الصافية للكاسيت ممكن تكون ٤٠ أو ٣٠ وات بس؟

**ahmed_m_ashraf** · 09-10-2013 09:53 PM

نسيت أحط الصورة ...

**ahmed_m_ashraf** · 09-10-2013 11:48 PM

إلي من يهمه الأمر، وجدت التفسير.
الكاسيت البايونير المكتوب عليه ٥٠ وات في أربع سماعات، ده الماكس باور، لكن الباور الفعلي (rms) ٢٢ وات بس في أربع سماعات. وبكده يكون الأمب ال ٣٥٠ إللي بيدي ٦٠ وات (rms) فيه فرق شاسع بينه وبين قدرة الكاسيت حتى لو كان أقل من قوة السماعة.
أتمنى أكون أفدت حد.