تركيب زينزن و ليدات في toyota corolla 2013

**mostafa magdy** · 09-10-2013 02:24 AM

الحمد لله بفضل الله عليا
لسه من شويه مركب زينون نوع أي كلام مع فوانيس شبوره في عربيتي
نوعه إسمه DS صيني كده و أنا مرضيتش أستغلي الصراحه لأنه في الفوانيس الاضافيه
و بإذن الله هجيب زينون نضيف من النمسا كمان شهرين كده
تمنه كان 350 بالتركيب ... بعدها حسيت بفرق الحمد لله لأن كان عندي مشكله في السواقه بالليل بس هو بياخد وقت عقبال ما يسخن
و بالمره ركبت ليدات في النور الصغير ( بالفانوس الامامي الكبير ) غيرت شكل العربيه كليا و خلتها أقرب إلي مثيلتها 2014 الجديده

الخلاص اقل التغييرات في عربيتك هتجسسك بفرق و أعتقد حضراتكم هتوافقوني الراي
يا ريت بقا اللي عنده تجربه مع الزينون يقولي عشان لما أروح أبقي عارف أجيب أيه
و إن كان الناس بتوصي بالزينون الفيلبس و أوزرام والله المستعان
هرفع الصور الجديده أول ما أعرف أعمل Upload للصور إزاي
دمتم بخير

**adelghanem** · 09-10-2013 03:48 AM

اي تغيير في العربيه له متعته
الف مبروك

**saddam** · 09-10-2013 05:35 AM

صديقي المواطن
إلى اﻷمام وبالتوفيق كان.اﻷصح نفك الفوانيس ونعدلها تعديل نهائي والزينون أي كلام مش ينفع كان لازم نجيب أبو 1350 وبلاش أبو 450 و250 ودمتم للنضال تصدق أنا عندي 18 مديول أصلي مستعمل توبوتا وميتسوبيشي ودايهاتسو جايبهم لعربياتي ولغاية دلوأتي مركبتش غير 2 و4'ماسكين دور وبالتوفيق

ودمتم للنضال

**mhamed70** · 09-10-2013 11:36 AM

أ / saddam
تحية طيبة وبعد ....
حضرتك قلت (((تصدق أنا عندي 18 مديول أصلي مستعمل توبوتا وميتسوبيشي ودايهاتسو))) _ سوؤالي ليك هل يوجد للتريوس glx 2007 زينون مستعمل للبيع وبكام _ وأسف لو سؤالي مش مناسب

**haysam2000** · 09-10-2013 12:36 PM

الف مبروك يا باشا و عايز اقولك انت لو يوم جبتلها معطر كويس هيكون حاجه هتفرحك لأن اللى بيحب عربيته بيفرح لما يهاديها اى حاجه (مش مجنون اوى يعنى :) بس بحب العربيه اللى بركبها و اتعودت على كده) و على فكرة موضوع الزينون رخيص او غالى مش فارقه و مش لازم حاجه اصلى انا جبت زينونو ب 350 جنيه قعد معايا سنه و نص و بعت العربيه بيه شغال المهم انك انت تكون مبسوط و طالما مش هتضر عربيتك و مش هتضيع فلوسك من غير ما تحس انك استفدت بيهم يبقى هات اللى انت عايزه و متشغلش بالك

**FAR!D** · 09-10-2013 02:10 PM

باانسبه للي بيسأل على زينون مستعمل مخصوص لعربيته ياباشا اي زينون يركب في اي حته ان شاالله تكتوك المهم والاهم قاعده اللمبه بسسسس و الكلام للكل انا واحد من الناس مركب زينون ابو 350 في العالي و الواطي والشبوره واللي ساعدني ان الواطي بعدسه فالاداء واحد بس الشئ المختلف اللي الصيني ميدهونيش الا في الاصلي لون الاضاءة والاصلي ده يتجاب مستعمل بسسسس لا الجديد اوزرام او فليبس اصلي الا اللمبه و الله اعلم و المديول صيني و فيه المضروب من اساسه و محفور عليه اسمك حتى هههههه فليه ادخل في حوارات و لصاحب الموضوع الف مبروك على تظبيطك لعربيتك و للكل الواحد لو حط معطر حتى لعربيته بيبقى مبسوط اووووي ربنا يفرح الكل بعربياته