مساعدة يا شباب بالله عليكم فى شراء سيارة

**30mars** · 09-10-2013 02:57 AM

انا بقالي فترة عاوز اشتري عربيه و للعلم انا لا افقه شيئ في العربيات غير اني اسوق و بس يعني و الحاجات البدائيه اعرف الزيت هيتغير امتي بتاع لان خدت علي كده اخد العربيه علي الجاهز كبيري احطلها بنزين و ارجع اخد فلوسه كمان.

الوقتي اول مره اشتري عربيه من فلوسي و لواحدي و انا لا اعرف حد بيفهم و لا حد اساله.

كل ما افكر في عربيه و اسمع كلام الناس شويه عنها اتقفل منها لاني كل العربيات اللي بفكر فيهم مش ميتسوبيشي و لا تويوتا و لا هيونداي لاني مش عاوز اركب ولا عربيه من دول. و ابتديت اقتنع ان ١٠٠ الف جنيه ميجبوش عربيه محترمه في مصر.

انا الفلوس معايا من اول ٨٥ الف لحد ٩٥ اكتر من كده الفين تلاته دول عامل حسابي اللي هيتصرفو علي العربيه بعد ما تيجي.

انا بفكر في الهوندا سيفيك و المازدا ٣ و الكروز و السوبارو و مش عارف اشتري اي حاجه في اي حاجه.

انا بس مش عاوز عربية تطلع عيني بعد كده لاني مفهمش اي حاجه في شغل العربيات و اللي ينصحني بعربيه ينصحني بعربيه مدوخش بيها و مفيش فيها مشاكل بالله عليكم. و مصارفيها يعني لو الف او الف و نص كل شهرين تلاته مثلا يبقي خير اوي.

ياريت تساعدوني بجد لاني اكتر واحد محتاج للمساعده و الله.

**foxhonda2008** · 09-10-2013 03:14 AM

توكل علي الله و هات سيفيك 2008

**30mars** · 09-10-2013 03:23 AM

مصاريفها عامله ايه حضرتك و هل هي الافضل ما بين كل العربيات اللي ذكرتهم؟

**M I D O** · 09-10-2013 04:29 AM

نصيحة مادام اول مرة تشتري يبقي تجيب زيرو احسن عشان تريحك

**محمد أنور** · 09-10-2013 04:34 AM

معتقدش انك ممكن تلاقي سيفيك 2008 في الرينج ده 85-95 الف الا اذا كانت فيها مشاكل .. انا من رأيي مازدا 3 بس مشكلتها قطع غيار نار .. و ممكن كروز 2010 .. و ممكن نيسان صني 2012 حالة نضيفة

**saddam** · 09-10-2013 05:30 AM

صديقي المواطن
إنت عاوز زيرو ولا مستعمل

وكمان عاوز مانوال ولا أوتوماتيك

لو مستعمل في إختياراتك أعلاه تاخد كروز أبيعهم وتوفر قكمع غيار السيفيك عليها طلب كتير من الشباب فمش حتلاقي حاجة حلوة

لو زيرو تاخد إمجراند 7.مانوال ولو أوتوماتيك تحاول تزود كام جنيه وتاخد نيسان صني

ولو أقل من فلوسك تاخد إسبرانزا 620 بس تكون موديل 2010 أو 2011 والعداد 30 ألف ميزيدش عربية ستيبترونيك وفخمة ورخيصة وتكييف ثلاجة وواسعة وجلد وشاشات ومش حتعدي 70 النظيفة والتعبانة ب 55 ألف وقطع غيار ببلاش ومحرك ميتسوبيشي موفر

وبالتوفيق

ودمتم للنضال

**30mars** · 09-10-2013 05:53 AM

المشاركة الأصلية كتبت بواسطة محمد أنور

معتقدش انك ممكن تلاقي سيفيك 2008 في الرينج ده 85-95 الف الا اذا كانت فيها مشاكل .. انا من رأيي مازدا 3 بس مشكلتها قطع غيار نار .. و ممكن كروز 2010 .. و ممكن نيسان صني 2012 حالة نضيفة

يعني لو ازود شويه ازود كام؟

المشاركة الأصلية كتبت بواسطة saddam

صديقي المواطن
إنت عاوز زيرو ولا مستعمل

وكمان عاوز مانوال ولا أوتوماتيك

لو مستعمل في إختياراتك أعلاه تاخد كروز أبيعهم وتوفر قكمع غيار السيفيك عليها طلب كتير من الشباب فمش حتلاقي حاجة حلوة

لو زيرو تاخد إمجراند 7.مانوال ولو أوتوماتيك تحاول تزود كام جنيه وتاخد نيسان صني

ولو أقل من فلوسك تاخد إسبرانزا 620 بس تكون موديل 2010 أو 2011 والعداد 30 ألف ميزيدش عربية ستيبترونيك وفخمة ورخيصة وتكييف ثلاجة وواسعة وجلد وشاشات ومش حتعدي 70 النظيفة والتعبانة ب 55 ألف وقطع غيار ببلاش ومحرك ميتسوبيشي موفر

وبالتوفيق

ودمتم للنضال

لو اتوماتيك هيكون افضل اكيد

بالنسبه للكروز الناس بتقول هنا فيها مشاكل تقريبا في الفتيس باين مش عارف؟

اكيد هيكون صعب جدا اركب عربيه صيني الفكره كلها ان انا بعدت عن اللانسر و الحاجات دي انها منتشره و شكلها مش قيمه

فلو هزود حضرتك ازود كام واجيب عربيه تريحيني

و معظم الايام العربيه هتكون واقفه تحت البيت و السفر قليل مش كتير

اهم حاجه بس تكون قعدتها حلوه من جوه و شكلها من جوه وبره و مش منتشره بس

اسف لو طولت علي حضرتك

**SAMEH_FOUAD** · 09-10-2013 10:17 AM

انسى سيفيك بالمبلغ دة , اقل سيفيك دلوقتى عاملة 105 الف جنية

المازدا كويسة كسيارة عيبوها ( قطع غيار غالية - منخفضة جدا عن الارض - سعر اعادة بيع مش اوى )

ممكن تدور على renault megan موديل 2008 كويسة جداا بس قطع غيارها غالية بجد وفيها حاجات دورية كدة لازم تتصلح كل فترة والعربية كمان مش غالية بتعد فى اخر السبعينات

من الاخر اهم شرط يكون عندك فى العربية اللى هتشتريها ان يكون فيها immoblaizer عشان القلق اللى احنا فية وتبقى على الاقل مطمن على عربيتك , اوعى تجيب عربية مهما كانت حالتها مافيش فيها ال System دة