الموضوع: لما كلنا ملايكه امال فين الشياطين؟؟؟؟

مفيش رد على كلامك غير التعبير الرايج اليومين دول

تسلم الايادي

المشاركة الأصلية كتبت بواسطة mzeid

هقولك على حاجة

أنا مقتنع أن احنا في مصر بندور في دائرة مفرغة .. سوء الوضع بسبب تدهور أوضاع الناس اخلاقيا و ماديا و هذا التدهور بسبب سوء الوضع العام .. يعني انت مستني الناس تحسن من اخلاقها و لكن في نفس الوقت اوضاعهم المادية و الاجتماعية مش تمام ( أرجو تكون وصلت )
يعني لازم حاجة عندي تكسر ال loop دي اللي هو في رأيي رئيس او حكومة طموحة ( و بشدد على كلمة طموحة دي ) و الله أعلم هل موجود ولا لا

تمام اللى انت بتقوله فكرت فيه بس لقيت ناس كتير احوالهم الماديه مش تمام ومع ذلك اخلاقيا فوق الممتاز وعلى العكس فى ناس كتير تلاقى على وجوههم الصلاح والتدين واحوالهم الماديه افضل كتيير ومع ذلك اخلاقيا سيئين جدا علشان كده حسيت الاحوال المعيشيه برغم ضغطها فى كتير من الاحيان بس مش اساس وفكره الحكومه الطموحه لو احنا كشعب مش طموح حتيجى منين مهى الحكومات دايما بتيجى من الشعوب فإذا احنا متغيرناش عمرنا محنتصلح ولا حنشوف حكومه كويسه "إن الله لا يغير ما بقوم حتى يغيروا ما بأنفسهم " فبالتالى اللى كنت حابب اقوله اننا لازم نتغير وكل واحد يتحمل مسؤليه نفسه من غير ميبص لحد وساعتها حتبقى البلد كويسه .
ولا ايه .

المشاركة الأصلية كتبت بواسطة تامر.محمد

مافيناش ملايكة خالص
فينا ناس بتحاول تبقى كويسة و برده بتغلط
و فينا ناس ما بتحاولش تبقى كويسة لأن المصلحة اولى و اهم

بس

جميل بس مش احنا بس اللى كده كل الشعوب فيها الخير وفيها الشر بس احترامهم للقوانين هو اللى بيحسن من المجتمع .

المشاركة الأصلية كتبت بواسطة 3mr farrag

طبعا كلنا مش ملايكه
واغلب الشعب زباله و عامل نفسه محترم
كل واحد عارف نفسه و عارف الصح من الغلط و لو مش عارف يبقي بيستعبط

اما بخصوص ان الواحد يصلح المجتمع
يبقي هتضيع عمرك و جهدك علي الفاضي و مش بعيد الواحد يجيله سكته قلبيه من الضغط

غير ان مافيش امل للاصلاح
و ماحدش يقول ان فيه امل
امل عايشه بره مش في مصر

وسلملي علي احلي شعب

طيب تفتكر الحل فين لو كلنا استعبطنا وسوقناها حيبقى المجتمع "زباله" ومش المطلوب نصلح المجتمع مطلوب نصلح نفسنا كل واحد لوحده وملهوش دعوه بغيره طالما "الصح باين والغلط باين " يبقى نحترم فكره الاعتراف بالغلط ونعمل الصح "على قد منقدر " انا مش عامل الموضوع علشان نصلح المجتمع انا عامله لانى من زمان وحتى قبل الثوره فكره الخروج من البلد منتشره جدا وخايف نقوم فى يوم نلاقى نفسنا زى اليمنيين اللى لما رحت امريكا الكل حذر منهم ومن سوء سلوكهم وبالرغم انهم خارج بلدهم الا ان اصلهم وراهم وده اللى مش عايز اشوفه هنا .
ولو مفيش امل يبقى عايشين ليه ؟؟
يمكن يكون الموضع صعب جدا بس مش مستحيل اكيد قبل 25/1/2011 كنا كلنا بلا استثناء فكرتنا عن المصريين انهم عمرهم محيعملوا حاجه وعملنا حاجه جميله " بغض النظر عن اى مساوئ " فممكن نكون كويسين واحنا مش واخدين بالنا .
عارف يا ا/عمرو اللى بيأكدلى ده ايه لما صديق ليا اشتغل فى مدرسه انترناشيونال واكتشفت ان اغلب المدرسين "الشباب " امريكان ومعاهم الجنسيه الاجنبيه ومع ذلك عايشين فى مصر برغم ان مرتباتهم مش عاليه وفى منهم المرتب مش بيكفيه نص الشهر بس قاعدين هنا "ليه؟ لسه معرفتش " بس حسيت انهم شايفين حاجه فى البلد دى احنا مش شايفينها
وده اللى مخللى الواحد حاسس اننا احتمال نتغير .

المشاركة الأصلية كتبت بواسطة 3mr farrag

خد الخلاصه التانيه ديه كمان مادام استاذ هوجان عجبته القبليها :)
علشان الناس تريح دماغها

قدامك عربيتين عاملين حادثه يعني بقي فيهم مشاكل
واحده عامله حادثه خفيفه و محتاجه اكصدام علي فانوسين علي شويه سمكره
ورش و تبقي عروسه
ديه مشكله و ليها حل

والعربيه التانيه قطر دايس عليها و مافيهاش حته سليمه
ديه لو مهما فكرت ولا حاولت تصلحها يبقي بترمي فلوسك في الارض و بتبذل مجهود
علي الفاضي و هتخسر من وراها
حلها تترمي في الزباله و تشوف غيرها

هي دي بقي مصر

بس احنا مش الصومال مثلا او بلد مش نافعه احنا الصدمات بتفوقنا وبنعرف نتعايش فى اى وضع ويكفى اللى حصل فى هزيمه 67 واللى بعدها بوقت مش كتير عرفنا نقف على رجلينا تانى واقربها اللى حصل بعد الثوره لما سلوكنا اتغير لمده شهرين وكنا بنتعامل كلنا زى الاخوات وقدرنا نسمع بعض بس للاسف كسلنا نكمل كده
فأكيد احنا مش وحشين جدا ممكن نكون ضايعين انما ممكن نتحسن اكيد
ممكن اكون غلطان او متفائل زياده بس لو معملناش كده يبقى حنموت ونكره اخواتنا وجيرانا وصحابنا و عيلتنا ومجتمعنا ونحب الغرب اكتر وده مش وارد عندى .
تحياتى.

المشاركة الأصلية كتبت بواسطة mohamed_hamdi

مفيش رد على كلامك غير التعبير الرايج اليومين دول

تسلم الايادي

الموضوع بعيد جدا عن السياسه سلوكنا من قبل ثوره يناير وهو على نفس الحال اتغيرنا شويه ورجعنا تانى فالنظام الحاكم ملهوش علاقه بسلوك افراد المجتمع والا كنا اتغيرنا فى وقت خلال السنتين اللى فاتوا ولكن ده محصلش يبقى العيب مش فى الحكم العيب فينا احنا .
تحياتى .

المشاركة الأصلية كتبت بواسطة imhotep

ادى الموضوع اللى يثبت ان الحريصين على الالتزام اقل من 30%:
http://www.nilemotors.net/nile/74114-a-8.html

و انا متأكد ان اى موضوع فىه استطلاع عن قواعد يتم الالتزام بيها زى سرعات الطرق مثلا هتلاقى نسبة الالتزام اقل من الكتلة الحرجة اللازمة للتغيير فى اى تجمع بشرى و هى نسبة التلت

فى ناس كتير عايشة و كأنها مستنية حد يستوردلنا كمان نظام نمشى عليه...... و فى ناس بتحاول...... و فى ناس يائسة خالص...... اللى مستنى النظام المستورد لو فضل مستنى مع الوقت هينضم لفئة اليائسين من اى تغيير و ده خسارة انه يضيع لانه كان ممكن بقليل من الايجابية ينضم لفئة اللى بيحاولوا يلتزموا...... اللى بيحاول لازم لا ييأس ابدا من الاستمرار فى كونه ملتزم و كون معظم من حوله غير ملتزمين..... اما اللى يائس فده خلاص لازم يشوفله فعلا حلا بره مصر لان كده مش هيبقى كويس على صحته النفسية و هيقعد يهرى و ينكت و ياكل فى روحه على الفاضى فى صراعات مع نفسه و مع الاخرين و الافضل له بدء حياة جديدة فى مكان جديد يستخدم فيها الطاقة اللى عنده فى بناءها

انت جبت المفيد يا ا/ماهر واللى خلانى عملت الموضوع ده انى كنت عايز اليائس اللى قرر يسافر يعرف انه مش لوحده عايز يعيش كويس فى بلده "معرفش ممكن يغير رايه ولا لا بس ابقى حاولت "
وعايز اللى منتظر نظام مستورد يعرف ان محدش حيغيرنا الا احنا ويحاول مع اللى بيحاول لان عمر العيب مكان فى النظام العيب فينا .
يارب البلد تبقى احسن .

المشاركة الأصلية كتبت بواسطة eslamrace

طيب تفتكر الحل فين لو كلنا استعبطنا وسوقناها حيبقى المجتمع "زباله" ومش المطلوب نصلح المجتمع مطلوب نصلح نفسنا كل واحد لوحده وملهوش دعوه بغيره طالما "الصح باين والغلط باين " يبقى نحترم فكره الاعتراف بالغلط ونعمل الصح "على قد منقدر " انا مش عامل الموضوع علشان نصلح المجتمع انا عامله لانى من زمان وحتى قبل الثوره فكره الخروج من البلد منتشره جدا وخايف نقوم فى يوم نلاقى نفسنا زى اليمنيين اللى لما رحت امريكا الكل حذر منهم ومن سوء سلوكهم وبالرغم انهم خارج بلدهم الا ان اصلهم وراهم وده اللى مش عايز اشوفه هنا .
ولو مفيش امل يبقى عايشين ليه ؟؟
يمكن يكون الموضع صعب جدا بس مش مستحيل اكيد قبل 25/1/2011 كنا كلنا بلا استثناء فكرتنا عن المصريين انهم عمرهم محيعملوا حاجه وعملنا حاجه جميله " بغض النظر عن اى مساوئ " فممكن نكون كويسين واحنا مش واخدين بالنا .
عارف يا ا/عمرو اللى بيأكدلى ده ايه لما صديق ليا اشتغل فى مدرسه انترناشيونال واكتشفت ان اغلب المدرسين "الشباب " امريكان ومعاهم الجنسيه الاجنبيه ومع ذلك عايشين فى مصر برغم ان مرتباتهم مش عاليه وفى منهم المرتب مش بيكفيه نص الشهر بس قاعدين هنا "ليه؟ لسه معرفتش " بس حسيت انهم شايفين حاجه فى البلد دى احنا مش شايفينها
وده اللى مخللى الواحد حاسس اننا احتمال نتغير .



بس احنا مش الصومال مثلا او بلد مش نافعه احنا الصدمات بتفوقنا وبنعرف نتعايش فى اى وضع ويكفى اللى حصل فى هزيمه 67 واللى بعدها بوقت مش كتير عرفنا نقف على رجلينا تانى واقربها اللى حصل بعد الثوره لما سلوكنا اتغير لمده شهرين وكنا بنتعامل كلنا زى الاخوات وقدرنا نسمع بعض بس للاسف كسلنا نكمل كده
فأكيد احنا مش وحشين جدا ممكن نكون ضايعين انما ممكن نتحسن اكيد
ممكن اكون غلطان او متفائل زياده بس لو معملناش كده يبقى حنموت ونكره اخواتنا وجيرانا وصحابنا و عيلتنا ومجتمعنا ونحب الغرب اكتر وده مش وارد عندى .
تحياتى.



.

فين الشعب ده اللي اتغير للاحسن بعد 25 يناير!!!
اولا الثوره ديه ماكنش ليها اي لازمه
و صدمات ايه اللي بتفوقنا؟؟
هي بس فتره الحروب و الاستعمار اللي ممكن تفوقنا
غير كده ماحدش هيفوق
علشان ماشين بمبدء انا واخويا علي ابن عمي و انا و ابن عمي علي الغريب

غير فكر الناس انها عايزه حد تنضف زبالتهم من وراهم من غير ما هي تنضف نفسها
قولي علي حسنه واحده من بعد الثوره شوفتها في الشعب؟؟
غير الشكليات الكدابه المصطنعه و شويه الهبل و التمثيل اللي الناس بتمثله علي نفسهم قبل غيرهم في فترات الثوره
كل واحد عاش في دور الحريات و استخدمها بس في البلطجه و قله الادب
ميول الشعب للوساخه اكثر من النضافه اساسا

و مافيش حكومه هتيجي عدله و بكره تشوف
لأن الحكومه ديه من الشعب و الشعب اصلا ضايع يبقي مافيش حل بقي غير تستورد حكومه
هي منظومه متكامله فاسده و بتحب الفساد و القذاره من الشعب او من اي حكومه هتيجي

يا راجل يا طيب اقسم بالله مانا عارف انزل اشوف مشاوير ولا الشغل من الشوارع الزباله..ياريت انها زحمه بس
وببقي شايل هم لا تتخيله لما يكون ورايا مشوار بعيد و بأجل حاجات مهمه علشان مش مستحمل اسوق
والله حاسس اني هيجيلي سكته قلبيه من السواقه

فا ماتحاولش تضحك علي نفسك ان في نسبه تحسن في المستقبل من اي ناحيه

انا بقول بعد الثوره مباشره ايام مكان الناس بتستحمل بعض وبتنظف الشوارع وظهرت شويه حاجات كويسه واختفت بسرعه ولكنها ظهرت وده اللى انا بقوله ان ممكن نتغير
بس برضه انت عندك حق ان البلد دلوقتى فيها كتير من السلوكيات اللى لا تطاق بس تفتكر حنفضل كده على طول
وانت برضه قولت حاجه انا مقتنع بيعا جدا ان ولا الحكومات اللى فاتت ولا الحاليه ولا القادمه حتيجى كويسه الا لما نتغير لان الحكومات بتيجى من الشعوب
بس بصراحه انت بجد حسستنى ان مفيش امل بجد واضح ان اللى فقد الامل فى البلد اكتر مما تخيلت وشكلنا حنفضل نمثل اننا كويسين هههههههههههههه.

المشاركة الأصلية كتبت بواسطة eslamrace

انا بقول بعد الثوره مباشره ايام مكان الناس بتستحمل بعض وبتنظف الشوارع وظهرت شويه حاجات كويسه واختفت بسرعه ولكنها ظهرت وده اللى انا بقوله ان ممكن نتغير
بس برضه انت عندك حق ان البلد دلوقتى فيها كتير من السلوكيات اللى لا تطاق بس تفتكر حنفضل كده على طول
وانت برضه قولت حاجه انا مقتنع بيعا جدا ان ولا الحكومات اللى فاتت ولا الحاليه ولا القادمه حتيجى كويسه الا لما نتغير لان الحكومات بتيجى من الشعوب
بس بصراحه انت بجد حسستنى ان مفيش امل بجد واضح ان اللى فقد الامل فى البلد اكتر مما تخيلت وشكلنا حنفضل نمثل اننا كويسين هههههههههههههه.

الموقف البتكلم عليه ده عامل ذي البلطجي الضايع و عمال يسرق و ينهب و ينصب علي الناس و مافيش عنده اي نوع من الاحترام
وفجأه تحصله مصيبه في عيلته و لا عياله
يروح فايق شويه و يتوب و يقولك انا خلاص بطلت بلطجه ده ربنا مش راضي عليا و ابتلاني بمصايب علشان افوق

وشويه ريما ترجع لعادتها القديمه و يمكن اوسخ كمان و ينسي كل حاجه

هو الشعب عمل كده لما لقي ان الحكومه كلها قايمه عليه و انه في مصيبه كبيره و ناس كتير بتتقتل فكل الناس بتحاول تصلح من نفسها بس شكليا لفتره

لحد ما قامت الثوره و عينك ما تشوف الا النور و كله رجع اوسخ من الاول