يا شباب نزلت بصيت علي السيراتو sx و عجبتني جدا بس هي بتنزل جنط ١٧ و موضوع الجنط ١٧ مخوفني بالذات موضوع النشوفيه و البلالين ... دلوقتي انا محتاج نصيحة اشتريها ولا الجنط ال ١٧ حيقرفني في شوارع مصر؟
عرض للطباعة
يا شباب نزلت بصيت علي السيراتو sx و عجبتني جدا بس هي بتنزل جنط ١٧ و موضوع الجنط ١٧ مخوفني بالذات موضوع النشوفيه و البلالين ... دلوقتي انا محتاج نصيحة اشتريها ولا الجنط ال ١٧ حيقرفني في شوارع مصر؟
نصيحه ابعد عن 17 ده عايز طرق ملبن مش الطرق المعفنه اللي عندنا وعن تجارب كثيره انسب حاجه 15 وده اخر الطرق المصريه الصراحه من وجهه نظري والف مبروك مقدما
لو العربيه عاجباك اشتريها و بدلها بجنوط 15 و هناخد فرق كمان
انا غيرت الجنوط من 17 الى 16 وخليت الاصلى عندى برضوا علشان لما ابيع العربيه ممكن تجيب العربيه بس تعمل فى حسابك ان بعد فتره هتغير الى 16 علشان لما تلاقى بلونه متزعلش
اشتريها وبدل الجنوط ب 16
طب اذاى؟؟؟ انا عايز اشتريها و ابدلها بال 16 بس تكون جديدة تماما و الاصليه و مستعد ادفع فرق... فين ممكن اعمل كده؟؟
انا لازم احط الاصلية بتاعتها و لازم تكون جديدة لان مش معمولة ححط جنوط مستعمله على عربية اصلية!!! لما بحسبها بلاقى التكلفة للخمس جنوط بالكوتش وصلت 10 الاف جنية!!!
متشكر يا شباب على الردود ... الموضوع فعلا محير...طب هل فى مكان ممكن يبدلى الجنوط و الكوتش ال 17 بجنوط و كوتش 16 زيرو الاصلى و ادفع فرق؟؟ يعنى قبل ما استلم العربية يبدلهملى؟؟ للاسف التوكيل رفض الموضوع ده فمش قادر احجز العربية بسبب مشاكل الجنط 17 فى شوارع مصر
طيب انا دلوقتى عرفت ان الجنوط ال 16 الاصلين لو عايزهم بالكوتش حيكلفوا 9 - 10 الاف جنيه تقريبا ... طيب ال الكوتش و الجنوط الجداد اللى فيها ممكن يتباعوا بكام و فين؟؟؟ لاني عايز اعرف الموضوع ده ممكن يكلفنى كام؟؟
خليك فى جنط 15 لو حتمشى فى طرق غير ممهده
يا عم تبيع ايه وتعمل ايه ؟ إذا كان الجنط الـ17 من احلا الحاجات اللي مخلية العربية شيك
دا في ناس معاها استرا gtc اللي بجنط 17 واللي بجنط 18 وعلى كدا بيقولو انهم بعد ما خفضو في ضغط الاطارات بقت ناعمة جداً ومفيش نشوفية
إنما حكاية انك تجيب عربية بـ185 الف وتشيل جنط حكاية زي دا وتحط جنط لادا 15 انش يبقى ..... للأسف
وبعدين انت حتلعب سباق ولا ايه ؟ متخليك وحدة وحدة في الطرق المبهدلة
- شوف ناس هنا والله معاها استرا gtc بجنط 17 خفضط الضغط بتاعها من 35 لـ30 وبقت ناعمة جداً
- وبالنسبة للعربية انا مش مقتنع بأي حاجة تحت الـ200 الف غير بالنيو سيراتو والاسترا كوزمو والفوكاس
وانا ارشح الاسترا على السيراتو والفوكاس على الاتنين عشان الفوكاس اقتصادية عنهم وقطع الغيار بملاليم بالرغم انها الماني
بس كل مشكلتها ان ادائها بيقل شئ بسيييييييييط جداً مع البنزين 92 فقط لا غير إنما لا تصفيق ولا اي حاجة
غير الاداء والهاندلينج والتقييم اللي وخداه على كل مواقع التجارب وتحدي
اؤيدك جدا فى الرأي
بس كان عندي سؤال .......... ايه رأيك فى الفلوينس الفيس لفت الجديده مقارنة بالسيراتو الفيس لفت من حيث الهاندلينج والتسارع واستهلاك البنزين وسعر قطع الغيار وعمر قطع الغيار
شكرا
سيدي الفاضل
حضرتك تطلع علي ارابكوم عند النادي الاهلي و تشوف عندك الاشكال ال 16
و تاخد بالك كويس أوي من موضوع ال ET أو ال OFFSET
و الاهم تعرف أبعاد الجنوط الاصليه ايه
الاشكال مش هتعجبك لصغر حجم الجنط بس خليك في ماركه HRS
تايواني باين أو تايلندي بس حلوه عنده مومو بس صيني
الطقم بيعمل 3500 و هو من نفسه بيعمل خصم 10 %
الكاوتش ال 16 205/55/16
هات حاجه نضيفه و بلاش تستخصر
عندك بوتنزا ادرينالين من بريدجستون لو عاوز أداء و الفرده ديه تايلندي !
تورانزا GR-90 و ديه ياباني و الفرده قربت تقفل باكو :]
يوكوهاما سي درايف راحه و هدوء زي التورانزا تقربيا 750
فيه ميشلان PRIMACY 3 بس بأحسها مش معروفه أوي فالناس مش بتحب تجيبها
فيه ماركه جنوط تانيه اسمها LENSO
ديه بوب الجنوط التايلندي بس مقاس 16 بينهم و بينه خلاف نادرا ما يجيبوه
توكيلهم HIGH LINE CAR STYLING
و حماده غزي بردو عنده من الجنوط ديه
مع العلم الاشكال أغلبها مش هيعجبك عشان صغير مش عشان الشكل وحش فسيبك من الشكل و ركز في جوده الخامات
و أدي اللينك
Kia Cerato 2012 - Wheel & Tire Sizes, PCD, Offset and Rims specs ‐ Wheel-size.com
ابقي قولنا انت نويت علي ايه
الفيس ليفت جميلة جداً ... بخصوص التسارع تسارع الفلوينس من 0 - 100 في 14 ثانية
انما معنديش فكرة عن النيو سيراتو بس اعتقد هتبقى افضل عشان فرق القوة الحصانية للمحركين 130 للسيراتو و115 للفلوينس
- استهلاك البنزين للنيو سيراتو 7.1 لتر لكل 100 كيلو في الاستهلاك المتوسط
وللفلوينس 7.5 لتر لكل 100 كيلو في الاستهلاك المتوسط يعني تقريباً من نفس بعض
وكله حسب سواقتك وضغطك ع الدواسة
- لو بتبحث عن نقطة ((الهاندلينج)) في حاجة تحت الـ200 الف يبقى اولا "فوكاس" ثم "استرا"
وانا على استعداد لتحدي اي حد في النقطة دي
- بالنسبة لقطع الغيار اقدر اقولك ان من المؤسف ان سعر الفانوس الامامي للنيو سيراتو ليدات بـ6170 جنيه لوحده
والكلام دا من التوكيل وتقدر حضرتك تتصل في الحال للتأكيد يعني افتكر انها بقت اغلى من الالماني
والالماني هو اللي معمر على كدا من الكوري
النيو سيراتو تجهيزاتها كتيرة جداً بس التجهيزات الداخلية والرفاهية مش تجهيزات الأمان
عشان مافيهاش غير 2 ايرباج وabs فقط دا في الهايلاين كمان
على عكس الاسترا فيها 4 ايرباج وabs وhdc للأماكن المائلة وesp للثبات والتوازن ونظام حماية من السرقة
وبالنسلة للفوكاس فيها كل اللي فات بالإضافة الى مستشعر للصدمات وeba للمكابح الطارئة وisofix للكمقاعد الخلفية
وebd لتوزيع الفرامل
غير طبعاً الشياكة والاحساس والطابع الالماني ... انا نفسي بس حد يجاوبني ويقولي هي النيو سيراتو بقت بـ200 الف ليه
ولو اني من معجبيها بس دي كدا عدت كل اللي في الفئة
- لو بتبحث عن نقطة ((الهاندلينج)) في حاجة تحت الـ200 الف يبقى اولا "فوكاس" ثم "استرا"
وانا على استعداد لتحدي اي حد في النقطة دي
تسمحلي أرد عليك
الجواب هو سوبارو امبريزا + أعلي فئه ب 185000
abs+ebd+esc+all wheel drive
يليها مباشره الفورد فوكس
و انا مش مقتنع بأي عربيه في السوق حاليا غير الاتنين دول فقط لا غير
الجنط فعلا حكايا و شكله رهيب و يدى ثبات ممتاز بس المشكلة انى مش بسافر خالص فميهمنيش الثبات و بمش طول الوقت فى طرق مكسرة فعلشان كدة عايز جنط 16 علشان يستحمل شويه!!
بعد تفكير مقدرش احط فى العربية غير الجنوط ال 16 الاصليا بتاعتها علشان لو حطيت جنوط غير الاصليا نظام التعليق كله حيطلع برة الضمان!!!
كلمت التوكيل سالت على سعر الجنط ال 16 الاصلى طلع سعر الواحد 2100 جنيه, و بالكوتش حوالى 2800 كده معناه علشان اركب الجنوط الاصلية حيبقى 2800 * 5 = 14 الف جنيه
العربية شوفتها اليومين اللى فاتوا فى المعارض و تحفة و احسن بكتير جدا فى تجهيزتها من الالنترا بس للاسف مش مناسبة للطرق اللى بمشى فيها و حصرف نظر عنها
حعمل موضوع مقارنة بينها و بين الالنترا فى التجهيزات الدقيقة علشان الناس اللى بتقارن بينهم
ممكن أسأل حضرتك ميزانيتك قد ايه و أخرك كام ؟
فكرت في الفوكس أو الامبريزا ؟
اشكرك جدا علي سرعة الاجابة
بس كان عندي تعليق ...........
1- دايما بيقولو ان العربيات الكوري والصيني وبعض الياباني بيخدعوا فى القدرة الحصانيه ويكتبوا القدره العامه للموتور وليست الفعليه بعكس الاوروبي
يعني مثلا السيراتو قدرة الموتور الفعليه = 130 حصان .... لكن غير مقاسه القدره الفعليه يعني اللي رايحجه لكل فردة كوتش وبتدفع العربيه .... ايه راي حضرتك
2- مفهوم حضرتك ايه للهاندلينج ..... برجاء التوضيح لان عندي بعض اللبس
انا كانت ميزانيتى 140 الف و فى الايام اللى فاتت بصيت على السيراتو و عجبتنى جدا جدا فقررت عمل سلفة 40 الف بفايدة 13% من بنك الاسكندرية و ارفع الميزانية الى 180 الف علشان خاطر عيون السيراتو بس للاسف الموضوع واقف.
فوكس و امبريز فيهم سعر اعادة البيع واقع و قطع الغيار صعب القيها... هما عربيات ممتازة فى الثبات بس انا مش فارق معايا الثبات لانى مش بسافر خالص
انا معروض عليا النترا 2012 فولى لودد بصمة وكيل اعلى فئة اللى سعرها حاليا 180 الف مع واحد صحبى ... هى ماشيا 15 الف كيلو فقط و عارضها على 150 الف ... بفكر اخدها منه على 140 الف لو وافق... هى ذى الجديدة بالضبط مع شوية خدوش بسيطة فى الاكصدامات, ايه رايكم؟؟
- ممكن بس لو سمحت يا برنس الدليل على انها فيها esc ؟
انا على ما اعتقد انها نزلت عندنا من غير الـesc
زي ما عملو فينا لما نزلولنا الفورد فيستا نزلوهالنا من غير الميزة دي بردو
- بس لو فعلاً فيها يبقى هي رقم واحد وانا زيك تمام بس انا اضيف عليهم كمان الاسترا حلوة بردو
- بس انا ملومش الشباب هما كل همهم عربية شيك وملفتة
مع انهم لو يروحو كدا يبصو ع الفوكاس والاسترا بألوان معينة حيلاقوها اشيك بكتير
على ايه يا باشا احنا اخوات
بخصوص النقطة الاولى دي انا معنديش معلومات بس معتقدش انهم حيقولو كلام مش مظبوط لإنه كله راجع لسمعتهم
- انا اقصد ثبات العربية على السرعات العالية والملفات والحتة دي فيها متعة
شوف الفيديو دا :
The Best Handling Car - YouTube
الكوري دايماً في تقدم في الجودة والتجهيزات بس حكاية الهاندلينج دي لسا متأخرة
عشان كدا انا لما كنت راكب كوري (شيفروليه كروز) كنت بقلق اجري على سرعة عالية او اخد ملف على سرعة
لغاية مجبت الـ320i وعرفت الفرق وعموماً اكتر الاوروبي كدا بس طبعاً مش حيوصل للبي إم والمرسيدس
بس احلا من الكوري والياباني اكيد
واقواهم الفوكاس (تحت الـ200 الف) ولكن لو الامبريزا فعلاً موجودة بالـESC يبقى افضل منها عشان دفع رباعي
شوف انت ايه اولوياتك واللي انت عاوزه بس انت لو حابب السرعة والسواقة بشكل عام يبقى انتبه للميزة دي
.
طيب كده من كلامك اطلع بنتيجة ...... ان :
1-الهاندلينج فى الفلونس افضل من السيراتو
2-الاعتماديه فى الفونس افضل من السيراتو
وهذا الاتنتاج لكونها اوروبي وما تتميز به من جوده فى الصناعه
من ناحية تانيه السيراتو مش بتجدب لما بتقول 130 حصان ولكن دي قوة الموتور لوحده بدون احمال وبدون فقد فى القدره عند العجل الاربع
ودايما بلاحظ ان الاوروبي بيدي القوه الفعليه اللي ماشية علي الارض بعد ما بتعدي علي فاقد للقدره
يعني مثلا ال bmw 316 بطلع قدره 136 حصان ,... هل ممكن نساويها تقريبا بالسيراتو 130 حصان !!!!! طبعا لأ للسبب اللي ذكرته قفل كده ..... وحتلاقي تسارعها خرافي بالنسبة للسيراتو
بالظبط زي الجتا كانت 102 حصان وتيجي تقارنها بعربيات 115 حصان ..... تلاقي ان الجتا تسارعها وسرعتها خرافي بالنسبة للعربيات التانيه
فايه رايك بما انك راكب التحفه 320
(ملحوظه اخيره : الفلونس تسارعها 11.9 ثانيه من 0-100 وليس 14ثانيه)
:fdsa:
,
,
,
عامة انا شايف ان الاسترا هى افضل اختيار ف فئتها
بتجمع مميزات الاوروبى و الكورى ,, زى الفانتازيا كدة
عربية المانى فيها esp و شكلها جميل و ماسكة نفسها ف اعادة البيع
يعيبها فقط انها ضيقة من ورا شوية
و لو عربية صاحبك اللى عايز يبيعها فيها ايمبوليزر ,, يبقى
توكل على الله و هاتها
مبروك مقدما ,,
عندك حق جميلة جداً والهاتشباك والاستيشن فيهم ليدات خلفية إنما السيدان مافيهاش حتى الفئة التيتانيوم اللي تقريباً سعرها وصل 207 الف اعتقد بس مش مهم
مع انك لو تاخد بالك حتلاقي ان الفوكاس اول فئة متختلفش عن اعلى فئة في وسائل الأمان غير في الـHDC فقط اللي هي بتتحكم في العربية في الاماكن المايلة اوي
انما كل حاجة تانية موجودة وسعرها 175 الف
- انت تعرف ان توكيل فورد بتاعنا مكنش ناقصله غير فورد فيستا ST اللي هي المعدلة مش العادية ودي صورها :
http://www.automototube.net/2013-For...-FRONT-3-1.jpg
http://www.automototube.net/2013-For...-Front-2-1.jpg
http://www.automototube.net/2013-For...-ST-Rear-2.jpg
بس دي بمحرك تاني خالص وبجد لو كانت نزلت كانت حتخلي كل الهاتشباك في البلد يعنس
ودا بسبب الاداء والتقييمات اللي اخدتها في جمييع المواقع وصوتها المرعب وكمان الشكل حاجة متتصدقش
- ماهو هو دا سبب فشل الامبريزا عندنا وانها مباعتش كتير .. انا مشفتهاش غير مرة وحدة بس في الشارع
فيات من أوماترا لالفطيم
و فورد من فكري جروب لعبد اللطيف جميل
و يا مسهل