استفسار بخصوص ظبط الزوايا

**waelgam2005** · 09-10-2013 09:55 AM

ازيكو يا رجاله عاملين ايه
انا من يومين كنت بلف صنيه عندى فى العاشر وكانت ساعتها فى مظاهرة المهم واحد ابن حلال كدا راح خابطنى فى الرفرف اللى نحيتى والخبه اتردت كدا بايدى تانى ومش باين منها حاجه غير شوية عوجان ومش دى المشكلة المشكلة ان معظم الخبطه جه فى الكاوتش ومن ساعتها حاسس ان الدريكسيون اتعوج شوية بمعنى انى لو ماشى فى طريق مستقيم المفروض الدريكسيون يبقى عدل لا هوا دلوقتى واخد شمال شوية ولو عدلت الدريكيسيون بوضعه الطبيعى العربية اكنى بديها يمين فا هل دى محتاجه ظبط زوايا ولا محتاجه تظبيط عفشة

**dr.hazem** · 09-10-2013 10:34 AM

الف سلامة عليك يا وائل...
شوف ضغط الكاوتش الشمال ممكن نزل شويه ولو مظبوط يبقى زوايا امامي....
تحياتي

Sent from my Xperia Arc S using Forum Runner

**saddam** · 09-10-2013 11:06 AM

صديقي المواطن
قولا واحدا ظبط زوايا وهم برضو عندهم بتستعدل إتجاه الطارة بس ضروري تنبه الراجل بتاع الزوايا إن الطارة لو مش عدلة حترجعلو تاتي ﻷني دايما بظبط الطارة على دخلتين أو تلاتة عقبتل مجيبها 100% ودي بتبان مزعجة عند التاس اللي بيسافروا كتير وغلى سرعات مرعبة
موضوعك بسيط ولا تقلق تكلفته كلها 50 جنيه زوايا كمبيوتر و50 ترصيص 4 فرد وبالتوفيق

ودمتم للنضال
ودمتم

**a_mohamedsamir** · 09-10-2013 11:42 AM

أولا تتأكد من أن الهوا مضبوط
ثانيا لو العريه مش بتحدف يمين او شمال بس مجرد لوحة الدريكسيون
تروح لبتاع الزوايا وتقول له عاوز أعدل الدركسيون

لو بتحدف يبقى ضبط زوايا

لو مفيش رعشة تبقى مش محتاجه ترصيص
لو فى رعشه رصص

أرجوا ان أكون قد أفدتك
لأن كان عندى نفس الموضوع قبل كده

**waelgam2005** · 09-10-2013 03:48 PM

الف شكر ليكم كلكم هوا موضوع الحدف والرعشه تقريبا مفيش الفكرة بس ان الدريكسيون ملوووح شوية لانى كنت بلف الصنية باتجاه الشمال وتقريبا الخبطه جت على الكاوتش لانه كان مفتوح وعلشان كدا اتجاه الدريكسيون لوح ناحية الشمال فى العدل فا ان شاء الله هروح لبتاع الزوايا هخليه يظبط الدريكسيون ولو محتاجه يظبط زوايا يبقى يظبطها
الف شكر ليكم مرة تانيه والله يسلمك يا استاذ حازم