بستلم ايه مع بيجو 301 هاى لاين واشيك على ايه فى العربيه؟؟؟؟؟؟

**mans336** · 10-10-2013 12:29 AM

السلام عليكم ورحمة الله وبركاته
ان شاء الله بكره هستلم بيجو 301 هاى لاين
جايبها من موزع بيجو اللى عند الحصرى فى اكتوبر
سعرها 142 الف جنيه
عاوز اعرف ايه الحاجات اللى استلمها معاها واشيك على ايه فى العربيه؟؟؟

**Silent~Dream** · 10-10-2013 02:05 AM

انصح حضرتك تشوف الموضوع ده http://www.nilemotors.net/Nile/212786-a.html

**mahmed0100** · 10-10-2013 01:02 PM

طفايه سجاير و ولاعه .. و اتاكد من كل حاجه انها شغاله .. تكيف ازاز الابواب .. الشنطه .. افتح غطا التانك و الانوار .. اطمن ان كل حاجه شغال .. و ربنا يوفقك و مبروك عليك

**mans336** · 11-10-2013 11:36 AM

الف شكر يا رجاله
استلمت على خير الحمد لله
العربيه بجد جميله جداااااااا فى سواقتها وربنا يبارك فيها

**Ahmed Amin** · 12-10-2013 02:38 AM

ألف مبروك علي الأستلام, وربنا يبارك لك فيها,,
ومتنسناش في تقريرك عنها وأنطباعك بعد أول 1000 كيلو

وأول صيانة ليك مجانية بعد 2500 كيلومتر, بتروح غمرة بيعملو كشف علي العربية ويشوف ولو فيه مشاكل قابلتك, وبيراجعو علي الزيوت والسوائل وتربيط عفشة وعمل أبديت بأخر سوفت وير, ومش بتغير زيت الموتور غير علي صيانة ال 10 الأف كيلو متر,

ودي مشاركة عن الصيانة الأولي المجانية بتاعت ال 2500 كيلومتر,
http://www.nilemotors.net/Nile/37748...post3875172924

**Ahmed Amin** · 15-10-2013 05:38 AM

المشاركة الأصلية كتبت بواسطة mohjarr

فى داخل درج التابلوة المفروض تلاقى جراب أو حافظة عليها شعار بيجو و جواها 2 كتالوج .. واحد عربى و الثانى إنجليزى و تستلم الأوراق الخاصة بالعربية شهادة بملكية السيارة صورة من الإفراج و بيانات المعرض أو التوكيل و جواب المرور(لو الورق جاهز)
لو عربيتك هاى لاين تأكد من إستلامك لغطيان مسامير الجنوط لو مش راكبة و تأكد من إستلام عتله الجر و أنا إستلمت إثنين منها و لكن أحد أقربائى إستلم واحدة فقط كما تأكد من وجود إيريال السيارة فى حالة عدم تركيبة.
ستستلم 2 مفتاح للسيارة واحد بريموت و الثانى عادى .
ملحوظة هامة .....يجب أن تتأكد من ضغط الكاوتش لو عربيتك هاى لاين 32 قدام و ورا علشان بيبقى زايد علشان كده بعد الإستلام إن شاء الله تروح تظبط الضغط .
و ألف ألف مبروك عليك و ربنا يديلك خيرها و يكفيك شرها

المشاركة الأصلية كتبت بواسطة magdi mina

سؤالى ... يعنى ابة عتلة الرفع ؟؟؟؟ الكوريك ؟؟؟؟؟؟

هوا قال عتلة الجر مش الرفع,, ودي اللي بتجر وتسحب بيها العربية لو عطلت منك,او تجر بيها كارفان صغير,

....مع ملاحظة أن لو عربيتك أوتو العربية المفروض متجرهاش ورا عربية لمسافة أكتر من ٥٠ كيلومتر, والسرعة لا تتجاوز ٥٠ كيلومتر في الساعة عشان متأذيش الفتيس الأوتو,, وهتلاقي الكلام دا مكتوب في الكتالوج,, وساعتها لو مش هتقطرها لمكان قريب هيبقي أفضل تجيب لها ونش والكلام دا لكل العربيات الاوتو بالمناسبة,,
أما لو العربية مانيوال فممكن تقطرها عادي,,

والعتلة بتركب لي فتحة في الأكصدام, زي دي,,

ودا شكلها في البيجو,,

وكل العربيات بيجي فيعا واحدة بس, وبتركب لقدام أو ورا,, وأنا برضه عندي واحدة,, مش عارف زميلنا مهاجر أخد منها أتنين إزاي,,
أيه الحظ دا يا عم,,

**Ahmed Amin** · 23-11-2013 12:46 PM

المشاركة الأصلية كتبت بواسطة amrelsaqqa

على فكرة انا كمان خدت 2
واحدة لونها اسود مع علبة الكوريك
وواحدة لونها فضى
وطبعا انا مستلم من التوكيل يعنى المفروض اي حد يستلم 2 بردو

يا محظوظ أنت كمان,, والله علي أيامنا كنا بناخد واحدة بس,,
لأنها بتركب قدام وورا,,
غريبة أنهم بيسلمو أتنين في ال 301
يا محظووووووظ

-

الموضوع: بستلم ايه مع بيجو 301 هاى لاين واشيك على ايه فى العربيه؟؟؟؟؟؟

LinkBack

أدوات الموضوع

عرض

المواضيع المتشابهه

اريد سعر بيجو ٥٠٨ هاي لاين

بيجو 3008 هاى لاين والا كرولا هاى لاين المودلين 2013

سيراتو كوبيه هاي لاين ولا بيجو 308 اول فئة ؟

حد قدامه بيجو 307 هاي لاين

اقوي واشيك عربية صيني

الكلمات الدلالية لهذا الموضوع

المفضلات

المفضلات

ضوابط المشاركة