الموضوع: سقوط سيارة مرسيدس S - Class من إرتفاع 120 و لكن ماذا حدث ؟!

المشاركة الأصلية كتبت بواسطة lanos2004

لو مجادلناش نتكلم في ايه
وبعدين انا شايف مرسيدس من ٤ سنين واس كمان ملويه علي شجره في كورنيش المعادي صباح يوم راس السنه وقتها كانها مرسومه في فيلم كارتون

اولا واخيرا كله قضاء و قدر وحتى لو فى ابراج مشيده و وقت الانسان حان فى الموت خلاص و اى حادثه فوق 100 ربنا يحفظنا منها بتكون شنيعه سواء راكب اى عربيه بقى و ال active safety فى عربيات زى المرسيدس مينفعش تتقارن بعربيات كثير غير الى متفوق فى المجال ده زى الفولفو و البى ام دبليو مثلا وحتى ثبات العربيه او فراملها القويه و دول اهم حاجه بعد السواق فى السرعات العاليه مش هيمنعوا ان الحادثه تحصل لكنها وسيله منع يا نجحت يا فشلت فى مهمتها و كون ان العربيه وشها ورا و الشطنه قدام السقف تحت و الموتور على الارض كل ده المفروض انه ميبقاش مهم زى سلامه الكبينه مثلا و الركاب و بعدين ربك بس هو الى بينجى الواحد لا تقولى بقى ايرباج ولا مش عارف ايه انا قبل كده كنت راكب فيرنا طريق اسيوط الغربى و ماشيين 120 و العجله الشمال قدام ضربت العربيه حدفت شمال جامد كان جنبينا نقل ثقيل مقطوره اتخبطنا فيه و طيرنا يمين وسط الصحراء العربيه زحفت شويه حلوين و بعدين خبطت فى حجر و اتقلبت فى الهواء زى سابق ولاحق حوالى 6 مرات ونزلت اتقلبت مرتين ثلاثه كده و بعدين شويه زحف على جنبها اليمين ( لك ان تتخيل شكل الفيرنا بعد هذه الحادثه ) كل ده قبل الحادثه ب 5 دقايق انا قولت هنام شويه صحيت لقيت الصحراء فى وشى بينى و بينها حوالى شبر وانا راكب ورا يمين و صحابى ال 2 الى راكبين قدام ولا فيهم خدش وانا تقريبا 6 خدوش بسيطه من الازاز فى ايدى اليمين يعنى بردو ولا اى كلام والعربيه صرفت 15 الف و بقت زى الفل هل اقدر اقول ان الفيرنا دى اصلا عربيه ؟؟؟ بس ربك و الله هو بس الى بسترها معانا