حد ينجدنا من النقل ده فين المرور؟!!

**amr_mabd** · 10-10-2013 09:09 AM

بجد الواحد اعصايه بتسيب و بتدمرم لما يطلع مشوار علي الدائري النقل عامل ضغط رهيب و بيغرز و الماشي شمال و بيجري و الماشي في وسط الطريق بيتفسح و تلاقي عربيتين مشين جنب بعض بيتسمرو و طز في الباقي و المقطرته سيبا و الماشي يوقع طوب و يكسر قزاز العربيات الوراه بجد حاجه تشل و تعصب

المفروض يمنعه النقل يدخل القاهره اصلا الصبح و يسمحلهم من 10 بليل مثلا لحد 6 الصبح
بحد لو حد في المرور بيفهم كان طبق الموضوع ده لأنو لو اتبق هيعمل سيوله فظيعه علي كل محاور القاهره و هيقلل التكدث
من كاك يوم حصل حادث علي الدائري بسبب مقطورتين اتكسر فيهم بتاع 26 عربيه
و عند المنيب نقل اتكسر الاكس بتاعه عمل شلل لحد اخر محور المريوطيه الواحد اخد سعتين و نص من عند مطلع اسكندريه الصحراوي للمنيب و العربيه دي المرو شلها علي 3 العصر و هي عطلانه من 8 الصبح

فين المرور من ده كله فلحين بس يلمو مخالافات و يقولك فاميه و حزام و موبيل و صف تاني و سايبين النقل يبرطع علي المحور ده كده اسمه بيسترزق من المخالفات مش بينظم مرور
بلاش تمنعوه الصبح يطلع الدائري لو مش هينفع بس اجبره يلزم أخر اليمين و يغطي الحموله
ولا انا بطلب حاجه غلط و حرام

**saddam** · 10-10-2013 09:23 AM

صديقي المواطن
إحنه.محتاجين ثورة تكنولوجيا وتنظيم وإدارة وليست ثورة سياسة
ودمتم.للنضال

**akmm** · 10-10-2013 10:01 AM

اخطر شىء النقل التقيل على الطرقات واللى اصبح يسير في الطريق على مدار الساعه بسرعات عاليه جدا وما يفرقش معاه مين بجواره او امامه ..... لابد من تفعيل الحملات المروريه على النقل مش للملاكى بس .

**ELBEH** · 10-10-2013 10:36 AM

أحنا عايزين ثورة أخلاق.

**lidosasa** · 10-10-2013 02:31 PM

المشاركة الأصلية كتبت بواسطة amr_mabd

فين المرور من ده كله فلحين بس يلمو مخالافات و يقولك فاميه و حزام و موبيل و صف تاني و سايبين النقل يبرطع علي المحور ده كده اسمه بيسترزق من المخالفات مش بينظم مرور
بلاش تمنعوه الصبح يطلع الدائري لو مش هينفع بس اجبره يلزم أخر اليمين و يغطي الحموله
ولا انا بطلب حاجه غلط و حرام

أمال حضرتك فاكر أيه هما بالفعل بيسترزقوا من المخالفات محافظة كبيرة زى القاهرة مدير الأمن بيطلع ليه نسبة شهرية من تحصيل الغرامات المرورية سمعت إنها لا تقل عن 100 ألف جنيه وطبعاً كله بيتشارك فى السبوبة بس كل برغوت على أد رتيته أمال هما ليه عملوا التصالح الفورى فى القانون عشان يضمن سبوبة فورية من اللجنة اللى بيعملها

**amr_mabd** · 10-10-2013 04:38 PM

المشاركة الأصلية كتبت بواسطة saddam

صديقي المواطن
إحنه.محتاجين ثورة تكنولوجيا وتنظيم وإدارة وليست ثورة سياسة
ودمتم.للنضال

ماهو ده صعب في مصر

**janagabr** · 10-10-2013 05:02 PM

المشاركة الأصلية كتبت بواسطة lidosasa

أمال حضرتك فاكر أيه هما بالفعل بيسترزقوا من المخالفات محافظة كبيرة زى القاهرة مدير الأمن بيطلع ليه نسبة شهرية من تحصيل الغرامات المرورية سمعت إنها لا تقل عن 100 ألف جنيه وطبعاً كله بيتشارك فى السبوبة بس كل برغوت على أد رتيته أمال هما ليه عملوا التصالح الفورى فى القانون عشان يضمن سبوبة فورية من اللجنة اللى بيعملها

هههههههه في اي حته في العالم في مخالفات وتصالح فوري والشرطة لازم تاخد نسبة - وبعدين هو ده حل حضرت للموضوع يعني الازمة دلوقتي بقت المخالفات مش الكائنات اللي بتسوق النقل وبعدين اصلا الشرطة متساهلة في المخالفات يعني هي لو قرصت في المخالفات وعاملت زي ما بيحصل بره ماكنش هيبقي في دكر يعرف يعمل مخالفة بدل ما تقول يزودوا قيمة المخالفة تقولي سبوبة وتقولولي عايزين ننهض دا احنا نبروك بسبب الافكار الروشة ده

**lidosasa** · 10-10-2013 06:46 PM

المشاركة الأصلية كتبت بواسطة janagabr

هههههههه في اي حته في العالم في مخالفات وتصالح فوري والشرطة لازم تاخد نسبة - وبعدين هو ده حل حضرت للموضوع يعني الازمة دلوقتي بقت المخالفات مش الكائنات اللي بتسوق النقل وبعدين اصلا الشرطة متساهلة في المخالفات يعني هي لو قرصت في المخالفات وعاملت زي ما بيحصل بره ماكنش هيبقي في دكر يعرف يعمل مخالفة بدل ما تقول يزودوا قيمة المخالفة تقولي سبوبة وتقولولي عايزين ننهض دا احنا نبروك بسبب الافكار الروشة ده

يا بيه اللجان بتشتغل بطريقة بيع النعناع فى الأتوبيسات على رأى الفنان محمد صبحى . يعنى تلاقيه نازل بلجان ثابتة فى اماكن محددة من البلد وكل الناس حفظتها ومعاه دفتر المخالفات يخلصه على كام صاحب عربية ملاكى من الناس الحلوة الدفيعة وقضيت على كده وبارك الله فيما رزق وتطلع فى الجرايد ضبط مش عارف كام ألف مخالفة . ويسيب باقى البلد يضرب يقلب وسير عكس الإتجاه وكل البدع المرورية اللى بنشوفها . هو ده اللى أقصده من إنها بقت سبوبة وسد خانة وتقفيل ورق وارقام وإحصائيات . حد منعهم من إنهم يعملوا إنضباط مرورى بجد ويخربوا بيت المتسيب اللى بيأذى ارواح الناس كلنا حنفرح ونسوق بأمان