فابريكه بره و لا جوه

**mfs** · 11-09-2008 11:50 AM

سلام عليكم
الى كل الخبراء
لو سمحتم كنت عايز اعرف ازاى اعرف ان كانت العربيه دى رشه من بره و لا لا

و ايه موضوع رشه نضافه ده يعنى من السهل انك تعرف العربيه رش جوه بس من الصعب معرفه ان كانت رشه بره و لا لا

**mfs** · 14-09-2008 12:18 PM

ايه يا جماعه هو مفيش حد يعرف يجاوب عبى السؤال ده و لا انا اللى جيت غلط هنا

**banboty** · 14-09-2008 01:09 PM

الموضوع محتاج وقت و مش بالساهل و مش هتعرفها من اول مرة ,, محتاج دقة عالية و شوية خبرة
و لكن هناك شواهد و ملاحظات مبدئية ممكن تعرف منها اذا كانت العربية رشت بره و بوية الفابريكة !

اول حاجة

بوية الفابريكة بتبقى ناعمة يعنى حتة واحدة و من غير اما تلاحظ وجود اي حبيبات او تعفيرة ورنيش زيادة من الرش

بتشوف اذا كان فيه تسييل ورنيش او بوية في اي جزء من اجزاء السيارة و دي محتاجة فحص دقيق و متأنى .

ترفع جلد الزجاج او باكتات الشباك من الاربع جوانب و تشوف اذا كان فيه تحديد للبوية و عامل حرف و لا لإ قبل نهاية الباكتة .

و فيه حاجات تانى , بس دى تقريبا الحاجات الاساسية ..

و لو عاوز تريح نفسك من الموال ده

فيه جهاز صغير الماني الصنع في حجم علبة السجاير للكشف على بوية الفابريكة و تمنه حوالي 800 جنيه و اسمه تقريبا كار كراش و استخدامه سهل و بسيط و شوفت ناس كتير بتستعمله و بيتباع عند محلات الاكسسوارات الكبيرة زي على رضا او في محلات شارع دمشق

**mfs** · 14-09-2008 01:12 PM

متشكر جدا على الرد يا باشا

**Ahmad Allawy** · 15-09-2008 08:12 PM

و يا تري ايه فكرة عمل الجهاز ده.؟؟

**دموع الثلج** · 15-09-2008 08:58 PM

الجهاز ده بتمشى بيه على جسم العربيه من الخارج هو بيكشف لك المكان اللى تم رشه
من الجزء الفابريكه من الدهان

**Ahmad Allawy** · 15-09-2008 09:15 PM

تمام..
انا فهمت كده من اسمه
بس انا كنت حابب اعرف فكرة عمله ايه بس مش اكتر..

**ahmedsrs** · 16-09-2008 12:35 AM

كمان زيادة على ماسبق بتبص على الصواميل الى ماسكة البيبان والرفارف لو الباب اتفك او الرفرف بتلاقى الصواميل مخدوشه من اثر الفك والتربيط وطبعا دى ميقدرش يرشها وكمان لو خبطت على الصاج بيبان صوت الصاج المتمعجن بيبقى مكتوم