العربية مش بتدور بعد ماتسخن

**Zing0** · 12-10-2013 11:14 PM

طيب أنا هأقولك على حاجه غريبة شويه, بس يا رب أكون فاهمها صح
أنت مشكلتك عدم الدوارة و المكنه سخنه...تمام

العيب عندك من نوع بنزين مخلوط بالمياه أو الشوائب
أو...
من سدد فى خرطوم دخول البنزين للكربراتير, إكشف على قوة ضخ البنزين فيه (فك الخرطوم و شغل العربية و شوف الطرومبه بتوصل البنزين بقوة للخرطوم و لا لأ فى أى علبه فاضيه)

قد يبدو الكلام غير منطقى بس جرب , ده كلام الخواجه مش كلامى.
المصدر: ملف لصيانة كربراتيرات لادا, بصراحه تحفه بس مشكلته أنه بالإنجليزى. الملف على الرابط التالى...
Weber Trouble Shooting Guide

**youssef_elgbaly** · 13-10-2013 02:54 AM

المشكلة فى الغاز والبنزين بس الحمد لله جربت البنزين النهاردة بعد تغير موبينة + تصليح المارش قولت للسواق لو عملت معاك اى حاجة قولى قالى تمام وببطل فى الزحمة وادور تانى بتدور علطول الحمد لله تم تركيب وصلات الغاز النهاردة وجارى التجربة بكرة واقولكم ايه الكلام

**hassanin_lada** · 13-10-2013 06:19 AM

المشاركة الأصلية كتبت بواسطة besso

ايه علاقه التاكيهات بان الابلاتين يلدع او لا

واللهي ماعرف

هو ده اللي حصل معايا

انا الاول لو الار بي ام وصل ل 4000 او 4500 كان الابلتين يلدع والعربية تبرجل وحاجه مايعلم بيها الا ربنا من ساعة مارحت للراجل ده وظبطهالي العربية داخله في 9 شهور مافيش ميكانيكي هوب ناحية المكنه

ومع ان البوجيهات عندي تعبانه (ليها اكتر من سنه لما رحت ظبط التكيهات قولتله اغيرهم قالي لا )

والار بي ام دلوقتي بيدخل 5.5 و 6 ومافيش مشاكل الحمدلله

وغالبا ناس كتير اشتكت من موضوع الابلتين ده وان الكهربا كل فتره بتعوز تتظبط

**besso** · 13-10-2013 07:35 PM

هى بتتظبط بس فى حاله تغير البنزين بنوع تانى

ده اللى اعرفه

**youssef_elgbaly** · 13-10-2013 11:04 PM

تم الاصلاح الحمد لله والمشكلة راحت خالص وبنزين وغاز بقت تمام زى الاول ومعملتهاش تانى كله بسبب الموبينة مع انى اكنت بكب عليها بازازة مياه واجرب ماكنتش بتقلط علشان كده كنت باعد الشك قلت ديه بقالها سنتين اغيرها وتمل حل المشكلة الحمد لله