الموضوع: حبيــــــــــبى

إياك فاكرنى بحبك ؟؟
إوعاك تكون مكار

شاورلى بس انتا
تلاقينى سيف بتار

أمرك ياعيونى يمشى
دا الكل بات محتار

ايه اللى يهمتى ؟؟
وانتوا معايا كتار

انا اللى بحبك . . تعرف ؟؟
وف قلبى ليل و نهار

خليك معايا . . فاهمنى ؟؟
لآخر المشوار . . .

( م.ذ )


.

يا قاتل مهما هتألف
وهتعتم على التقتيل
ف كل دقيقة هنخلف
بطل فارس شديد الحيل
هيرفع رايته من تانى
ويصرخ حره اوطانى
ويمحى الغدر والجانى
وتشهدله حضارة ونيل
ف سالف ذكره من يومه
صدى صوته يقول قوموا
وسلمية ف معلومه
يرد بيها ع التضليل
وفاتح صدره لرصاصك
واعلامك وانجاسك
ومهما تكون بحراسك
عن الشرعية مالنا بديل
دا هى المكسب الاكبر
وهى الاصل والمصدر
وعن تغييبها ما تقدر
ولا عنها ف مره نميل
يا قاتل شعب برصاصه
يا خاين عشرته وناسه
دا كله مرده لاساسه
ولا كدبك علينا يخيل
هنفضل نرفض الكدبة
ونشتم فيك وف الكلبة
وكل ميدان بقى رابعة
وهنخلى نهارك ليل
ولو عايز تقاتلنا
او اتماديت ف تقتيلنا
هنفضل دى اماكنا
ونتبادبها جيل ورا جيل