مين اكتر واحد يفيدنى فى العفشة الميكانيكى ولا ظبط الزوايا ولا العفشجى

**jojoamr** · 11-10-2013 05:32 PM

مين اكتر واحد يفيدنى فى العفشة الميكانيكى ولا ظبط الزوايا ولا العفشجى يعتى يقدر يقولى عايزه ايه مقصات ولا علبة دريكسيون او صيانة فى المقصات لان الصنايعى قالى عايزة تغير مقصات وانا شاكك انه مش عايز يشتغل يعنى يفك ويركب بس عشان كدة فكرت اسالكم على الموضوع ده

**sakr_skoda** · 11-10-2013 06:25 PM

موضوعك من اختصاص العفشجى بس ياريت تشرح لينا المشكلة يمكن نعرف نساعدك لأنغالب الصنايعية بيفتو بدون علم ........على فكرة لو اتعلمت فى كلية اسكودا بجامعة نايل موتورز حتعمل الحجات الهايفة دى بنفسك واحنا معاك....*

**EngAhmedSayed** · 11-10-2013 06:37 PM

المشاركة الأصلية كتبت بواسطة jojoamr

مين اكتر واحد يفيدنى فى العفشة الميكانيكى ولا ظبط الزوايا ولا العفشجى يعتى يقدر يقولى عايزه ايه مقصات ولا علبة دريكسيون او صيانة فى المقصات لان الصنايعى قالى عايزة تغير مقصات وانا شاكك انه مش عايز يشتغل يعنى يفك ويركب بس عشان كدة فكرت اسالكم على الموضوع ده

هقولك على حاجة انتا اكتر واحد تفيد نفسك عارف لية
لانى انتا اكتر واحد بتركب العربية و حافظها
طيب ما تيجى نفهم مع بعض و نطبق عملى علشان نشوف عربيتنا عاوزة اية و نجيب قطعة الغيار و نديها لدكتور يركبها من غير ما يقترح علينا و يشتغلنا فى فلوس و القصة دى و ندفع احنا

الموضوع انى عفشة سكودا فلشيا بسيطة جداااااااا مش معقدة
عاوزين نعرف المشكلة منين
انتا عندك ثلاث حاجات
اسكترا ( علبةالدركسيون )
المساعدين
المقصات

الاول
عاوزين نعرف الاسكترا فيهامشكلة و لة لا
هتعمل اية
هتوقف العربية عادى جدا وتخلى الدركسيون يوسجر بالقفل تمام انزل وامسك فردةالكوتش باديك الاتنين وهاتها يمين وشمال يعنى بايدك اليمين تزوق لجوة وايدك الشمال لبرة واعكس وشوف العجلة بتروح معاك وبتيجى وفيها كدة تكة او سنة بوش و جرب على العجلة التانية لو راحة وجة معاك يبقى الاسكترا عاوزة تتغير لومشكدة يبقى تمام
نصحيتى ليك ابعد عن الصينى لانها كاخامة تعبانةجدااا لانى العربية تقيلة من قدام لازم تجيب قلى خاماتها نظيفة وهى الالمانى بتاعتها هتقولى الجديدة غالية فعلا 950 ج على ما اعتقد هقولك هات واحدة استيراد المانى هتكون عاملة من 225 الى 250 جنية
وهقولك تفحصهاازاى عند بتاع الاستيراد هتلاقى العلبة فى النص و طالع منها البارتين امسك البارة زوقها على جوة و برة انا مش عاوزك تمشيها جوة العلبة الدركسيون لا انتا هتزوق بس فى سنة كتة اوتكة يبقى لالالالالا وجرب على البارة التانية

ثانيا
المساعدين
الاول هتبص عليهم ازاى تعالى بص من عند المساعد من تحت وارفع الكوتشة وبص فى ترشيح زيت على العمود بتاع المساعد لو فى غير على طول مع تكرار المراجعة على الاربع مساعدين
ثانيا هدوس على المساعد ولازم تكون انتا حاسس الموضوع ده هدوس وسيب هتلاقى المساعد بيرجع لفوق ويهدى وميردش تانى لتحت لو قعد يرد لتحت ولفوق يبقى عامل زى السوستة يبقى تعبان او ضرب زيت وعاوز يتغير
ثالثا وانتا بدوس وبيرجع لفوق هتلاق بيعمل صوت زى هس هسهس ولما يجى يرد لفوق اول مرة بيعمل صوت شخرة الاصوات دى بدل على انى المساعد كويس لومش موجودة يبقى بردك شكرا غيرة
وانا افضل نوالمساعد قلى هو الساكس اللمانى هتلاقى الجوز الامامى من 480 الى 500 جنية و الجوز الخلفى من 380 الى 400 جنية يعنى فى الرنج دة

ثالثا
المقصات
و المقص علية تلات حاجات بتمسك المقص
1- بيضة المقص
2- شداد المقص
3-جلبة المقص

بيضة المقص
نعرفها لما بيكون فى دبدبة فى العجل و تمسك العجلة تزوقه من فوق لبرة و جوة شوف كدة العجلة ثبتها و له بتروح معاك و بتيجى معاك و له بتلق

شداد المقص
تعرفها بردك لما بيكون فى دبدبة و تعويم فى العربية بتعوم معاك على سرعة من 80 الى 120 دة شداد و فى المنحنيات تعوم و بردك تزوق العجلة بقى منين لقدام و للخلف شوفها بتروح معاك و له ثابته لو بتروح معاك يبقى شداد

جلبة المقص
نفس قصة الشداد بالظبط هيبقى دبدبة و ترزيع

و لو فى حاجة هتركبها اطلع على طول اظبط زاويا و رجاء و انتا رايح من عند الميكانيكى او العفشجى لبتاع ظبط الزاويا امشى بالراحة قوووووى علشان ممكن تكون عجلة مخلوفةلجوة او لبرة ربنا يستر
وان شاء الله المشكلة تتحل
اناحبيت اشرحلك علشان لو حاجة محتاجة تتغير غيرة لو مش محتاجة يبقى حرام تغيرة قطع الغيار اما الميكانيكى او العفشجى مش فرقة غير يابية ويقعد يعد مصنعية ماهو مش هيدفع حاجةمن جيبة
يارب اكون قدرت اوفق فى الشرح
ربك المستعان

شوف كدة و انا متابع معاك

__________________

**EngAhmedSayed** · 11-10-2013 07:05 PM

المشاركة الأصلية كتبت بواسطة jojoamr

هو انا مش عارف اشكر حضرتك ازاى بجد انت جبت المفيد كله اصلى ادبست فى علية دريكسيون صينى وحاسس ان الباشا عايز يركب وخلاص وكان عايز طقم مقصات صينى كمان عشان كدة انا قلقتت وحسيت انو عايز يفك ويركب وخلاص يقولى اصلو المقص محتاج بيض وجلب وخراط ووو فالاحسن نجيبو جديد الصينى حلو وكان لسة مركبش العلبة قولت مع نفسى انفضله واسالكو هنا انتو اكتر ناس تفيدونى بجد

ي

ياله مضيعش وقت جرب عملى و قولنا انتا معاك القصة كلها و اشرحلنا العملى بتاعك
علشان نعرف انتا وصلت لايه
ربنا يوفقك
ولا شكر على واجب

**المنسي** · 11-10-2013 07:51 PM

نصيحة منى فى موضوع العفشة بعيد عن المشكلة اللى انت بتحكيها لو هتغير حاجة يبقى غيرها استيراد افضل وعارف ليه لان الاستيراد زيه زى الاصلى اللى راكب فالعربية من 15 سنة والكلام ده بقوله علشان الصينى هتركبه وتيجى بعد 4 او 5 شهور وهيبوظ

**jojoamr** · 13-10-2013 07:26 PM

هوانا اتبعت تعليمات البشمهندس احمد بالنسبة للمساعدين والحمد لله المساعدين كويسين اما المقصات ففى وانا ماشى دبدبة واى حاجة فى الارض بتحس بيها حتى لو اسفلت مش مستوى اى حاجة اما العلبة فالميكانيكى اللى قاللى انها عايزة تتغير وعلى اساسه جبت العلبة بس لسة مركبتش بس العجلة بحاول احرك العجله بس مش بتتحرك زى البشمهندس احمد قالى مش عارف بقى العلبة كده ايه ظروفها

-

-

-

-

الموضوع: مين اكتر واحد يفيدنى فى العفشة الميكانيكى ولا ظبط الزوايا ولا العفشجى

LinkBack

أدوات الموضوع

عرض

مين اكتر واحد يفيدنى فى العفشة الميكانيكى ولا ظبط الزوايا ولا العفشجى - انشر الموضوع فى :

-

-

-

-

-

المواضيع المتشابهه

هل مشاكل العفشة تأثر على الزوايا

طقطقة فى العفشة بعد ظبط الزوايا

تربيط العفشة وضبط الزوايا

حكايتى مع تظبيط الزوايا و العفشة

سؤال هام مين يركب الكبالن الميكانيكى و لا العفشجى ؟؟

الكلمات الدلالية لهذا الموضوع

المفضلات

المفضلات

ضوابط المشاركة