الموضوع: لسه جايب سكودا فيفوريت وعندي بعض الملاحظات

المشاركة الأصلية كتبت بواسطة midohalim

بسم الله الرحمن الرحيم


انا لسه جايب سكودا فيفوريت , حالتها كويسة .
ثابتة علي الطريق شكلها كويس .
بس لما نزلتها الجراج جيت تاني يوم لقيت , بعض نقط الزيت علي الارض تحت الموتور .
و تاني حاجة نور العدادت مش شغال , و السماعات بتاعتها مش بتستحمل اكتر من 1 base , لو عليت اكتر من كدة تبدأ في التخبيط و مش تفهم اي حاجة شغالة .
و العربية كويسة مش بتسخن ولا حاجة معقول يعني .

هل في حل لاول مشكلتين لانهم الاهم بالنسبة ليا :)

شكراً مقدماً

مبروك عليك ربنا يديك خيرها ويكفيك شر الطريق........الفيفورت سيارة محترمة جدا....بس ممكن سؤال حضرتك جبتها على كااااااااااااام؟؟؟؟؟

بالنسبة للمشكلة الولى دى مشكلة عامة فى الفليشيا واخوتها عموما وعلشان نقدر نحدد مصدر تنقيط الزيت من الفتيس او الموتور ياريت تقولنا الزيت بيبقى تحت الفتيس ولا الموتور....

الزيت تحت الماتور: دا بيبقى سببة تسريب زيت من كارتيرة الزيت ودى حلها سعل حرق على مسامير الكارتيرة ال19 وهى مسامير 10 لو منعت يبقى خير لو ممنعتش يبقى غير جوان الكارتيرة....*

الزيت تحت الفتيس : حاول تدقق هل الزيت قادم من اعلى من عند راس الكوبلن الداخلى لو يبقى عاوز تغيير اولسية الفتيس لو من الحلة يبقى نصيحة تعايش مع الموضوع لو التنقيط بسط انما لو كسيف عند حلين اما تكشف على المصدر ممكن يكون شرخ فى الحلة ودا ممكن تغيرها بواحدة استيراد ب300 جنية او تفير فتيس كامل ب750 جنية استيراد برضوا....

خليك فاكر انى قلت لحضرتك الفليشا كلها بترشح زيت فتيس وموتور دى مشكلة عامة مش خاصة بالفيفوريت فقط ودا يرجع لانخفاض السيارة وكثرة المطبات الغشيمة فى الشارع المصرى....

بالنسبة لنور الطابلو لو كلة مطفى ولا لمبة فية منورة يبقى حلها بسيط الفيوز رقم 3 من اليمين محروق غيرة بس خلاص انما لو لمبة واحدة منورة والباقى مطفى يبقى لازم تفك التابلوة وتكشف على اللمبات وتغير المحروق....*

على فكرة اى عربية تشتريها استعمال بتلاقى فيها شغل انا اول ما اشتريت الفيفوريت بعد يومين طلبت طقم دبرياج كامل مكنتش تمشى الا لما نزقها شوية بعدين انط جواها وامشى ههههههههههههههه

المشاركة الأصلية كتبت بواسطة MiDoHaLiM

الف شكر يا جماعة علي الردود الجميلة دي ,

بالنسبة للزيت تحت الموتر او الفتيس لسه ها اشوف و اقولك ,

بالنسبة لـ نور التابلوه , مش شغال خالص غير لمبات اشارة الستوب الاربعة , و لمبة واحدة منهم اللي شغال ,

و نور المارشيدر مش بيشتغل , ودي حاجات قرفاني بصراحة .

شكراً للاهتمام .

تمام كدا ياخى نفس مشاكل فيفورتى لما اشتريتها!!!!!!!!!!!!!!!!!!!!

بالنسبة للمبات حتحتاج تغير وياريت تشترى الاصلية من عند بتوع الاستيراد علشان اللى فالسوق صينى ورديئة وب 15 جنية اللمبة !!!!!!!!!!!!

او ممكن تستغنى عن الموضوع كلة وتشترى شريط نور تلصقة فى سقف التابلوة حينورلك الدنيا كلها وسعرة فى حدود ال15 جنيةعند بتوع الكماليات....*

بالنسبة لنور المرشدير فيه 3 حجات هى اللى بتمنع نور المرشدير من الاضائة....
اولها : الفيوز ممكن يكون محروق علشان كدا راجع على الفيوزات كلها الأول....*

ثانيها :ساعة المرشدير اللى راكبه فى اسفل الفتيس بص كدا ممكن تلاقى الاسلاك مقطوعه ودا الاحتمال الاكبر زى مكان عندة تلاقى العربية حكت فى مطب قشطط الاسلاك وفصلتهم........

ثالثها: اللمات اللى فىى الكشافات الخلفية ممكن تكون محروقه....*

على فيفورتى كان فيها كوووووووووووول المشاكل دى وبحمد الله تم حلها بالجهود الذاتية فلو عاوز تشتغل بايدك انا تحت امرك وادى موضوع لفك طابلوه الفيفوريت....**

http://www.nilemotors.net/Nile/327965-a.html

المشاركة الأصلية كتبت بواسطة midohalim

تمام حضرتك انا تاعبك معايا معلش , مممكن الموضوع , و طريقة تغيير اللمبات دي ,

او افك التابلوه ازاي , و اللمبات اجيبها منين , بالنسبة لشريط النور صاحبها الاولاني كان مركب فيها الشريط دة ,

لكن انا عايز اعمل الحاجة الصح , وبعدين النور بتاعوا شديد جداً و انا عايز حاجة هادية .

تمام كدا الصح,, الشئ لأصلة المشاركة السابقة بها رابط موضوع ادخل على الموضوع ستجد شرح فك التبلوه بالصور واللمبات سهلة جدذلفة بسيطة عكس عقارب الساعة تخرج اللمبة والتركيب عكس الفك....