تحت امر حضرتك
1- بالنسبه للsoftware المفروض ان العربيتين زي بعض والمشاكل الي حصلت في السيتروين احنا لغاية دلوقتي مش متأكدين هي عيب software ولا hardware لأن مهندسين التوكيل عملوا كل حاجه وغيروا الsoftware بتاع العربيه وغيروا الworking condition والمشكله لسه موجوده. فغالباً عيب صناعه في حاجه في الموتور او الecu بتاع العربيه. والsoftware مش هيأثر كتير او مش هيبقى في اختلاف كبير بين العربيتين يعني الاتنين نفس عدد الHP ونفس الtorque. مش عارف انا فهمت حضرتك صح ولا لأ!
بخصوص عزل البيجو, انا ماجربتهاش بصراحه ومش عاوز أفتي :) بس حضرتك في المعرض ممكن تكتشفي الحكايه دي. ادخلي جوه واقفلي الباب وجربي كلاكس العربيه هل هيكون الصوت كأنه لداخل الcabin ولا لأ. اما بخصوص العزل للهواء مش هينفع غير ان حضرتك تسألي ملاك العربيه يفيدوا حضرتك اكتر مني
2- بالنسبه sound system speakers للعربيتين زي بعض. والسماعات عموما يا إما في الباب او التابلوه. وانا لسه داخل على بيجو واتأكدت انهم نفس المكان للأسف. جودة الصوت حضرتك ممكن تجربيها برضه في المعرض وده حقك قبل ما تشتري.
3- المفروض ان العربيه مجمعه في تايلاند مش صناعه تايلاندي. يعني معظم الcomponents ياباني ماعدا جزء صغير في حاجات مش essential هو التايلاندي. يعني الموتور والعفشه وكده ياباني.
والفكره ان تكلفة الانتاج ارخص بنفس الجوده أو اقل حاجه لا تذكر.
في دول الخليج في عربيات تويوتا تجميع تايلاندي بالفعل ومفيش اي شكاوى منها وحالياً الياريس الall new تجميع تايلاندي وفي موضوع عنها هنا في المنتدى. وفي مصر في اخر سنتين التيدا كانت تجميع مكسيكي ومفيش شكاوى منها. بس الملاك قالوا فعلا انها اقل من الياباني الي قبلها حاجه بسيطه.
رأيي تنتظري التيدا وتقارني بينهم على ارض الواقع. وياسلام لو نيسان ايجيبت عملت test drive عشان نكون فكره عنها وعن العفشه الجديده وارتفاعها...etc