الموضوع: اول مرة اخد مخالفة وبـ 300 جنيه :(

اعمل تظلم و ان شاء الله حيخفضوها

هو فعلا اموضوع مش بيتحسب بالفلوس انا كنت جايب اخويا من المطار من 3 سنين وانا راجع اتلغبطت ودخلت داخله غلط فمشيت 30م عكس ولبست مخالفه ب 1005ج وساعه التجديد دفعتها والله من غير ما اعترض عشان انا فعلا عملتها.
رحت اجدد عربيتى يوم 30/6/2013 لقيت مخالفه 520ج 20ج انتظار فى الممنوع و 500ج التسبب دون مقتضى فى تعطيل حركه المرور فلما طلبت بيانات الواقعه طلعت فى حته عمرى ما رحتها ولا اعرف هى فين اساسا ومش فى القاهره كمان قلت مش هدفعها وعملت معارضه من يوم 30/6/2013 واتحددى جلسه يوم 13/11/2013 ودفعت الضريبه والتأمين وادينى مستنى كل ده عشان مش بحب الظلم والافتراء ولو كنت عملتها كنت دفعتها من سكات.
التظلم بيقعد 48س بالكتير اوى انما المعارضه بتقعد بتاع 3 اة 4 شهور وبختك يابو بخيت.
لو مستعجل على العربيه استعوض ربنا ودفعهم وامرك لله

عندي يقين تام إن مخالفات السيارات ما هي إلا عن سرقة مقنعة في إطار قانوني للغلابة المحترمين اللي ملهمش في موضوع الوسايط .
عمرك شفت قاضي أو وكيل نيابة أو ظابط أو حتى أمين شرطة جتلو مخالفة جنية واحد حتى !!!!! مع انهم مشين على طول مخالف .

أكبر مثال على إن المخالفات عشوائية عند تجديد الرخصة اكتشفنا وجود مخالفة عكس ١٠٠٠ جنيه مصري + ٣٠٠ جنية مصري تعطيل حركة المرور في يوم واحد في ساعة واحدة يعني مخالفة دوبل
عملنا تظلم شال ٣٠٠ بس في نفس الإسبوع بنعمل بيان مخالفات اكتشفنا واحدة تانية بالظبط بتاريخ من 3 شهور ١٠٠٠ + ٣٠٠ دوبل بردو ، عملنا تظلم كان بعدها بشهر بس خللي بالك بتخش على الماكسيموم يعني ٢٣٠٠ اصبحوا ٤٦٠٠ جنيه مصري !!!! القاضي كان راجل محترم و عارف إللي فيها دفعنا مئة و شوية وعمل كدة مع كتير إللي كان ٣٠٠٠ دفع بردو مئة و شويه
و بعد ١٠ أيام بتاخد بيان مخالفات جديد متصفر .

طيب معلش سؤال جانبي هو احنا لية بندفع ألف جنية و شوية كل 3 سنوات من غير مخالفات !!!! هي فين الطرق الكويسة ولا الاسعاف العادي حتى مش الطائر اللي على الطرق السريعة ولا لازم أكون يسري فودة علشان حد يعبرني و أنا بموت على الطريق !!!!!!